JOLDAÝǴA JEDEL ÚNQOSÝ

Qylyshbaı BISENOV, Parlament Májilisiniń depýtaty: – Elbasy osy jolǵy Joldaýynda onyń tarıhyn da aıtyp, eske salyp ótti. 1997 jyly “Qazaqstan-2030” Strategııa­lyq damý baǵdarlamasyn qabyldaǵa­ny­myzdy, sonyń alǵashqy onjyldyǵy artta qalǵanyn, sodan beri elimizdiń ósip-ór­kendeý jaǵdaıynda bolǵanyna toqtaldy.  Al bıylǵy Joldaý endigi onjyldyqqa, ıaǵnı 2020 jylǵa deıingi Strategııalyq damýymyzdyń, áleýmettik-ekonomıkalyq, saıası-mádenı turǵydaǵy alǵa jyljýymyzdyń baǵdarlamasy bolyp otyr. Elbasy osy qujatty halyqqa tanystyrý barysynda biz úshin eń qasıetti uǵym táýelsiz Qazaqstan ekenin aıtty. Bul – óte úlken sóz. Qasıetti uǵym. Sosyn Prezıdent álemdik naryqqa óńirlerdi ıntegrasııalaý, óndirisimizdi damytyp, sapaly ónimdermen óz halqymyzdy ǵana qamtamasyz etip qoımaı, olardy shetelge shyǵarý arqyly bıznesi qalyptasqan, damyǵan 50 eldiń qatarynda kóriný jaıyna toqtaldy. Qoldan kelmeıtin is pe? Joq! El tutas bir maqsatqa birikkende alynbaıtyn qamal bolǵan emes. Bile bilgen adamǵa munyń barlyǵy ulttyq namysty oıatyp, otansúıgishtikke tárbıelep, halqyń úshin aıanbaı eńbek etip, ter tógýge shaqyratyn ister. Zeınolla ALShYMBAEV, Parlament Májilisiniń depýtaty: – Elbasynyń Joldaýyn Qazaqstan halqy asyǵa kútedi. Joldaý úlken saıası oqıǵa bolyp tabylady. Al Memleket basshysynyń bıylǵy Joldaýy aldaǵy 10 jyldy qamtıtyn, elimizde júzege asyrylatyn baǵdarlamalarǵa quryldy. Kóptegen máseleler kóterildi jáne olar­ǵa baǵa berildi. Solardyń ishinde Qa­zaqstan álemdik qarjy daǵdarysynan kúı­zelmeı shyǵyp, ótken jyldy tabysty qorytyndylaýy da bar. Memleket basshysy Joldaýda eńbek ónimdiligin arttyrý máselesine basa mán berdi. Ár adam óziniń jumysynda, qyzmetinde eńbek ónimdiligine kóp kóńil bólýi qajettigin atady. Ásirese,  elimizdegi birqatar salalardaǵy eńbek ónimdiligi keıbir eldermen salystyrǵanda tómen ekendigin atap ótti. Eńbek ónimdiligin arttyrý úshin ındýstrııalyq-ınnovasııalyq baǵdarlamalardy júzege asyrý tıistiligine toqtaldy. Sondyqtan bizder osy baǵdarlamany myqtap qolǵa alyp, qarqyndy júrgizýimiz kerek. Bulardan bólek, Elbasy jańa tehnologııalardy óndiriske engizip, tıisti zańnamalarǵa ózgerister engizý qajettiligin de atap kórsetti. Janseıit TÚIMEBAEV, Bilim jáne ǵylym mınıstri: – Nursultan Nazarbaev óziniń Joldaý­yn­da árbir azamattyń damýy — onyń jeke tabysy men jalpy qoǵamnyń alǵa órleýi ekenin taǵy da atap ótti. Sondyqtan bilim berýde zamana ta­lap­taryna jaýap beretin jańasha jetistikter qajet. Prezıdent elimiz memlekettiginiń negizi qa­lana bastaǵan tusta bilim berý mańyzdy­ly­ǵyna aıryqsha toqtalǵan edi. Ekonomıkalyq jáne qarjylyq qıyndyqtarǵa qaramastan, osy salaǵa barynsha qoldaý kórsetilip keledi. Orta bilimdi aqparattandyrý, daryndy balalardy tabý, oqytý jáne damytýǵa baǵyttalǵan Prezıdenttik “Daryn” jáne halyqaralyq “Bolashaq” baǵdarlamalary júzege asyrylý ústinde. Búgingi tańda mektep oqýlyqtary mazmunynyń 85 paıyzy sandyq formatqa kóshirilgen. Respýblıkadaǵy 3385 mektep ınteraktıvtik taqtamen jabdyqtalǵan.  