JOLDAÝǴA SÁIKES JAŃA MINDETTER AIQYNDALDY

Keshe tústen keıin “Nur Otan” halyqtyq-demokratııalyq partııa­synyń bıýro otyrysy bolyp ótti. Oǵan el Prezıdenti, partııanyń Kósh­basshysy Nursultan Nazarbaev qa­tys­ty. Bul otyrysta bıýro múshele­rimen qatar, Prezıdent Ákimshiliginiń jaýapty qyzmet­kerleri, Úkimet músheleri, oblys­tardyń jáne Astana men Almaty qalalarynyń ákimderi bas qosty. Onyń kún tártibine Mem­leket bas­shysynyń osy kúni halyqqa joldaǵan “Jańa on jyldyq – jańa ekono­mıkalyq órleý, Qazaqstannyń jańa múmkindikteri” atty Jol­daýyn júzege asyrý jónindegi “Nur Otan” partııasyna júktelgen tap­syr­malardy talqylaý máselesi engi­zildi. – Men búgin Parlament otyrysynda halyqqa Joldaý jasadym. Bul – tarıhı Joldaý, – dedi Elbasy óziniń kirispe sózinde. – Bul qujatta bizdiń 2020 jylǵa deıingi damý jolymyz tolyq qamtylǵan. Biz jańa kezeńniń bastaýynda turmyz. Joldaý bizge el damýynyń aldaǵy onjyl­dyqtaǵy basym baǵyttaryn aıqyndap berdi. El ekonomıkasynyń jańa órleýi arqyly Qazaqstannyń jańa múmkindikteri ashylady. Joldaýda daǵdarystan keıingi eko­no­mıkany daıyndaý tetikteri jan-jaqty qa­rastyrylǵan. Eldi ındýstrııalandyrý isin jedeldetý arqyly biz jańa bıikke kó­te­rilemiz. Qujatta áleýmettik ahýaldy jaqsartý máselesi de aıtylǵan. Joldaý arqyly halqymyzdyń bereke-birligi odan ári nyǵaıa túsedi dep senemin. “Nur Otan” partııasy – Qazaqstan­nyń eń yqpaldy saıası qozǵaýshy kúshi. Partııanyń saıası bıýrosy elimizde ma­ńyzdy sheshimder qabyldaıtyn eń úlken jıynnyń biri. Son­dyqtan, men halyqqa Joldaýdy jarııa et­kennen keıin sizderge arnaıy kelip otyrmyn. Partııanyń Saıası bıýrosynyń keńeı­tilgen májilisinde sizdermen Joldaýdy iske asyrýdyń tetikterin taǵy bir pysyq­tap, talqylap alaıyq. Bıýro otyrysynda Premer-Mınıstr Kárim Másimov sóz sóıledi (Úkimet bas­shysynyń sózi jeke berilip otyr). Munan keıingi sóz kezegin “Nur Otan” HDP Tóraǵasynyń birinshi orynbasary Nurlan Nyǵmatýlın aldy. Ol óz sózinde elimizdiń aldaǵy 10 jyldaǵy damýyn qam­tamasyz etetin, irgeli isterge jol ashatyn bıylǵy Joldaýdyń tarıhı mańyzy da, qoǵamda alatyn orny da erekshe ekendigin atap kórsetti. Sebebi, bul qujatta daǵ­darystan keıingi damýdyń naqty joldary men basty baǵyttary belgilendi. – Uzaq merzimge arnalǵan búgingi Jol­daý­dyń oıdaǵydaı iske asatynyna tolyq se­nemiz. О́ıtkeni, bizdiń birligi men ynty­maǵy jarasqan halqymyz bar. Nursultan Nazar­baevtaı álemge belgili kóshbasshymyz bar. El­basynyń tikeleı basshylyǵynyń arqa­synda táýelsiz mem­leket qurý, ásem elorda salý, ulttyq qor jasaqtaý sekildi kúrdeli de mańyzdy ister az jyldyń ishinde júzege asty. Elba­symyz kópetnosty Qazaqstannyń irgesin berik, eńsesin bıik etip, ony beı­bit­shilik pen tatýlyqtyń úlgili mekenine