Sharaına
Seısenbi, 2 qazan 2012 6:42
Saılaýda daýys berýden bas tartty
Keshe Grýzııada parlamenttik saılaý bolyp ótti. Onda «Grýzın armany» oppozısııalyq birlestiginiń kósemi, mıllıoner Bıdzına Ivanıshvılı daýys berýden bas tartty. Ol óziniń sheshimin bıliktiń respýblıka konstıtýsııasyn mazaq qylǵanymen túsindirdi.
Seısenbi, 2 qazan 2012 6:42
Saılaýda daýys berýden bas tartty
Keshe Grýzııada parlamenttik saılaý bolyp ótti. Onda «Grýzın armany» oppozısııalyq birlestiginiń kósemi, mıllıoner Bıdzına Ivanıshvılı daýys berýden bas tartty. Ol óziniń sheshimin bıliktiń respýblıka konstıtýsııasyn mazaq qylǵanymen túsindirdi.
Bizdiń bıliktegiler Grýzııa konstıtýsııasyn myń ret ózgertti, ıaǵnı ony ózderine yńǵaıly etýge umtyldy. Men berilgen múmkindikti paıdalanǵan joqpyn. Onyń ústine saıasatqa ádiletsizdik úshin emes, ony qalpyna keltirý úshin keldim, dedi B.Ivanıshvılı. Osylaısha 1 qazan Grýzııada demalys kúni bolyp jarııalandy. Elde tańerteńgi saǵat 8-den 3,5 myńnan astam saılaý ýchaskeleri jumys istedi. Saılaýǵa barlyǵy 14 saıası partııa men eki blok qatysty.
Jaǵdaıdy túsindirýdi talap etti
«Irannyń ıadrolyq baǵdarlamasyna qarsy birlestik» dep atalatyn amerıkalyq uıym Moldovo bıliginen Iran tankerlerin respýblıka týy astynda tirkeýmen baılanysty jaǵdaıdy túsindirýdi talap etti. Moldovo prezıdenti Nıkolae Tımoftıge atalǵan uıymnyń atqarýshy dırektory Mark Ýolles tıisti hatpen shyqty.
Hatta ótken qyrkúıek aıynda Moldovonyń týymen 11 ıran tankeri tirkelgeni jazylypty. Iran kompanııalarymen yntymaqtasqan Moldovo, deıdi hat ıesi, Irannyń ıadrolyq baǵdarlamasyna qarsy halyqaralyq kúsh-jigerdi bos áýreshilikke aınaldyrady. Qazirgi kezde basqa da birqatar elderdiń týyn paıdalanǵan Iran tankerleri bar ekeni anyqtalǵan syńaıly.
Japonııada jarty úkimet jańardy
Japonııa premer-mınıstri Esıhıko Noda kezekten tys parlamenttik saılaý qarsańynda bıliktiń reıtıngin jaqsartý maqsatynda úkimetti jańartty. Sóıtip, mınıstrler kabınetiniń 18 múshesiniń 10-y jańadan kelgender bolyp otyr.
Qazir bilim jáne ǵylym mınıstrligine 2002 jyly syrtqy ister mınıstri oryntaǵynda otyrǵan Makıko Tanaka hanym keldi. Endi ol aýmaqtyq talasqa baılanysty nasharlap ketken Qytaımen aradaǵy qarym-qatynasty «jóndeýi» tıis. Tanakanyń Qytaı basshylyǵymen tyǵyz baılanysy bar kórinedi. Sebebi, onyń ákesi Kakýeıý Tanaka 1972 jyly premer-mınıstr bolyp turǵan kezinde Pekınmen jaqyndasýǵa qol jetkizipti.
Chaves Obamany jaqtaıdy
Venesýela prezıdenti Ýgo Chaves eger ózi AQSh azamaty bolǵan bolsa, onda osy eldegi prezıdenttik saılaýda Barak Obamaǵa daýys bergen bolar edim dep málimdedi. Chaves keri jaǵdaıda Obamanyń da ózine daýys beretinine esh kúmándanbaıdy.