Alǵash ret 2007 jyldyń qyrkúıek aıynda alǵashqy ınteraktıvtik sabaq Elbasynyń qatysýymen ótti. Eńbek resýrstarynyń básekelestigin arttyrý maqsatynda Elbasy “Tilderdiń úshtuǵyrlyǵy” baǵdarlamasyn usyndy. Ondaǵy maqsat — memlekettik til — qazaq tilin, resmı til — orys tilin jáne halyqaralyq til — aǵylshyn tilin halyqtyń neǵurlym kóp bóliginiń meńgerýine baǵyttalǵan. Elbasynyń tapsyrmasymen qolǵa alynǵan “100 mektep, 100 aýrýhana” baǵdarlamasy orta bilim salasyn damytýdaǵy shyn mánindegi basymdyqqa ıe mańyzdy joba boldy. Tek sońǵy on jyl ishinde barlyǵy 652 mektep salyndy. Daryndy balalarmen kezdesýlerdiń birinde Elbasy álem  Qazaqstandy ekonomıkalyq jáne saıası jetistikteri arqyly bilip qana qoımaı, ıntellektýaldyq ıdeıalardyń ózegi – jas býyn arqyly tanytýǵa bolatynyn aıtqan bolatyn. Osynyń jalǵasy ispettes elimizde ıntellektýaldyq zııaly qaýym qalyptastyrýǵa baǵyttalǵan “Tuńǵysh Prezıdenttiń ıntellektýaldyq mektebi”, “Astanadaǵy Nazarbaev ýnıversıteti” sııaqty jańa jobalar júzege asa bastady. Qazirgi tańda Astana, Semeı jáne Kókshetaý qalalarynda fızıka-matematıkalyq baǵyttaǵy ıntellektýaldyq úsh mektep jumys isteıdi. Olarda barlyǵy 1854 oqýshy bilim alyp jatyr. Osy ınnovasııalyq model birtindep elimizdiń barlyq aımaǵynda júzege asatyn bolady. Qazir sonyń alǵashqy jemisin kóre bastadyq. Elimiz oqýshylary halyqaralyq jáne respýblıkalyq olımpıadalarǵa, saraptamalyq oılaý men úlken izdenisti qajet etetin ǵylymı jobalar saıysyna qatysyp, úlken jetistikterge jetip júr. Osyndaı tabystardyń arqasynda Qazaqstan 2010 jyly Astanada TMD elderiniń ishinde alǵashqylardyń biri bolyp 51-Halyqaralyq matematıkalyq olımpıadany ótkizý mártebesine ıe boldy. Bilimdegi serpilissiz – ınnovasııalyq damýda serpilis bolmaıdy. Sondyqtan qazaqstandyq ýnıversıtetter “bilim ekonomıkasynyń” uıytqysy, eldiń ınnovasııalyq damýynyń katalızatory bolýy tıis. Bul – ýnıversıtetter úshin aldyńǵy onjyldyqtaǵy maqsat. Osyǵan oraı Astana qalasynda álemdik deńgeıde Halyq­aralyq ýnıversıtet jobasy iske asyryla bastady. Bul jańa ýnı­ver­sıtettiń qurylymy, uıymdastyrý prınsıpteri, oqytý ádistemesi jáne ǵylymı zertteýlerdiń deńgeıi jetekshi shetel ýnıversıtteri úlgisine meılinshe jaqyndatylady. Halyqaralyq deńgeıdegi ýnıversıtet aldynda úlken mindetter tur. Oǵan aqparattyq-kommýnıkasııalyq tehnologııasy; óner jáne áleýmettik ǵylymdar; ınjınırıng jáne tehnologııa; jara­tylystaný ǵylymdary ınstıtýttary kiredi dep josparlanyp otyr. Joba áriptesteriniń qatarynda: Koreıa polıtehnıkalyq ýnıversıteti, Nıý-Djersı tehnologııalyq ýnıversıteti, Kent memlekettik ýnıversıteti, Pıttsbýrg ýnıversıteti, “Aıdyn” Ystambul