aınal­dyrdy. “Nur Otan” halyqtyq-demokra­tııa­lyq partııasynyń el arasynda úlken bedelge ıe bolýy da Elbasy eńbeginiń jemisi, – deı kele, munyń ózi ekinshi jaqtan alǵanda El­basyna halyqtyń úlken senimin bil­di­retindigin aıtyp ótti. So­ny­men qatar, Mem­leket basshysynyń bergen tapsyrmalary partııanyń jańa baǵdar­lamasynda tolyq eskeriletindigin, árbir nurotandyqtyń Qa­zaqstannyń jańarýyna belsene qatysatyn­dyǵyn jetkizdi. Elbasy osy tusta baǵdarlamanyń bas­ty maq­saty men máni – elimizdi ındýs­trııa­landyrý ekendigin eske saldy. Munyń sal­maǵy birinshi kezekte óńirlerge túsetin bolady. О́ıtkeni, Joldaýdyń ózi jalpy eki baǵyttan turady. Onyń birinshisi – elimizdiń 2020 jylǵa deıingi damýy bolsa, ekinshisi – aýmaqtyq damý máselesi. Demek, aldaǵy ýaqytta el óńirleriniń ir­geli damý núktelerin qalyptastyrý qajet. Máselen, ońtústikte adam resýrstary kóbirek shoǵyrlanǵan bolsa, batys ólkesi materıaldyq shıkizat resýrs­taryna baı. Osy másele eskerilýi kerek. Osy­ǵan oraı sóz Indýstrııa jáne saýda mınıstri Áset Isekeshevke berildi. Mınıstr ındýstrııalyq-ınnovasııa­lyq damý baǵdarlamasynyń 5 jyl ishinde elimizdiń ishki jalpy ónim kólemin 50 paıyzǵa arttyrýdy kózdeıtindigin aıtyp ótti. Ol úshin eksporttyq áleýetti nyǵaı­tý, basymdyq beriletin salalardy damytý, shet elderden tikeleı ınvestısııalar tartý isin jaqsartý maqsaty alǵa qoıylady. Jalpy, 300 joba qarastyrylsa, sonyń 162-si júzege asyrylý ústinde. 146 joba ústimizdegi jyly iske qosylady. Olardyń oryndalýyna tıisti jaýapty toptar belgilengen. Parlament depýtaty, Azamattyq al­ıans jetekshileriniń biri Aıgúl Soloveva óz sózinde osyndaı asqaraly mindetterdi belgileý jóninde batyl sheshim qabyl­daǵany úshin Elbasyna alǵysyn bildirdi. Joldaýdyń keń tynystylyǵyn, taldaý tereńdiligimen erekshelenetindigin aıtyp, azamattyq sek­tordyń bul Joldaýǵa óz únin qosatyndyǵyn jetkizdi. Mine, osyn­daı tusta elimizge basty qajettilikterdiń biri bedeldi de myǵym kóshbasshy bolyp tabylatyndyǵyn, al ondaı kóshbasshy­nyń bar ekendigin aıtty. Shyǵys Qazaqstan oblysynyń ákimi Ber­dibek Saparbaev Elbasynyń qamqor­lyǵynyń nátıjesinde “Jol kartasynyń” ótken jyly sátti júzege asqandyǵyn, osy­nyń arqasynda elimizde kóptegen mektepter men aýyl jol­darynyń, basqa da mádenı-áleýmettik máni bar nysan­dardyń jóndeýden ótkizilgendigin jet­kizdi. Elbasy halyqtyń jaǵdaıyn únemi qamqorlyqpen oılap otyratyndyǵyna, sonyń biri ınflıasııany tejeý jónindegi mindettiń de júzege asqandyǵyna toq­taldy. – Bizdiń oblysta ındýstrııalyq-ınnovasııalyq baǵytta 30 joba engizilgen. Ony oryndaýǵa barlyq kúsh-jigerimizdi jumsaımyz. Búgingi kúni biz Sizge osynaý daǵdarys tusynda halyq jaǵdaıynyń tómendeýine jol bermegendigimiz úshin sol halyqtyń ózi alǵys bildiretindigin jetkiz­bekpin. 