Gvatemala men Meksıkany baılanystyratyn kópirde halyq áli de jańa qonysyn kútýde. Buǵan deıin Meksıka bıligi «mıgranttar kerýenindegi» áıelder men balalarǵa shekaranyń ashyq bolatynyn habarlady. Gondýrastan baǵyt alǵan kerýen Meksıkanyń ońtústik shekarasy arqyly AQSh-qa bet alǵan. Biraq senbi kúni AQSh prezıdenti Donald Tramp memleket shekarasyn jabýǵa buıryq beretinin aıtqan bolatyn.
Bosqyndarǵa qaıyrymdylyq qorlardyń eriktileri kómektesip jatyr. Solardyń biri – Flor Sedrel. «Halyq qapaly, olardy kópirden ótkizbeı jatyr. Shekaradan ótkender týraly naqty aqparat joq. Meksıkaǵa qonys aýdarǵandardyń da jalpy sany belgisiz. Ornalastyrý ortalyqtaryna alyp ketkenderden habar ala almadyq», dedi ýaıymyn jasyrmaǵan erikti.
Shekaradan zańsyz ótip jatqandar da az emes. Meksıkaǵa óz betimen jetýge bel býǵandardyń sany myńnan asady. Olar tirkelip, kópir arqyly ótpeı, kópir astyndaǵy ózen arqyly qoldan jasalǵan qaıyqtarmen zańsyz ótip jatyr.
Gondýras basshylyǵy kerýendegi 2000 adam eline oralýǵa kelisim bergenin málimdedi.