ýnıversıtetteri bar. Búgingi tańda orta, tehnıkalyq jáne kásiptik bilim berý salalarynyń uıymdary túrli nusqadaǵy kompıýterlik synyptarmen qamtamasyz etilgen. Árbir 18 oqýshyǵa bir kompıýterden keledi. Mektepterdiń 98 paıyzy, onyń ishinde aýyldyq jerlerde 97 paıyzy ınternetke qosylǵan. Álemdi qarjy daǵdarysy qysqan kezeńde de elimiz alǵan baǵytynan qaıtpaı, bilim salasyna barynsha qoldaý kórsetip keledi. Daǵdarysqa qarsy “Jol kartasy” aıasynda 9 mlrd. 470 mln. teńgege 95,6 myń adam daıarlaý jáne qaıta daıarlaý kýrstarymen qamtyldy. Osylaısha jumyssyz qalǵan myńdaǵan adam qaıta daıarlaý kýrstarynan ótti. N.Nazarbaevtyń Ál-Farabı atyndaǵy Qazaq ulttyq ýnıversıtetiniń stýdentterine oqyǵan dárisinde ult áleýetin ashý úshin “ıntellektýaldyq tóńkeristiń” qajettiligine basa nazar aýdaryldy. Jalpy, Elbasynyń bıylǵy Joldaýy “Qandaı qoǵam ornatyp jatyrmyz?” jáne “Birneshe jyldan keıingi elimizdiń álemdegi orny qandaı bolady?” degen sııaqty árbir azamatty mazalaǵan suraqtarǵa jaýap beredi. “SAMǴAÝ  JYLDARYNA  SERPIN  BERSEK” deıdi Ańǵal batyr  aýylynyń  turǵyndary Ańǵal batyr aýyly – Eńbek­shilder aýdanyndaǵy yntymaǵy men berekesi jarasqan qazaqy qut qonystyń biri. Ákimdik aýmaǵyndaǵy Ańǵal batyr men Jańalyqta 1200-deı adam tursa, onyń 105-i zeınet jasynda eken. Muny bólektep aı­typ otyrǵan sebebimiz – jas otaý­lar qatarynyń jyl sanap kóbeıip otyrǵandyǵynan derek berý. Onyń ústine, kópbalaly otbasylar qatary da qalyńdaı túsýde. Iаǵnı, aýyl­dar­dyń ýaqyt alǵa tartqan aýqymdy isterdi eńserýge múmkindigi men qa­rym-qýaty jetkilikti. Alǵa umtyl­ǵan aýyldardyń arman-tilegi de orasan. Múndaǵy jolashar – Elba­sy Nursultan Nazarbaevtyń jyl saıynǵy Joldaýlary ekendigin aı­ta­dy jurttyń bári. Mine, búgin de aýyl bar jasaýymen jarqyrap, jyl­dyń eń aıtýly oqıǵasy sanala­tyn Joldaýdyń jarııalanýyn jaq­sy úmitpen kútip otyr. Bul – samǵaý jyldaryna serpin bersek degen nıettegi aýylǵa tán qasıet. Birjan eli ándetip, quıqyljyta kúı tógip tur. Aýdan ómirinen tarata túsirilgen fılm taǵylym tógýde. О́nerpazdar qatarynda mekteptegi “Baldáýren” shaǵyn ortalyǵynyń balǵyndaryn kórý de súıinishti. Qos qabatty mekteptiń záýlim májilishanasy ıin tiresken halyqqa toly. Báriniń oı-qııaly qııanda bolǵanymen, nazary sahna tórindegi teledıdarda. Mine, Elbasy Parla­menttegi parasat minberine shyǵyp, óziniń kádýilgi “Qurmetti otandas­tar!” degen jyly sózimen taǵdyr­shesh­ti Joldaýyn bastady. Alystaǵy Ańǵal batyr aýyly da dúr silkinip kóterildi. Uzaqqa sozylǵan qol shapalaqtaýdyń ózinen Memleket basshysyna qurmet, eldik rýhy­myz­dyń bıiktigi men ıgilikke jara­tyl­ǵan isterge rızalyq sezimi qalyq­taıdy. Mundaı izet úzdiksiz qaıta­lanyp otyrǵanyn aıtýymyz kerek. Joldaý aıaqtalǵanymen, eshkim­niń úıine asyǵar túri kórinbeıdi. Biz aýyl aqsaqaly, tyl maıdanynyń maıtalmany Esmaǵambet Muqanovty