50-60 jyl boıy jóndeý kórmegen mektepter men joldardyń qaıta jańǵyr­ǵandyǵy úshin halyq Sizge alǵysyn bil­dirip jatyr, – dedi ákim Elbasyna qarata. “Atameken” kásipkerler odaǵy ulttyq palatasynyń basshysy Azat Perýashev ótken jyly júzege asqan “Jol kartasy” baǵdar­lamasynyń endi elimizdiń 2020 jyl­ǵa deıingi damý strategııasynyń aıa­synda turaqty úrdiske aınalǵandyǵyn ká­sipkerlerdiń qýanyshpen qabyldaı­tyn­dyǵyn aıtty. Jıyndy Elbasy qorytyndylady. – Osy otyrysta aıtylǵan pikirler men eskertpelerdi esepke ala otyryp, Prem­er-Mınıstrge erteń Úkimet otyrysynda Jol­daýdy júzege asyrýdyń Jalpyulttyq jos­paryn qarap, elimizdiń damýynyń 2020 jylǵa deıingi strategııasyn júzege asyrý shara­la­ryn bekitýdi tapsyramyn, dedi Elbasy óz sózinde. Onjyldyqqa alǵa qoıylǵan tapsyr­ma­ny tıimdi júzege asyrý úshin kezekti­likti, naqty baǵyttar men aralyq kór­setkishterdi aıqyndaý qajet. Osyǵan oraı barlyq baǵdarlamalyq qujattar men normatıvtik aktilerdi biriz­dendirý kerek. Árbir mınıstrliktiń, agent­tiktiń, árbir ákimdiktiń, ulttyq holdıngter men kom­pa­nııalardyń sáıkes jobalary bolǵany jón. Bútindeı alǵanda Úkimet barlyq júze­ge asyrylatyn jobalardy úılestire oty­ryp, jaǵymdy makroekonomıkalyq ahýal­dy qamtamasyz etýi, júıelilik má­selelerdi sheshýi tıis. Bul rette qajetti zań jobalaryn qabyldaý men qamtamasyz etýge basymdyqtar berilgeni durys. Sóıtip, Úkimet 2020 jylǵa deıingi stra­tegııalyq jospardy júzege asyrý jóninde biryńǵaı basqarý ortalyǵyna (shtabyna) aınalýy tıis. Elbasy ákimdikterge de tıisti tapsyr­malar berdi. Olar óz kezeginde strategııa­ny júzege asyrýdyń óńirlik ortalyq­taryn basqarýy kerek. Osyǵan oraı árbir óńir, qala men aýdan boıynsha strate­gııany júzege asyrýdyń naqty jospar­la­ryn ázirlep, bekitý mindeti alǵa qoıylady. Endigi kezekte ákimderdiń jumys kór­set­kishterin baǵalaýda eńbek ónimdiliginiń artýy men tartylatyn tikeleı ınves­tı­sııa­­lardyń kólemi, shıkizattyń emes, eks­port kóleminiń artýy men ınnovasııalyq belsendi kásip­oryndar úlesiniń kóbeıýi, joǵary ónimdi jańa jumys oryndary sanynyń artýy esepke alynatyn bolady. Elbasy osylaı deı kele, “Nur Otan” par­tııasy aldynda turǵan Joldaýǵa qatysty qazirgi tańdaǵy basty mindetterdi aıqyndady. Birinshi mindet – Joldaý men 2020 stra­te­gııasy jónindegi aqparattyq-na­sı­hat­tyq jumystardy basqarý, Joldaýdyń negizgi basymdyqtaryn árbir qazaqstan­dyqqa jetkizý. Ekinshi. Strategııany júzege asyrý jo­lynda halyqtyń barlyq toptaryn jumyl­dyrý. О́ıtkeni, jalpy tabys – bul árbir azamattyń ortaq iske qosatyn úlesi. Úshinshi. Barlyq saıası partııalarmen, úki­mettik emes uıymdarmen, buqaralyq aq­parat quraldarymen birlese otyryp, jumys júr­gizýdiń, qoǵamdy ortaq maq­satqa