Arnaıy jıynda oblys basshysy Amandyq Batalov Memleket basshysynyń tapsyrmasymen ınvestorlar tartýǵa, sonyń ishinde týrızm salasyn damytýǵa óńirde erekshe nazar aýdarylyp otyrǵanyn aıtty.
- О́tken jyldyń qorytyndysy boıynsha jalpy óndiristegi shaǵyn jáne orta bıznestiń úlesi 43 paıyzǵa jetti. Bıylǵy jyly oblys boıynsha shaǵyn jáne orta bıznestiń 100 nysanyn ashqaly otyrmyz. Olardyń ishinde tek shaǵyn kásiporyndar ǵana emes, sonymen qatar qyzmet kórsetý, ıaǵnı týrıstik nysandar da bar. Máselen, bıylǵy jyly óńirde 25 myń jańa jumys ornyn ashý kózdelse, sonyń 12 myńy shaǵyn jáne orta bıznestiń úlesinde bolady, - dedi A. Batalov.
Kezdesýde sóz alǵan «Kazakh Tourism» Ulttyq kompanııasy» AQ basqarma tóraǵasy Rashıd Kúzembaev týrısterge kórsetiletin qyzmet pen usynalatyn taýarlar keshenin qalyptastyrý men ilgeriletý, ınvestorlar tartý, týrıstik bızneske qolaıly jaǵdaı jasaý máseleleri jóninde yntymaqtastyq ornatýdyń mańyzy zor ekenin atap ótti.
Qalmahanbet MUQAMETQALI,
«Egemen Qazaqstan».
Almaty oblysy.