sózge tarttyq. Elbasy “Aýzymyzda táý­be, qolymyzda qaýǵa” degen na­qyldy tereń maǵynamen tuzdyqtaı aıtty, – deıdi seksenniń bel orta­syndaǵy atamyz. – Meniń zaman­dasym bolsa kerek, Almatydaǵy Raıymbek aýdanynan Sovet Orazbaı Nursultan Nazarbaevqa osylaı hat joldapty. Biz de mundaı oılardy qaǵazǵa túsirmegenimizben, el ishinde únemi aıtyp júremiz. Qazaq­sta­ny­myzdyń táýelsizdik alǵanyn kórdik, abyroıymyz álemge tanylǵanyn bildik, erteńgi bolashaqtyń jarqyn­dy­ǵyn sezindik. Halqymyzǵa ja­sa­lar kómek-qoldaýdyń aýqymy jańa arnamen tolyǵatynyna táýbe qy­la­myn. Munyń bári, Nurekeń aıt­qandaı, eldiń qýaty artqandy­ǵy­nyń belgisi. Bertingiler bile bermes, jumaq zaman degen osy bolady. Osyny qadirleıik, jamaǵat... – Keste boıynsha búgin osy aýyldyq okrýg turǵyndary aldynda esep bermekpin, – dedi aýdan ákimi Temirjan Hamıtov. – О́ńir agrar­lyq-ónerkásiptik damý úrdisine bet túzegen eldi mekender qatarynda. Osyndaǵy “Donskoı” JShS men 19 sharýa qojalyǵy byltyr ár gek­tardan 18 sentnerden astyq jı­na­dy. Mal sharýashylyǵy da oı­daǵydaı damýda. Aýyldarymyzdyń aýmaǵynda “Saga Krık Gold” jáne “Jańalyq Gold” atalatyn ken oryndary jumys isteıdi. Munda ótken jyly 2,6 mıllıard teńgeniń 392 kılo altyny men 193 mıllıon teńgeniń daıyn qorǵasyn qospasy alyndy. Jergilikti shaǵyn bıznes te damý ústinde. Osynyń arqasynda aýylda meshit, toıhana, qaıta óńdeý kásiporyndary, 130 nómirlik san­dyq telefon stansasy ashyldy. Qa­zirgi kezde qaıta túlegen eldi me­ken­der turǵyndary Elbasy Joldaýyn­daǵy jańa mindetterdi júzege asy­rý­ǵa qabiletti ekendigine sendirgim keledi. Aýdan basshysynyń sózin mehanızator Amanjol Aıtymov, baqtashy Áskerbek Mustafın, “Saga Krık Gold kompanı” kenshisi Samat Esdáýletov qajyrly eńbegimen aqtaıtyndyǵymen qýattady. Mektep dırektory ári “Baldáý­ren” shaǵyn ortalyǵynyń jetekshisi Nurlan Shoqaev Elbasynyń urpaq tárbıesin­degi qamqorlyǵyna rıza­lyq bildirdi. Endigi jerde “Balapan” memlekettik baǵdarlamasy júzege asyrylmaq. Halqymyz oǵan úlken úmit artyp, jarqyn kúnderge tal­pynatyn bolady. Baqbergen AMALBEK,  Aqmola oblysy, Eńbekshilder aýdany. BILIM BÁSEKESINDE ALDA BOLÝ — ABYROI Elbasy Nursultan Nazarbaevtyń halyqqa arnaǵan Joldaýyn Taraz ınnovasııalyq-gýmanıtarlyq ýnıversıtetiniń rektory Qaırat Baıjanov bastaǵan professorlar men oqytýshylar jáne stýdentter bir shańyraq astynda otyryp tyńdady. “Meniń basty maqsatym – elimizdiń aldaǵy onjyldyqtaǵy ekonomıkalyq órleýin qamtamasyz etip, jańa múmkindikterge jol ashý. Búgingi Joldaýymnyń ózi de osyǵan arnalǵan. “Qazaqstan-2030” Strategııasyn oryndaı otyryp, biz alǵashqy onjyldyq baǵdarlamasyn jasap, ony támamdadyq. Endigi maqsat – osy Strategııanyń kelesi onjyldyǵyna qaraı qadam jasaý”, degen Elbasynyń sózi stýdentterdi ózderiniń baqytty bolashaqtaryna degen senimderin nyǵaıta tústi. 