Qaqtyǵys qaıta bastaldy
Senbi, 14 sáýir 2012 7:17
Sırııa men Túrkııanyń shekarasynda Sırııa armııasy men oppozısııalyq kúshterdiń arasynda qarýly qaqtyǵys júrip jatyr.
Bul oq atýdy toqtatý týraly halyqaralyq kelisimniń alǵash ret eleýli túrde buzylýy bolyp tabylady. Ulybrıtanııada ornalasqan Sırııanyń adam quqyqtary jónindegi qadaǵalaýshy keńesiniń málimetteri boıynsha, janjal shekaradaǵy Hırbet ál-Djoz eldi mekeni mańaıynda týyndaǵan. Sol sııaqty olar qaqtyǵys bastalǵanǵa deıin eldi meken aýmaǵyna úkimet áskerleriniń tankteri engizilgenin de atap kórsetken. О́ńirde myltyq daýystary estilgenimen, aýyr artıllerııalyq atqylaýlar men bombalaýlar týraly habarlar túspegen kórinedi.
Senbi, 14 sáýir 2012 7:17
Sırııa men Túrkııanyń shekarasynda Sırııa armııasy men oppozısııalyq kúshterdiń arasynda qarýly qaqtyǵys júrip jatyr.
Bul oq atýdy toqtatý týraly halyqaralyq kelisimniń alǵash ret eleýli túrde buzylýy bolyp tabylady. Ulybrıtanııada ornalasqan Sırııanyń adam quqyqtary jónindegi qadaǵalaýshy keńesiniń málimetteri boıynsha, janjal shekaradaǵy Hırbet ál-Djoz eldi mekeni mańaıynda týyndaǵan. Sol sııaqty olar qaqtyǵys bastalǵanǵa deıin eldi meken aýmaǵyna úkimet áskerleriniń tankteri engizilgenin de atap kórsetken. О́ńirde myltyq daýystary estilgenimen, aýyr artıllerııalyq atqylaýlar men bombalaýlar týraly habarlar túspegen kórinedi.
IRAN MÁSELESI TALQYLANBAQ
14 sáýirde BUU Qaýipsizdik keńesiniń bes turaqty múshesi men Germanııa Ystambulda Irannyń ıadrolyq problemasyna qatysty kelissózderdi odan ári jalǵastyrmaq.
Irannyń ıadrolyq problemasynyń taǵdyryn aıqyndaýda taǵy bir sheshýshi kezeń týyndap otyr. Iran kelissózderge qatysý arqyly qysym kórsetýdi álsiretip, yqtımal degen áskerı aralasýdyń aldyn alǵysy keletin tárizdi. Al AQSh bolsa, kelissózder kezinde Iranǵa jasalǵan sanksııalar men qysymdardyń qalaısha yqpal etkenin kórmek nıette. Osyndaı jaǵdaıda Izraıl AQSh-ty Iranǵa qatysty qatań pozısııa ustanýǵa shaqyrýda. Ystambuldaǵy kelissózdiń nátıje bererine senýshiler az.
GVINEIа-BISAÝDA TО́ŃKERIS BOLDY
Gvıneıa-Bısaý armııasy memleket basshysy saılaýynyń ekinshi týry qarsańynda áskerı tóńkeris jasady.
Áskerıler astananyń úlken bóligin, bılik partııasynyń shtab-páterin basyp alyp, sondaı-aq ulttyq radıo habarlaryn toqtatqan. Premerdiń jeke kúzeti men qazirgi bılikti jaqtaıtyn áskerı bólimderdiń qarsylyq kórsetýinen el premer-mınıstriniń rezıdensııasyn basyp alýdyń sáti túspegen kórinedi. Soǵan qaramastan, úkimet basshysy jáne prezıdent mindetin atqarýshy Raımýndo Pereıranyń taǵdyry belgisiz kúıinde qalyp otyr. Ereýilge prezıdenttikke kandıdattardyń biri Kýmba Iаlanyń saılaý barysynda kóptegen burmalaýshylyqtar oryn alǵany týraly jasaǵan málimdemesi sebepker bolǵan syńaıly.
