«Arlandar»: Alda jaýapty syn
2 naýryz kúni Astanada «Astana arlans» pen «Mehıko sıtı gýereros» komandalarynyń arasynda Búkilálemdik boks serııasy jarysynyń alǵashqy shırek fınaldyq kezdesýi ótti.
Bul aıqasta «arlandar» qarsylastaryn jeńip, jartylaı fınalǵa shyǵýǵa bir qadam jaqyndaı tústi. Osy kúni «arlandar» sapynda Mereı Aqshalov (61 kg.) pen Ramjon Ahmedov (85 kg.) jekpe-jekterin saýatty ótkizip, jeńiske jetse, asa aýyr salmaqtaǵy Rýslan Myrsataevqa qarsylasy Garsııa Omardyń kezdesýge kelmeýine baılanysty jeńis berildi. Al Habıbýla Ismaıl-Ahýnov (54 kg.) pen Rústem Sybaev (73 kg.), ókinishke qaraı, Emıgdıo Elıas pen «Mehıkonyń» ýkraınalyq legıoneri Dmıtrıı Mıtrofanovtan aılasyn asyra almady.
2 naýryz kúni Astanada «Astana arlans» pen «Mehıko sıtı gýereros» komandalarynyń arasynda Búkilálemdik boks serııasy jarysynyń alǵashqy shırek fınaldyq kezdesýi ótti.
Bul aıqasta «arlandar» qarsylastaryn jeńip, jartylaı fınalǵa shyǵýǵa bir qadam jaqyndaı tústi. Osy kúni «arlandar» sapynda Mereı Aqshalov (61 kg.) pen Ramjon Ahmedov (85 kg.) jekpe-jekterin saýatty ótkizip, jeńiske jetse, asa aýyr salmaqtaǵy Rýslan Myrsataevqa qarsylasy Garsııa Omardyń kezdesýge kelmeýine baılanysty jeńis berildi. Al Habıbýla Ismaıl-Ahýnov (54 kg.) pen Rústem Sybaev (73 kg.), ókinishke qaraı, Emıgdıo Elıas pen «Mehıkonyń» ýkraınalyq legıoneri Dmıtrıı Mıtrofanovtan aılasyn asyra almady.
Endi qarymta kezdesý 9 naýryz kúni Mehıko qalasynda ótedi. Osy jerde jartylaı fınalǵa qaı komandanyń shyǵatyny belgili bolady. Ázirshe, til kózimiz tasqa, «arlandardyń» meksıkalyqtarǵa qaraǵanda, kelesi aınalymǵa shyǵýǵa múmkindigi kópteý. «Arlandarǵa» jartylaı fınalǵa shyǵý úshin «Mehıkodan» 4:1 esebimen jeńilmeý kerek. Al eger 3:2 esebimen jeńilip jatsa, onda komandalar arasynda jartylaı fınalǵa joldama taǵy da sarapqa salynady. Sondyqtan «arlandarǵa» kelesi aınalymǵa shyǵý úshin 5 jekpe-jektiń úsheýin jeńse jetkilikti. Solaı bolatynyna sengimiz keledi.
Degenmen, «Mehıko qalasynyń jaýyngerleri» de ońaı shaǵylatyn jańǵaq emes eken. 2010 jyldyń qarasha aıynda bastalǵan Búkilálemdik boks serııasy jarysyna bıyl alǵash ret qatysyp jatqan bul komanda ózin bes aıdan beri jaqsy jaǵynan kórsete bildi. Buǵan bizdiń «Astana arlandarymen» bolǵan keshegi jekpe-jekterde taǵy kózimiz jetti. Osy kezdesýde meksıkalyq 54 kg. salmaqtaǵy Emıgdıo Elıas besinshi ótkizgen aıqasynda besinshi jeńisine jetti. Ol bizdiń Habıbýla Ismaıl-Ahýnovty aıqyn basymdyqpen utty. Sol sııaqty «Mehıkolyq jaýyngerler» sapyndaǵy ýkraınalyq Dmıtrıı Mıtrofanovty da jaqsy qyrynan aıtýǵa bolady. Bul boksshy da áýesqoı bokstan endi kelip, bes raýndqa úırenip júrgen Rústem Sybaevtan aılasyn asyryp ketti. Osy jekpe-jekte qazaqstandyq sońǵy raýndqa deıin namysty qoldan bermeýge tyrysty. Biraq sheberdiń aty – sheber, meksıkalyq jeńiske jetti.