25 paıyzǵa ósken aılyq pen shákirtaqynyń 1 sáýirden bastap berile bastaıtyny týraly súıinishti jańalyqqa da qýanyp qaldyq. Árıne, almaqtyń da salmaǵy bar. Joldaýda elimizdiń bilim men ǵylym salasynyń álemdik bıik deńgeıge jetýin qamtamasyz etý jáne joǵary oqý oryndarynyń osy bilim básekesindegi orny men róli týraly bekerge aı­tyl­ǵan joq. Taraz ınnovasııalyq-gýmanıtarlyq ýnıversıtetiniń peda­go­gı­kalyq ujymy, mine, osy baǵytta izdenis ústinde shyǵarmashylyqpen jumys atqaryp kele jatqan oqý oryndarynyń birinen sanalatynyn maqtan etedi. Kósemáli SÁTTIBAIULY,  Jambyl oblysy. JOLDAÝDYŃ SО́ZI – О́MIRDIŃ О́ZI Elimizdiń ár kúni jańalyqtar men jaqsylyqtarǵa  toly ekeni, túrli  oqı­ǵa­lar leginiń bıik mejelerge jetelep bara jatqany qýantady. Sonyń dáleli Pre­zıdent Nursultan Nazarbaevtyń keshegi halyqqa arnaǵan Joldaýy. Ol otan­dastarymyzǵa  taǵy da tyń baǵyttar usyndy. Ony búkil aýyldastarymen birge teledıdardan tyńdaǵandar qatarynda “Suńqar” sharýa qojalyǵynyń jetekshisi, kóp balaly otbasynyń altyn dińgegi, bar sanaly ǵumyryn mal sharýa­shy­lyǵyn órkendetýge arnaǵan Dúısebek Maldybaıuly da bar edi. Qoıǵan saýalymyzǵa qarııa bylaı dep jaýap berdi. – Ár jyldyń ózindik erek­she­ligi, alar asýy bar. О́tken  jylǵy  Joldaýda elimizdegi daǵdarys sal­qy­nynyń aldyn alý baǵytyndaǵy júıeli mindetter alǵa qoıylǵan bo­latyn. Sonyń nátıjeli bolǵanyn kórdik. Al bıylǵy Joldaý eli­miz­diń syrtqy rynoktaǵy  ustanymyn ornyqtyrýdy, ındýstrııalyq-ınnovasııalyq strategııany odan ári damytýdy, agrarlyq sektordaǵy jańa bastamalardy naqtylaýdy, jumyssyzdyqtyń aldyn alý,  taǵy da basqa óreli mindetterdi alǵa tartty. Sonymen qatar biz sııaqty zeı­net­kerlerdiń, kóp balaly analar­dyń, áleýmettik jaǵynan jet­ki­liksiz qamtylǵandardyń jaǵdaıy da edáýir jaqsaratyn tárizdi. Ásirese, osy beıbit ómirdi syılaǵan soǵys ardagerlerine degen qurmet Je­ńis­tiń 65 jyldyǵy qarsańynda jańa bir qyrynan kóringenine qýandym. Olardyń zeınetaqylary ósip, oǵan teńestirilgenderge de qosymsha tó­le­nse, basqa da turmystyq jaǵ­daılaryna jeńildikter jasalatyn bolypty. Qoǵamnyń basty baılyǵy qa­shan da – adam. Demek, olardyń den­saýlyǵynyń, áleýmettik-tur­mystyq jaǵdaıynyń jyl sanap jaqsara túskeni abzal. Osy má­se­leler Joldaýda  erekshe aıtyldy. О́zim kóp balaly otbasynyń tiregi bolǵandyqtan, jas urpaqqa bilim men tárbıe berý isine erekshe alańdaımyn. Onnan astam nemere ósip keledi. Osy baǵytta básekege qa­biletti tııanaqty bilim berýdi odan ári jalǵastyratyn oqýdyń jańa baǵdarlamalary engiziletini de qýanyshty. Men ózim kúndelikti aqparat qu­raldarynan bolyp jatqan jańa­lyq­tardy qalt jibermeı qadaǵalaı­myn. Oǵan zeınet demalysynda bolǵandyqtan ýaqytym  tolyq jetedi. Oqyp, estigenimniń bárin balalaryma aıtyp otyramyn. Zaıy­bym, zeınetker Roza Meıi­r­manova ekeýmiz ul-qyzdarymyzǵa laıyqty tárbıe berip, olardyń oqýyna