jumyldy­rýdyń joldaryn qaras­tyrý kerek. Elimiz damýynyń tıimdi jol­daryn birlesip izdestirý men ulttyq birlik – bul ortaq tabystyń kepili. Tórtinshi. Parlamentte strategııany damý turǵysyndaǵy mańyzdy zań joba­laryn qaraýdy belsendi etý jóninde atqaratyn is­ter­di, ásirese, oǵan tapsy­rylatyn qujat­tardyń sapaly bolý máselesin oılastyratyn ýaqyt keldi. Besinshi. Parlamenttegi “Nur Otan” fraksııasymen, máslıhat depýtattarymen birlese otyryp, bólingen qarjylardyń jumsalýyna, berilgen tapsyrmalardyń oryndalýyna partııalyq baqylaýdy jolǵa qoıý kerek. Altynshy. Partııanyń bastaýysh uı­ymdaryndaǵy jumys tıimdiligin arttyrý kerek. Partııa elimizdegi, ár óńirdegi jumystardyń barysy týraly shynaıy aqparattyń kózine aınalýy tıis. Jetinshi. “Jas Otan” jastar qanaty­men jumysty kúsheıtý kerek. Memleket­tik qyzmetke jáne sharýashylyq jumys­tardyń basshylyǵyna joǵarylatý úshin olardyń arasynda neǵurlym belsendi múshelerden partııanyń áreket ústindegi rezervin qalyptastyrǵan jón. Elbasy osylaı deı kele, qoıylyp otyrǵan tapsyrmalardyń mańyzdylyǵyn eskere otyryp, partııanyń aldyna aldaǵy on jyldyqqa arnalǵan jańa baǵdar­la­masy qajet bolatynyn eskertti. – Bizdiń baǵdarymyz belgili. Aldy­myzǵa onjyldyq damýdyń baǵdarlamasy men onyń naqty baǵyttary qoıylǵan. Osyǵan baılanysty biz qaı istiń qashan, qaı jerde jáne qalaı atqary­latynyn tolyq bilemiz. Eń bastysy, biz atqaratyn árbir shara qarjylaı qamtamasyz etiledi. Sondyqtan, endi bizdiń bar kúsh-ji­gerimiz osy baǵdarlamany júzege asyrýǵa baǵyttalýy kerek. Bul iste “Nur Otan” partııasy asa bel­sendilik tanytýy qajet. Elimizdiń je­tekshi saıası partııasy búkil partııa múshe­lerin jumyldyryp, Joldaýdyń máni men mańy­zyn qoǵamǵa jetkizýi tıis. Halyqqa túsindirý isine jergilikti máslıhattardy da keńinen tart­qan jón. Sonymen qatar partııa Jol­daýdyń oryndalý barysyn da qadaǵalap, ony qatań baqylaýǵa alýy tıis. Osy mindetterdi júzege asyrýda siz­derge tabys tileımin, dep aıaqtady Elbasy óziniń sózin. Suńǵat ÁLIPBAI. QAZAQSTAN – 2020. BOLAShAQQA BIRGE BARAMYZ Kárim MÁSIMOV, Qazaqstan Respýblıkasynyń  Premer-Mınıstri. Elbasynyń Qazaqstan halqyna óziniń jyl saıynǵy Joldaýyn ar­naıtyn kún árqashan da elimizdiń qo­ǵamdyq ómirinde basty oqıǵa bo­lyp tabylady. Bul – jańa kezeń bas­taýy. Bul – jańa josparlar. Bul – jańa mindetter. Bul – jańa úmit­ter. Bul – jańa jetistikterge umtylys. Búgingi Joldaýdyń mańyzy er­ek­she. Olaı deıtinimiz, Elbasymyz bizge jahandyq ekono­mı­kalyq jáne saıası yqpaldardyń qaıta bólisi men ta­rıhı kezeńder almasýynyń kúrdeli bir sátinde Qa­zaqstannyń 10 jyl­dyq damý baǵdarlamasyn usyndy. Ol bizge ekonomıkalyq jáne ór­kenıettik qıyndyqtarǵa tótep beretin, naqty qadammen alǵa aparatyn ba­ǵytty belgilep