Prezıdentter qaıta saılanǵan jaǵdaıda Venesýela men AQSh qalypty qarym-qatynastyń jańa kezeńin bastar edi, deıdi odan ári Chaves. Venesýela prezıdentin saılaý aldaǵy 7 qazanǵa belgilengen. Al amerıkalyqtar óz memleketteriniń basshysyn 6 qarashada saılaıtyny belgili. Chavestiń osyndaı jyly sóz saptasyna qaramastan, eki el arasyndaǵy qarym-qatynas kúrdeli kúıinde qalyp keledi. Bir elde ekinshi eldiń elshisi jumys istemeıdi.
Qaza tapqan soldattyń sany qansha?
Antıterrorlyq operasııalarǵa oraı Aýǵanstanda áli de 55 myń amerıkalyq áskerı qalyp otyr. Olar engizilgeli 11 jyl boldy. Osy aralyqta qaza tapqan amerıkalyq soldattar men ofıserler sany 2 myń adamǵa jetken. Mundaı derekti «Assoshaıted press» agenttigi kóldeneń tartqan.
Brooking Institution táýelsiz qorynyń málimetteri boıynsha, qaza tapqandardyń 40 paıyzy lańkesterdiń qoldan jasalǵan jarylǵysh qurylǵylaryna túskender bolyp tabylady. Sebep-saldar tiziminiń ekinshi ornynda (shamamen 30 paıyz) ózderine-ózderine oq jumsaý tur. Al brıtandyqtardyń shyǵyny 433 adam bolsa, qalǵan 633 áskerı basqa elderdiń úlesine tıedi.
«Qyljaqbas» azamat bosatyldy
28 qyrkúıek kúni 26 jastaǵy Pavel Ondroýsh Chehııa prezıdenti Vaslav Klaýsqa oıynshyq tapanshadan oq jumsap, qamaýǵa alynǵan bolatyn. Ol buzaqylyq jasady dep aıyptalyp, eki jylǵa deıin túrmege qamalýy tıis edi. Biraq ITAR-TASS onyń qamaýdan bosatylǵany týraly aqpar taratty.
P.Ondroýsh óziniń áreketin úkimet basyndaǵylar halyqtyń muńyna qulaq aspaıtyndyqtan, el tilegin osyndaı áreketi arqyly jetkizbek bolǵanymen túsindiripti. Al oqıǵa Hrastava qalasyndaǵy kópirdiń saltanatty ashylýy rásiminde oryn alǵan edi. Prezıdenttiń kúzeti bolsa, «buzaqynyń» is-qımylyna birden jaýap qaıtarýǵa dármensiz bolyp shyqqan. P.Ondroýsh oqıǵa ornynan 100 metr alystaǵan kezde ǵana qolǵa túsken. Prezıdent kúzet qyzmetiniń basshysy Iırjı Sklenka sol kúni-aq otstavka suraǵan.
Qysqa qaıyryp aıtqanda:
Germanııa kansleri Angela Merkel «Musylmandardyń páktigi» fılmine narazylyqtarǵa baılanysty Týnıske josparlanǵan saparyn keıinge qaldyrdy. Jazda Týnıs premer-mınıstri Hamadı Jebeılı resmı saparmen Germanııada bolǵan edi. Sol kezde Merkel Týnıske jaýap sapar jasaýǵa ýáde berse kerek.
Keshe Estonııada dárigerlerdiń ereýili bastaldy. Ázirshe oǵan Tallınn aýrýhanalarynyń jáne Tartýdaǵy bir klınıkanyń qyzmetkerleri qatysýda. Alda eldiń basqa qalalaryndaǵy medıkter de olarǵa qosylýy yqtımal. Olardyń talaby dárigerlerdiń eńbekaqysyn – 20, medbıkeler men sanıtarlardyń eńbekaqysyn 40 paıyzǵa ulǵaıtý bolyp tabylady.
Reseı lıberal-demokratııalyq partııasy «Iаblokanyń» serkesi Sergeı Mıtrohındi RLDP fraksııasynyń depýtattary bıznespen aınalysady dep jalǵan aqparat taratty dep aıyptady. Partııanyń saıtynda Mıtrohınniń sotta kútiletini jazylypty. Bul jerde áńgime E.Markın, Iý.Napso, V.Semenov, V.Taskaev jáne S.Fýrgal týraly bolyp otyr
Internet materıaldary negizinde ázirlendi.