jol ashtyq. Bári joǵary bilimdi, ár salanyń mamandary. Sársen – energetık, Jaıyq – dáriger, Edil – bank qyzmetkeri, Sáýle – terapevt, Gúlmıra – eko­nomıst bolsa, nemerelerim Muqan Qytaıda bilimin tolyqtyryp júr. Al Toǵjan KIMEP-te, Almas QazMUÝ-da mamandyq alyp, egemen elimizdiń bolashaǵy úshin ár salaǵa jastyq jalyndaryn arnaı­ty­ny anyq. Bári de Elbasynyń Joldaýyn úlken yqylaspen tyń­dap, ony júzege asyrýǵa atsaly­sady dep senemin, – dedi Dúısebek qarııa. Kúmisjan  BAIJAN, Almaty oblysy. Sýrette: kóp balaly otbasy D.Maldybaev áýletiniń Joldaýdy tyńdaý sáti. OTANDYQ FITOPREPARATTAR JOLY OŃǴARYLDY Qaraǵandydaǵy otandyq dáriler­di jergilikti ósimdikter túrlerinen jasap, shyǵarýda biraz jyldan beri jemisti je­tistikterimen tanylyp júrgen “Fı­to­­hı­mııa” halyqaralyq ǵylymı-óndiristik holdıngi” aksıonerlik qoǵamy osy salanyń kóshbasshysy sanalady. Bul irgeli mekemeniń qu­rylyp-qalyptasýyna Elbasynyń tikeleı qoldaýy úlken yqpal etken bolatyn. Qazir zertteýlerdi odan ári  jetildirip, dári-dármekterdiń shıpalyq qasıetin jaqsarta túsken ujym músheleri tól farma­sev­tı­kalyq óndiristi órkendetý ústinde. Olar Memleket basshysynyń jyl saıynǵy joldaýlarynda óz qyzmetterine baılanysty min­det­terdiń aınalyp ótilmeıtindigine kóp­ten qanyq. Osy joly da solaı boldy. Atalǵan ortalyq jetekshisi, akademık, Memlekettik syılyqtyń laýreaty Serǵazy Ádekenovtiń jumys bólmesindegi teledıdar al­dyna jınalǵandardy  Prezıdenttiń “Ǵylym týraly” jańa zań qabyl­da­natyndyǵy, otandyq fıtopre­parat­tardyń  el rynogyndaǵy úle­sin 50 paıyzǵa kóterý  jaıly sózi erekshe qulaq túrdirdi. Muny tú­siný­ge bolar  edi. Ǵylymnyń sońǵy ýaqyttarda uıymdyq, qurylymdyq, kadrlyq, qarjylyq qamtamasyz etilý jaǵynan  aıtarlyqtaı óz­ge­ris­terge ushyraýy, ony reforma­laý­dy tereńdetýdegi berik baǵyt ómir talabyna sáıkes  tolyq­ty­rylyp, jańartylǵan negizgi qujatty qajet etken-di. – “Bul biz úshin qýanyshty habar. Álemdik básekelestikte ese jibermeý úshin ǵylymnyń orny bólek. Búginde onyń deńgeıin bıik­tetýge múmkindigimiz úlkeıgendigin bilemiz. Sol maqsattyń iske asy­ry­lýy­na serpin bererine senemiz”, dedi bizben tildeskende  Joldaý jónindegi alǵashqy áserin bólisken hımııa ǵylymdarynyń doktory, Memlekettik syılyqtyń laýreaty Qobylandy Turdybekov. Elimizdegi dári-dármekterge suranys áli negizinen syrt jer­ler­den jetkiziletin ónim túrleri arqyly ótelip júrgeni  jasyryn syr emes. Al osynaý olqylyqtyń ornyn toltyrýǵa atalǵan uıymnyń umtylysy jyldan-jylǵa ulǵaıyp keledi. Munyń aldynda birinshi jáne ekinshi kezegi jumysqa kiris­ken óndiristik keshen asa mańyzdy ónim kólemin arttyrsa, bıyl sa­ly­na bastaǵan úshinshi kezek ony eseleı túspek. Osy oraıda far­ma­sevtıka ǵylymdarynyń doktory, Memlekettik syılyqtyń laýreaty Qorlan Itjanova óz oıyn ortaǵa salǵanda Elbasy alǵa qoıǵan otandyq fıtopreparattar