BURYNǴY PREMERLERGE QARSY ZAŃ
Egıpet parlamenti eldiń eks-prezıdenti Hosnı Mýbarak apparatynda jumys istegen premer-mınıstrler memleket basshysy laýazymyna saılana almaıdy degen zań jobasyn qabyldady.
Atalǵan zań jobasy burynǵy vıse-prezıdent jáne ústimizdegi jyldyń 23-24 mamyrynda ótetin saılaýda prezıdenttikke kandıdat Omar Sýleımanǵa qarsy baǵyttalǵan kórinedi. Bul zań jobasy H.Mýbaraktyń úkimetinde sońǵy on jyl ishinde qyzmet istegen kez kelgen premer-mınıstrge qatysty bolmaq. Egıpetti basqaryp turǵan áskerı keńes parlament usynysyn qýattaǵan jaǵdaıda O.Sýleıman saılaýǵa túse almaıtyn bolady.
EKS-PREZIDENT TUTQYNǴA ALYNDY
Mońǵolııa ókimeti eldiń burynǵy prezıdenti Nambaryn Enhbaıardy qamaýǵa alý jóninen arnaıy operasııa ótkizdi.
Mońǵolııanyń burynǵy basshysyna jappaı tártipsizdikter men jemqorlyqqa qatysy bar degen aıyp taǵylyp otyr. Arnaýly bólimder burynǵy memleket basshysynyń qarsylyǵyn toıtaryp, ony tutqynǵa alǵan. Al Enhbaıardyń ózi bolsa, óz atyna taǵylǵan aıyptardyń saıası astary bar dep esepteıdi. 2005-2009 jyldary bılikte bolǵan Enhbaıar 2008 jyly Ýlan-Batorda oryn alǵan tártipsizdikterge baılanysty tutqyndalyp otyr.
ZILZALANY PAIDALANYP, TÚRMEDEN QAShQAN
Indonezııada oryn alǵan jer silkinisinen keıin ondaǵan qylmyskerler túrmeden qashyp shyqqan.
Keıbir aqparattarǵa qaraǵanda, Sýmatra aralyndaǵy Acheh qalasyndaǵy túrmeden kem degende 32 sottalýshy zańsyz qashyp ketken. Túrme basshylyǵy zilzala men sýnamı qaýpine baılanysty jasalǵan dabylǵa oraı 221 tutqyndy ózge jerge kóshirgen kórinedi. Túrmeden qashqan 63 qylmysker osyndaı qolaıly sátti paıdalanǵan. Keıinirek 13 adam óz erikterimen túrmege oralsa, taǵy 18 adamdy polısııa qyzmetkerleri ustaǵan. Qazirgi ýaqytta 32 adamnyń qashyp júrgeni belgili bolyp otyr. Degenmen, okrýg polısııasynyń basshysy qashqyndardyń qaı jerde jasyrynyp júrgendigin biletinin málimdegen.
KOREIа MEREKEGE DAIYNDALÝDA
Zymyran ushyrýdyń sátsiz aıaqtalǵanyna qaramastan, KHDR Kım Ir Senniń 100 jyldyǵyn atap ótetin bolady.
Radıo jáne telearnalar arqyly berilgen «Kvanmenson-3» spýtnıginiń sátsiz ushyrylǵany týraly habarlar el astanasyndaǵy ahýalǵa onsha áser ete qoımaǵan syńaıly. Munda Kım Ir Senniń týǵanyna 100 jyl tolý merekesin 15 sáýir kúni atap ótý úshin qyzý daıyndyqtar júrýde. Qalanyń ortalyq alańynda, arasynda stýdentter men mektep oqýshylary bar, myńdaǵan jastar mereke kúni kórsetiletin sherýge ázirlikterin odan ári shyńdaý ústinde. Resmı emes málimetterge qaraǵanda, osy kúni alańda áskerı parad ótpekshi.
Internet materıaldary negizinde ázirlendi.
