Baǵdarlama baǵyty – deni saý urpaq ósirý

Juma, 9 qarasha 2012 7:13

«Qazaqstan-2030» Strategııalyq baǵdarlamasyna otbasyn josparlaý máselesiniń engizilýi jaıdan-jaı emes ekendigi anyq.
Qazaqstanda «Ana men bala densaýlyǵyn qorǵaý» memle­ket­tik saıasattyń basty máselesi bolyp otyr. Bul oraıda den­saý­lyq­ty damytýda 2011-2015 jyldarǵa arnalǵan «Salamatty Qa­zaq­­stan» memlekettik baǵdarlamasy mańyzdy baǵyttardyń biri ekendigi anyq. Ana men bala densaýlyǵyn qorǵaý isiniń uıym­das­ty­rylýy sapasyn úzdiksiz damytý boıynsha onda qazirgi zamanǵy ádistemelerdi endirip, óńdeýge aıryqsha nazar aýdarylyp otyr.
Atalǵan máselelerdiń eń durys sheshimi – Densaýlyq saqtaý mınıstrliginiń «Qýan sábı» jobasy.

Juma, 9 qarasha 2012 7:13

«Qazaqstan-2030» Strategııalyq baǵdarlamasyna otbasyn josparlaý máselesiniń engizilýi jaıdan-jaı emes ekendigi anyq.
Qazaqstanda «Ana men bala densaýlyǵyn qorǵaý» memle­ket­tik saıasattyń basty máselesi bolyp otyr. Bul oraıda den­saý­lyq­ty damytýda 2011-2015 jyldarǵa arnalǵan «Salamatty Qa­zaq­­stan» memlekettik baǵdarlamasy mańyzdy baǵyttardyń biri ekendigi anyq. Ana men bala densaýlyǵyn qorǵaý isiniń uıym­das­ty­rylýy sapasyn úzdiksiz damytý boıynsha onda qazirgi zamanǵy ádistemelerdi endirip, óńdeýge aıryqsha nazar aýdarylyp otyr.
Atalǵan máselelerdiń eń durys sheshimi – Densaýlyq saqtaý mınıstrliginiń «Qýan sábı» jobasy. Ata-analardyń deni saý bala tárbıeleýine úlken kómegin tıgizýde aqparattyq-tanymdyq materıaldar taratatyn «Qýan sábı» jobasynyń mańyzy erekshe.

Sábılerdiń ekpeleri týraly, olarǵa tán aýrýlardyń úreıli belgileri jáne taǵy basqa shuǵyl jaǵdaılar kezinde kórse­tile­tin kómek týraly tolyq málimetter berýge kómektesetin gınekologtar men pedıatrlar arasynan mamandar daıyndaý joba­nyń taǵy da bir mańyzdy quramdasy bolyp tabylady.
«Salamatty Qazaqstan» densaýlyq saqtaýdy damytý baǵ­dar­lamasynda ana men balanyń densaýlyǵyn qorǵaý memle­ket­tiń basym baǵyttarynyń biri retinde belgilendi. Qazaqstan Respýblıkasy Densaýlyq saqtaý mınıstrliginiń Salamatty ómir saltyn qalyptastyrý problemalary ulttyq ortalyǵy úsh jas­qa de­ıingi balalardy baǵyp-kútý týraly ata-analarǵa arnalǵan aqpa­rattyq-bilim berý quralyn shyǵardy. Onda júkti áıelder men analarǵa júktiliktiń ótý erekshelikteri, olarǵa keńester, durys tamaqtaný, bosanýǵa daıyndyq, sonymen qatar emshekpen emizý, 3 jasqa deıingi balalarǵa kútim jasaý, sábılerge jasalatyn ekpeler, bala aýrýlarynyń qaýipti belgileri men shuǵyl jaǵdaı­larda kórsetiletin alǵashqy kómek jóninde baıandalǵan. Osy nus­qaýlyqtan sábı dúnıege kelgen kúninen bastap úsh jasqa de­ıingi balalarǵa qatysty kóptegen suraqtarǵa jaýap tabýǵa bolady.
QR Densaýlyq saqtaý mınıstri S.Qaıyrbekovanyń 2012 jylǵy 19 naýryzdaǵy №180 buıryǵyn oryndaý maqsatynda árbir bosanǵan anaǵa perzenthanadan shyǵarda atalǵan nusqaý­­­lyq tabys etiledi.
2012 jyly qazan aıynda Ońtústik Qazaqstan oblysynyń barlyq qala, aýdandarynyń salamatty ómir saltyn qalyp­­tas­­tyrý ortalyqtarynda medısınalyq mekemelerdiń gınekologtary men pedıatrlaryna arnalǵan «Ana men bala densaýlyǵyn qorǵaý jáne ana men bala ólimin tómendetý» taqyrybynda semınar-keńes ótti. Semınarda Almaty qalasyndaǵy S.Asfendııarov atyndaǵy Qazaq ulttyq medısına ýnıversıtetinen kelgen kafedra dosentteri, medısına ǵylymdarynyń kandıdattary, akýsher-gınekolog jáne pedıatrlar óz pikirlerimen bólisti.
15 jyldan beri jumys atqaryp kele jatqan oblystyq salamatty ómir saltyn qalyptastyrý ortalyǵynyń ana men bala densaýlyǵyn qorǵaýǵa qosqan úlesi úlken. Ortalyqtan aı sa­ıyn ana men bala densaýlyǵyna baılanysty «Otbasynda sá­bıge kútim jasaý», «Bolashaq ata-analarǵa keńes», «Júktiliktiń jaısyz belgileri», «Salamatty otbasyn quramyz» tárizdi aqpa­rattyq-tanymdyq quraldary tegin taratylady. Sonymen birge, semınarlar, keń aýqymdy aksııalar, trenıngter, dóńgelek ús­telder ótkizý dástúrge aınalǵan. Qoryta aıtqanda, qazir halyqtyń, onyń ishinde ana men balanyń densaýlyǵyn jaqsar­tý úshin salamatty ómir saltyn nasıhattaý óte mańyzdy.
Degenmen, elimizdiń árbir azamaty tek medısınalyq aqpa­ratpen jáne medısınalyq kómekpen shektelip qana qalmaı, óz densaýlyǵyna jaýapkershilikpen qaraý kerek ekenin umyt­paǵany abzal.
Janat TOǴAIBEKOVA,
Ońtústik Qazaqstan oblystyq salamatty ómir saltyn qalyptastyrý ortalyǵynyń dırektory.