úlesin 50 paıyzǵa kóterý mindeti, ásirese, qaraǵandylyq ǵalymdar úshin jaýapty tapsyrma ekenin aıtty. – Bizde 5 joǵary oqý ornyn, 30 ǵylymı ortalyq pen kásiporyn­dy biriktirgen  respýblıkalyq far­masevtıkalyq  klaster jumys is­teı­di, – dedi ol. – Soǵan qosa  “Dá­ri­lik quraldardyń hımııasy men tehnologııasy” ınnovasııalyq konsorsıýmy qurylǵan. О́zekti máselemen shuǵyldanýshy ǵalymdar men mamandar quramy myqty. Qys­qasy, qoıylǵan mindetti oryn­daýǵa qarym-qabilet jet­ki­lik­ti. Elbasynyń jańa tapsyrmasy bizdi soǵan jigerlendiredi. Joldaý  tyńdaýshylardyń qaı-qaısysynyń da júregine tereń oı tastaǵany baıqaldy. Aıqyn NESIPBAI, ÁSKERILER  ÁSERI Oral qalasyndaǵy Batys ishki áskerler polki quramyna kiretin №5515 jáne №5517 áskerı bólimderi Jýkov kóshesiniń boıynda ornalasqan. Osy kóshede keshegi qyrǵyn soǵysta qolbasshylyq qasıetimen daralana bilgen tórt márte Keńes Odaǵynyń Batyry G.K.Jýkovqa keýde músin ornatylǵan. Bul aradan gazet tilshisin áskerı bólimniń BAQ-pen baılanys jónindegi qyzmetkeri, kapıtan Erbolat Sultanov qarsy alyp, 300 adamdyq májilis zalyna bastap ákeldi. Zal áskerı qyzmetshiler men qatardaǵy sarbazdarǵa lyq toly. Onyń tórine keń formatty mýl­tı­medııalyq qondyrǵy qoıylyp­ty. Bul Elbasy Joldaýyn tyń­daýǵa ári ony anyq kórýge qo­laı­ly jaǵdaı týǵyzylǵanyn kór­se­te­di. Sanaýly mınótterden keıin keń ekrannan Elbasy Joldaýy bastaldy. Ony áskerı qyzmetshi­ler qalt etpeı tyńdady. Keıbir tustarda olar eshkimniń buıry­ǵyn­syz, ózderiniń júrek ámir­leri­men qol shapalaqtap otyrdy. Al Prezıdent bıýdjet qyzmet­ker­leriniń jalaqysy bıyl ekinshi jartyjyldyqta emes, ýa­qytynan úsh aı buryn ósedi degen kezde, zal taǵy da dýyldata qol soqty. Tikeleı efır aıaqtalǵannan keıin bıylǵy Elbasy Joldaýy­nan alǵan áserlerin olar gazet tilshisine bylaısha jetkizdi. Saltanat ESMUHANOVA,  aǵa leıtenant: – Memleket bas­shysynyń ót­ken jylǵy Jol­daýy negizinen daǵ­darystan shyǵa bilýge arnalsa, bıylǵy qujattyń odan basty ereksheligi – eldi alǵa qaraı damytýdyń naqty baǵ­darlamasy belgilenýinde. Aldaǵy on jyldyq mejeniń taıǵa tańba basqandaı anyq kórsetilýinde. Men Joldaýdy tyńdaı otyryp, qazir respýblıkadaǵy áleýmettik-ekonomıkalyq jaǵdaı óz arnasyna túsip qana qoımaı, onyń alǵa damý úderisiniń bastalǵanyn sezindim. Nursultan SOPBEKOV  qatardaǵy sarbaz: – Biz – táýel­sizdiktiń tańy at­qan kezde dúnıege kel­gen urpaqtyń ókilderimiz. Son­dyqtan da: “Azat eldiń qurdasymyz!” “Egemendiktiń aqjoltaı habarshysymyz!” dep  qaı kezde de maqtanysh etip aı­typ júremiz. “Táýelsizdik degen uǵym – qashanda qasterli. Mem­le­kettiń eń basty qundylyǵy – táýelsiz Qazaqstan. Qoǵam úshin osydan artyq qandaı bıik maqsat bolýy múmkin”,  dep atap kórsetti Nur­sultan Ábishuly. Endeshe, biz­der osy baǵa jetpes eń basty baılyǵymyzdy  qorǵaýǵa qashan da ázir bola bilýimiz kerek. Bekzat