Al «arlandardyń» ózbek legıoneri Ramjon Ahmedovti sol kúngi keshtiń batyry dese bolady. Ol bıylǵy maýsymda úsh kezdesý ótkizip, sonyń bárin de jeńgen bolatyn. Al myna aıqasta namysqa tyrysqan Ahmedov Meksıkanyń shvesııalyq legıoneri Katende Kennedıdi aıqyn basymdyqpen utty. Ahmedovpen kezdesýge deıin 4 ret jeńip, bir ret jeńilgen shvesııalyq legıoner bizdiń boksshydan mundaı qarsylyq kútpedi dese bolady. Qysqasy, sol kúni keshtegi eń ádemi, eń jaqsy boksty kórsetken de osy Ahmedov boldy. Onyń bes raýnd boıy jasaǵan soqqylary Kennedıdi esinen tandyra jazdady.
61 kılo salmaqta kúsh synasqan Mereı Aqshalov bolsa, meksıkalyq qarsylasy Gýtıeres Angeldi ózine tán qımyl-qozǵalysymen, taktıkasymen jeńdi. Sóıtip, ol bıylǵy maýsymdaǵy 4 kezdesýiniń bárin jeńispen aıaqtady.
Al 9 naýryz kúngi kezdesý «Astana arlandary» úshin óte jaýapty syn bolatyny sózsiz. О́ıtkeni, «Mehıko qalasynyń jaýyngerleri» – osal komanda emes. Eger «arlandar» óz tobynda úshinshi oryn alyp, shırek fınalǵa shyqsa, bul ujym «V» tobynda ekinshi oryndy ıelenip, kelesi aınalymǵa joldama alǵan. Olar toptyq týrnırde 10 kezdesý ótkizip, sonyń altaýynda jeńiske jetken. Barlyq jınaǵan upaıy – 20. Osy aıqastarda olar «Baký ottaryn» ǵana alǵa jiberip qoıdy. Biraq, óz tobynda Fransııanyń «Parıj ıýnaıted», Germanııanyń «Leıpsıg qabylandary», Qytaıdyń «Beıjiń aıdaharlary», Túrkııanyń «Ystambul buqalary» komandalarynyń bárin artta qaldyrdy.
Meksıkalyq ujymnyń sapynda talantty, tájirıbeli boksshylar az emes. Olardyń arasynda Emıgdıo Elıas pen Hýan Romero bar. Komandada áli qyry men syry ashylmaǵan legıonerler de kóp. Máselen, bolgarııalyq aýyr salmaqtaǵy Mladen Manevti, shvesııalyq Kennedı Katane men ýkraınalyq Dmıtrıı Mıtrofanovty solardyń qataryna jatqyzýǵa bolady.
Eger «arlandar» qarymta matchta jeńilmese, onda jartylaı fınalda Máskeýdiń «Dınamo» komandasymen kezdesedi. Bul komanda ótken juma kúni alǵashqy shırek fınaldyq kezdesýinde syrt alańda Germanııanyń «Leıpsıg qabylandary» klýbyn 5:0 esebimen utty. Taǵy bir kezdesýde «Mýmbaı joıǵyshtary» óz alańynda «Baký ottaryn» 3:2 esebimen jeńse, «Parıj ıýnaıted» pen «Mılan naızaǵaıy» ujymdary arasyndaǵy match sál keıinirek ótip, keshe keshkisin aıaqtaldy.
Dastan KENJALIN, Sýretterdi túsirgen Orynbaı BALMURAT.