berdi. Tek údemeli ındýstrııalandyrý men ınnovasııa, eńbek ónimdiliginiń eselene ósýi ǵana Qazaqstannyń daǵdarystan keıingi jańa álemde utymdy ári berik pozısııany ıem­denýge múmkindik beretinin Elba­sy­myz dáleldi túrde aıqyndap berdi. Bul – jeńis strategııasy! Barshamyzdyń Elbasy Jol­daýy­nyń áserinde otyrǵanymyz haq. Joldaýdaǵy árbir sóılem men ondaǵy árbir tapsyrmany Úkimet pen “Nur Otan” partııasy bas­shy­lyqqa ala otyryp, júzege asyrady. О́ıtkeni, prezıdenttik 2020 baǵdar­lamasy – bul bolashaq Qazaqstan. Bizdiń ortaq keleshegimiz – qýatty memleket, ornyqty jáne damyǵan ekonomıka, molshylyq, saıası turaqtylyq pen kelisim. Jahandyq ekonomıkalyq daǵ­darys ákelgen qaterler men syn-tegeýrinder el ekonomıkasyn re­for­malaýdy, ulttyq qaýipsizdikti jáne memlekettiń turaqtylyǵyn ny­ǵaıtý jolyndaǵy jedel shara­lar­dy talap etti. Dál osy sharalar­dy bizge búgin Elbasymyz da usyndy. Búgingi Joldaýdan árbir qazaq­standyq tek ózine ǵana baǵyshtalǵan ákelik qoldaý men qamqorlyq sózderdi estidi dep oılaımyn. Árbir qazaqstandyq eldiń daǵ­darystan keıin nátıjeli qalpyna keletinine jáne óziniń jeke ál-aýqaty men ıgiliginiń óse­tinine se­nimdi, óıtkeni, bizdiń Prezıdentimiz – sóz ben istiń birliginiń adamy. Sondyqtan biz búgin el ekono­mıkasy úshin óte qıyn jaǵdaıdyń ózine qarmastan, “Daǵdaryspen kúres strategııasynyń”, “Jol kar­ta­synyń”, “100 mektep, 100 aýrý­hana” baǵdarlamalarynyń naqty nátıjelerin kórip otyrmyz. Munyń ózi Prezıdenttiń ár­daıym ha­lyqpen birge ekenin, halyqqa jáne árbirimizge degen úlken qamqorlyǵyn kórsetedi. Búgingi Joldaý – Nursultan Ábishuly Nazarbaevtyń búkil ha­lyqtyń, árbir otbasynyń, árbir adam­nyń ál-aýqatyn odan ári kó­te­rýge baǵyttalǵan sarabdal jospary. Qazirgi tańda Qazaqstan senimdi nyq qadammen, eleýli damý ále­ýetimen jańa onjyldyqqa, jańa bolashaqqa bet aldy. Bul – qazaqstandyq kóshbasshy­lyqqa qadam basý. Táýelsizdik alǵan 18 jyldyń ishinde eli­miz ekonomıka men mem­lekettik qurylysta álem tańǵa­latyndaı nátıjelerge qol jetkizdi. Tabysty barystyń qýatty serpilisimen salys­tyra otyryp, búkil álem “qazaq­stan­dyq ǵajaıyp” týraly tamsana aıta bastady. Elimizdiń Tuńǵysh Prezıdenti – Nur­sultan Ábish­uly Nazarbaevsyz osynaý “qa­zaqstandyq ǵajaı­yp­qa” qol jetkizý múmkin emestigin moıyndaý qajet. Bizdiń Elbasymyz tarıhı qysqa merzim ishinde kúrdeli ekonomı­kalyq jáne ishki saıası jaǵdaıda qıraǵan ımperııa synyq­tarynan qazaq halqynyń ǵasyrlar boıǵy armanyn júzege asyryp, táýelsiz ári qýatty memleket qurdy. Ol óziniń aınalasyna Qazaq­stan halqyn biriktire otyryp, onyń erkin demokra­tııalyq elder­de­gideı gúlden­gen bolashaqqa degen senimin art­tyrdy. Ol álemde “Nazarbaev modeli” retinde tanymal biregeı áleýmettik-ekonomıkalyq