Obama ketisimen jarylys jasaldy
Beısenbi, 3 mamyr 2012 7:48
AQSh prezıdenti Barak Obama aıaq astynan Aýǵanstanǵa kelip, osy el prezıdenti Hamıd Karzaımen kezdesken bolatyn. Sapar barysynda eki el basshysy strategııalyq áriptestik týraly shartqa qol qoıdy. Bul qujat boıynsha 2014 jyly AQSh áskerleri Aýǵanstannan tolyq shyǵarylǵannan keıin eki el ózderiniń qatynastaryn rettep otyratyn bolady.
Beısenbi, 3 mamyr 2012 7:48
AQSh prezıdenti Barak Obama aıaq astynan Aýǵanstanǵa kelip, osy el prezıdenti Hamıd Karzaımen kezdesken bolatyn. Sapar barysynda eki el basshysy strategııalyq áriptestik týraly shartqa qol qoıdy. Bul qujat boıynsha 2014 jyly AQSh áskerleri Aýǵanstannan tolyq shyǵarylǵannan keıin eki el ózderiniń qatynastaryn rettep otyratyn bolady.
Keıin B.Obama Baǵramdaǵy avıabazada bolyp, AQSh azamattaryna teleúndeý jasady. Atap aıtqanda, ol «Talıban» qozǵalysy «Ál-Kaıda» terrorlyq jelisimen barlyq baılanysyn úzgen jaǵdaıda ǵana Aýǵanstannyń saıası ómirine qatysýshy retinde qarastyrylatynyn málimdedi. AQSh prezıdenti eline ushyp ketisimen, Aýǵanstan astanasy Kabýlda kem degende eki jarylys jasaldy. Jankeshtilerdiń osy jarylystarynan soń 6 adam qaza tapsa, 17-si jaralanǵan.
Bıýlletenderdi toltyrmaýǵa shaqyrdy
Fransııa ońshyldarynyń serkesi Marın Le Pen óz jaqtastaryn prezıdenttik saılaýdyń ekinshi týrynda toltyrylmaǵan bıýlletender arqyly daýys berýge shaqyrdy. «Men ózim bos bıýlletenmen daýys beremin. Men óz tańdaýymdy jasadym, endi sizder óz tańdaýlaryńyzdy jasaýǵa tıistisizder», dedi ol.
Marın Le Pen Fransııadaǵy prezıdenttik saılaýdyń alǵashqy týrynda 18 paıyz daýys jınap, úshinshi oryn alǵan bolatyn. Endi ol ekinshi týrǵa ótip, óziniń jaqtastarynyń daýysyn alýǵa jantalasqan sosıalıst Fransýa Ollandty da, ońshyl-sentrıst Nıkolıa Sarkozıdi de qoldamaıtyn bolyp otyr. Marın Le Penniń pikirinshe, Sarkozı EO-ǵa fransýz egemendiginiń onsyz da kóp bóligin berip qoıǵan. Al Ollandty buǵan deıin de jaqtyrmaı kelse kerek.
Amerıka elshisin jiberýdi talap etti
AQSh memlekettik hatshysy Hılları Klınton Ýkraına bıliginen Amerıka elshisin Harkov túbindegi áıelder kolonııasynda qamaýda otyrǵan burynǵy premer-mınıstr Iýlııa Tımoshenkoǵa dereý jiberýdi talap etti. Klıntonnyń sózine qaraǵanda, Qurama Shtattar Ýkraına bıliginiń oppozısııadaǵy saıasatkerlerge qatysty qatygez qarym-qatynasyna úlken alańdaýshylyq tanytyp otyr.
AQSh memlekettik hatshysy Tımoshenkony qajetti jáne jetkilikti medısınalyq qyzmetpen qamtamasyz etýge shaqyrdy. Quqyq qorǵaýshylar taratqan sýretterdegi burynǵy premerdiń denesindegi zaqymdar onyń qamaý jaǵdaıynyń qandaılyq deńgeıde ekenin kórsetedi, dedi Klınton. AQSh syrtqy saıasat vedomostvosynyń basshysy, tipti qamaýda otyrǵan burynǵy úkimet múshelerin túrmeden bosatý úshin qoldan kelgenniń bári jasalýy tıis ekenin málimdedi.
Jaza anyq pa, álde qoldan jasalǵan ba?