TILEPBERGEN,  qatardaǵy sarbaz: – Táýelsiz Qa­zaq­stannyń ósýi men damýy, ony ór­kendetýdegi ta­bystyń kilti  oǵan qoǵam músheleri tu­tas­taı aralasqan kezde ǵana múm­kin bolmaq. Elbasy Jol­daýy­nyń ózegine osy oı basty qazyq bolyp tartylǵan. Iаǵnı, budan shyǵatyn túıin kez kelgen Qazaqstan Res­pýb­lıkasynyń azamaty: “Men eldiń damýy men onyń kórkeıip, gúldenýine nendeı úles qosa ala­myn?” degen oıda bolsa – bul tal­pynys bizdiń alǵa qoıǵan or­taq maqsatymyzdyń tezirek oryn­dalýyna alǵyshart qalaıdy dep sanaımyn. Boıy­myzdaǵy otan­shyl­dyq sezim Elbasy Joldaýyn tyńdaǵannan keıin odan ári tereńdeı tústi. Eń bastysy, biz táýelsiz Qazaqstandy qorǵaı bilý qasterli paryz ekenin aıqyn ańǵarǵandaı boldyq. Temir QUSAIYN, Oral. AÝYLDAR AJARLANA TÚSEDI Elbasy N.Nazarbaevtyń Qazaqstan halqyna Joldaýy bolatyn kúni Menovnoe aýyldyq okrýgine qarasty Ahmer aýy­lyndaǵy Qadyr Nuǵymanovtyń otbasyna keldik. Qadyr aǵamyz uzaq jyldar atalmysh aýylda qurylys salasynda jemisti eńbek etken, qazir zeınetker. Al esimi elge jaqsy tanys, 45 jyldan beri ustaz bolyp kele jatqan Máken Rahımova apaıymyz jasy jetpiske taıap qalsa da qoǵamdyq jumystardyń bel ortasynda júr. О́skemendegi orta mektepte, Ál-Farabı atyndaǵy talapty balalarǵa arnalǵan gımnazııada ustazdyq qurǵan Máken apaıymyz ózi týǵan Ahmer aýylyndaǵy mekteptiń ashylýyna da muryndyq bolǵan. Qazir Shyǵys Qazaqstan memlekettik ýnıversıtetiniń kolledjinde stýdentterge dáris oqyp júr. Qalalyq ardagerler keńesiniń múshesi, Menovnoe aýyldyq okrýgi ardagerler keńesiniń tóraıymy M. Rahımova otaǵasy Qadyrmen jáne úsh balasy, nemerelerimen Elbasynyń Qazaqstan halqyna Joldaýyn teledıdardan muqııat tyńdady. – Bul jolǵy Joldaý da halyqtyń kóńilinen shyqty dep oılaımyn. Elimizdi ındýstrııalandyrý, shaǵyn jáne orta ká­sip­kerlikti damytý, turǵyndarǵa medı­sınalyq qyzmet kórsetý deńgeıin jaqsartý jónindegi pikirleri júregimizge jol tapty. Biz aýylda turamyz. О́tken jyly “Jol kartasy” boıynsha okrýgte 54 mıllıon teńgeniń jumystary atqaryldy. Janymyzda otyrǵan aýyldyq okrýgtiń ákimi Erseıit Nurol­dı­novke alǵysymyzdy aıtamyz. Qala ákimi I.Ábishev aýylda birneshe ret bolyp, feldsherlik pýnkt, kitaphana men áleýmettik ǵımarattardy paıdalanýǵa berdi. Jańa ǵana Elbasy Joldaýynda “Jol kartasynyń” bıyl da jalǵasatynyn, bul salaǵa qyrýar qarjy bólinetinin tilge tıek etti. Sonymen birge, adamdardyń bos ýaqyttarynda bu­qaralyq sportpen shuǵyldanýy, áleýmettik salalarǵa bólinetin qarjy kóleminiń ulǵaıa­tyny jóninde aıtqany unady. Uly Jeńistiń 65 jyldyǵynda soǵys jáne eńbek arda­ger­lerine qamqorlyq óz aldyna bir tóbe. Qalaı degende de, qarjy daǵdarysyna qaramastan  Qazaqstan halqy alǵa batyl jyljı bermek. Elbasymyz ben halqymyz aman bolsyn, bereke men birligimiz jarasa bersin, – dedi elge syıly ustaz apamyz. Ońdasyn ELÝBAI, Shyǵys Qazaqstan oblysy.