Basynǵan barymtashylar
Seısenbi, 6 naýryz 2012 8:19
Aýyl-aımaqta mal urlyǵy, barymtashylyq beleń alyp tur. Olardyń basynǵandary sonshalyq, álgiler turǵyndardyń asyrap otyrǵan aq adal malyn alǵashqyda jalqylap urlasa, qunyǵa kele úıirlep urlaýǵa kóshti.
Solardyń biri Terekti aýdanyndaǵy Qoǵalytúbek aýylynyń turǵyny jaıylymda júrgen tórt jylqysynyń izim-ǵaıym joǵalyp ketkendigi jóninde jergilikti polısııaǵa shaǵymdanǵan. Atalǵan derek boıynsha shuǵyl izdestirý sharalary qolǵa alynǵan. Taıpaq polısııa bólimshesiniń bastyǵy podpolkovnık A.Aldabergenovtiń jetekshiligimen kúndiz-túni júrgizilgen is-shara aqyry óz nátıjesin berdi. Atyraýǵa baǵyt alǵan kózge kúdikti kóringen kólikti toqtatyp, qorabyn teksergende, bólshektelgen jylqynyń et-terisi tabyldy. Qylmystyq top músheleri 21-30 jas aralyǵyndaǵy Atyraý, Oral qalalarynyń turǵyndary bolyp shyqty. Olar bıylǵy jyly Terekti aýdanynyń «Yrys» jaıylymynan úsh jylqyny barymtalasa, Syrym aýdanyndaǵy Qyzylaǵash aýyly turǵynynyń úsh jylqysyn qorasynan urlap ketken. Aqjaıyq aýdany turǵynynyń eki sıyryn da urlaǵan osy qylmyskerler bolyp shyqty.
Fatıholla MAShTAQOV, Batys Qazaqstan oblystyq ishki ister departamentiniń baspasóz qyzmeti.