О́zbekstanda salyq tóleýden jaltarǵany jáne «kóleńkeli ekonomıkaǵa» yqpal etkeni úshin jazalanǵan túrik azamaty Ýahıd Gýnesh sotqa jergilikti bıliktiń is-áreketine qatysty shaǵym túsirdi. Tashkenttegi «Týrkýaz» dep atalatyn saýda ortalyǵynyń burynǵy qojaıyny «kinásin» azaptaýlar men qınaýlar saldarynan moıyndaýǵa májbúr bolǵanyn aıtady.
Bıznesmen sondaı-aq ózine menshigindegi kámpeskelengen múlikterdi qaıtarýdy talap etken. Is tergelý ústinde bolǵan 10 aı boıy Gýnesh Tashkenttiń Iýnýsabad aýdanyndaǵy tergeý oqshaýlaǵyshynda otyrypty. Ústimizdegi jyldyń aqpan aıynyń sońynda, sot sheshimi jarııa etilgennen keıin, Gýneshke jáne taǵy jeti kásipkerge amnıstııa jasalyp, elden shyǵarylyp jiberilgen eken.
Quqyq qorǵaýshylar bosatylýy tıis
AQSh memlekettik departamenti Túrkimenstan basshylyǵyn jýrnalıstik jáne quqyq qorǵaýshylyq qyzmetpen aınalysqan Annagýrban Amanklychev pen Sapardýrdy Hadjıevti túrmeden bosatýǵa shaqyrdy. Mundaı málimdemeni memdepartamenttiń tóraǵasy Mark Toner 1 mamyr kúni ótken brıfıngte jasady.
Toner Túrkimenstannyń atalǵan qos azamaty osy eldiń burynǵy prezıdenti Saparmurat Nııazovtyń atyna syn aıtylatyn fılmdi daıyndaýǵa qatysqany úshin túrmege túskenin habarlady. Memdepartament ókiliniń málimdemesi 3 mamyr kúni atap ótiletin Baspasóz bostandyǵynyń búkilálemdik kúni qarsańynda jasaldy. Amanklychev pen Hadjıev 2006 jyldyń maýsymynda tutqyndalǵan bolatyn. Ekeýi azaptyń neshe atasyn kórip jatqanǵa uqsaıdy.
37 jyl burynǵy úkim júzege asyryldy
AQSh-tyń Oklahoma shtatynda 37 jyl buryn adam óltirgeni úshin jazalanǵan qylmyskerge qatysty ólim jazasy júzege asyryldy. 1975 jyldyń qyrkúıek aıynda Maıkl Baským Selsor óziniń sybaılasymen Talsa qalasyndaǵy dúkenge qarýly shabýyl jasap, saýda ornynyń ıesin óltirgen eken.
Arada bir jyl ótken soń ol kináli dep tabylyp, ólim jazasyna kesiledi. Birneshe aıdan keıin AQSh-tyń joǵarǵy soty Oklahomanyń ólim jazasy týraly zańyn konstıtýsııalyq emes dep taýyp, Selsordyń jazasy ómir baqı túrmede otyrýǵa almastyrylady. Jaqynda Oklahoma shtatynyń merziminen buryn bosatý jónindegi komıssııasy Selsordyń ólim jazasyn ómir baqı túrmede otyrýmen almastyrýǵa qarsy daýys berip, 28 sáýirde ólim jazasy júzege asyrylǵan. Ol AQSh-ta jyl basynan beri ólim jazasy úkimi oryndalǵan úshinshi adam bolyp otyr.
Qysqa qaıyryp aıtqanda:
• Reseıdiń eń baı polıseıi ishki ister mınıstrligi qupııa qyzmet basqarmasynyń bastyǵy Vıktor Grıgorov ekeni belgili boldy. Ol 2011 jyly 28,3 mıllıon rýbl tabys taýypty.
• 1 mamyrdan bastap Bakýde reseılik avtomobılderdi taksı retinde paıdalanýǵa resmı túrde tyıym salatyn qujat kúshine endi. Oǵan baǵynbaǵandar 100 manat kóleminde (1 manat quny 1 eýroǵa teń) aıyppul tóleıtin bolady.
• Bosnııadan shyqqan Adıs Medýnıanın Nıý-Iork metrosynda terrorlyq shabýyl josparlady degen kúdikpen qamaýǵa alyndy. Endi ol ómir baqıǵa bas bostandyǵynan aıyrylýy múmkin.
Internet materıaldary negizinde ázirlendi.