model quryp, júzege asyrdy. Mine, dál osy model Qazaqstannyń údemeli damýynyń lokomotıvi boldy. “Nazarbaev modeliniń” arqa­syn­da Qazaqstan álemdik daǵdarys­tyń soqqysyna tótep berip qana qoımaı, ekonomıkalyq ósýdi saqtap qalǵan álemdegi az ǵana memleket­terdiń qatarynda. Jahandyq jáne óńirlik geo­saıası syn-tegeý­rindermen birge jú­retin qarjy-ekonomıkalyq daǵda­rys álemde qaıta qurý úderisin iske qosty. Bul qa­terler men syn-tegeýrinder elimizdiń ekono­mı­kasyn re­formalaýǵa, memlekettiń ulttyq qaýipsizdigi men tu­raqtylyǵyn nyǵaıtýǵa baǵyttalǵan jedel ári sheshýshi sharalardy talap etedi. Búgingi tańda búkil álem damýdyń jańa basymdyqtary men maqsat­taryn izdeý ústinde. О́zgerip otyrǵan álemmen birge Qazaqstan da ózge­retin bolady. Eń bastysy, biz buǵan daıynbyz. Álem­niń búkil eli tózim­dilikke synalyp jatqan ýa­qytta, al álemdik qoǵamdastyq jańa ja­handyq pro­blemalardy sheshý al­dynda turǵan kezde kóshbas­shylary ishki saıası turaqtylyqty saqtap, tıimdi ekonomıkalyq sheshim taba alǵan, álemdik derjavalardyń jahan­dyq báseke­lestiginde óz hal­qynyń múddesin qorǵaı bilgen elder ǵana daǵdarystan qýatty bolyp shyǵady. Álem tarıhı paradoksty baı­qaýda – jahandaný kezeńinde mem­leket damýynda kórnekti kóshbas­shy­nyń róli turaqty ósedi. Jáne ulttyq kóshbas­shy­nyń bo­lýy kó­bi­nese memlekettiń tabysty bolýy­nyń sheshýshi shartyna aınalady. Bizde mundaı kóshbasshymyz bar, olaı bolsa, bizdiń bolashaǵymyz aıqyn. Jas táýelsiz memleketimizdiń jańa tarı­hy Tuń­ǵysh Prezıden­ti­miz­ben tyǵyz baı­lanysty. Kóp­etnosty Qazaqstan halqy eldiń bar­lyq jeńisteri men jetistik­te­rine Nur­sultan Nazarbaevtyń arqasynda jetkenin biraýyzdan moıyndaıdy ári óz Prezı­dentine kámil senedi. Ekonomıkamyz turalap qalǵan eń qıyn ýaqytta da Nursultan Ábishuly kúrdeli mindetterdi qolyna alyp, halyqqa bergen ýádesin árdaıym oryndap keledi. Sózderi men isinde eshqashan alshaqtyq bolǵan emes. Halyqtyń muń-muqtajyn túsi­nip, el basqarýda oǵan sengen adam­darǵa árdaıym qamqorlyqpen qaraıdy. Árbir prezıdenttik saılaý Qa­zaqstan halqynyń óz kóshbas­shysyna degen joǵarǵy seniminiń aıqyn aıǵaǵy boldy. Sebebi, bizdiń árbir qol jet­kizgen tabysymyz, ál-aýqa­tymyzdyń artýy men kórkeıý jolyndaǵy árbir qadamymyz – bul bizdiń Prezıden­timizdiń kemeńger saıasatynyń, qajymas eńbegi men halyq múddesine berilgendiginiń nátıjesi. Ult pen Kóshbasshynyń mundaı birligi – tarıh betterinde áli talaı bedeldi oryn alatyny sózsiz. Búgingi Joldaý jetistigimizdi saqtap, ony odan ári nyǵaıtýǵa, kele­shek urpaqqa uly ári qýatty memleket qaldyrýǵa múmkindi­gimizdiń bar ekenin taǵy da dáleldep berdi. Bul – asa úlken mindet. Bul mindetti tek Qazaqstan Prezıdenti Nursultan Nazarbaev­tyń sheshe alatyndyǵyn bilemin.