Temir joldaǵy jemqorlyq
Sársenbi, 4 sáýir 2012 7:30
Qazir el men eldiń, óńir men óńir arasyndaǵy qatynas pen alys-beris, barys-kelis jıilep, barynsha artqan tusta kólik prokýratýrasyna júkteletin mindettiń salmaǵy batpandaı. «Taldyqorǵan» kólik prokýratýrasynyń prokýrory Meıram Elikbaevqa arnaıy jolyǵyp, óńirdegi kólik salasyndaǵy zańdylyqtardyń oryndalýy jaıly pikirlesýdiń sáti túsken edi. Meıram Muratuly suraqtarǵa jaýap berip, temir joldaǵy zańsyzdyqtar, jemqorlyq týraly merzimi ótken teplovozdardy paıdalaný arqyly jolaýshy jáne búkpesiz ortaǵa saldy.
Sársenbi, 4 sáýir 2012 7:30
Qazir el men eldiń, óńir men óńir arasyndaǵy qatynas pen alys-beris, barys-kelis jıilep, barynsha artqan tusta kólik prokýratýrasyna júkteletin mindettiń salmaǵy batpandaı. «Taldyqorǵan» kólik prokýratýrasynyń prokýrory Meıram Elikbaevqa arnaıy jolyǵyp, óńirdegi kólik salasyndaǵy zańdylyqtardyń oryndalýy jaıly pikirlesýdiń sáti túsken edi. Meıram Muratuly suraqtarǵa jaýap berip, temir joldaǵy zańsyzdyqtar, jemqorlyq týraly merzimi ótken teplovozdardy paıdalaný arqyly jolaýshy jáne búkpesiz ortaǵa saldy.
Elbasynyń bıylǵy Qazaqstan halqyna arnaǵan Joldaýynda aıtylǵan: «Jańǵyrtýdyń eń mańyzdy máseleleriniń biri – sybaılas jemqorlyqpen kesimdi kúres. Bizdiń bul baǵyttaǵy is-áreketterimiz memlekettik apparattaǵy sybaılas jemqorlyq deńgeıin edáýir tómendetti. Muny halyqaralyq sarapshylar atap aıtýda. Alaıda, bizge sybaılas jemqorlyqpen kúrestiń jańa strategııasyn jasaý qajet», degen tapsyrmasyn basshylyqqa alynyp, sybaılas jemqorlyqqa qarsy kúresti barynsha kúsheıtý arqyly biraz istiń tııanaǵy keltirildi. Osy turǵydaǵy zań talaptarynyń «Qazaqstantemirjoly» UK» AQ Úshtóbe elektrmen qamtý dıstansasynda oryndalýyn tekserý nátıjesinde osy uıymnyń bas býhgalteri Oshaqbaevanyń ústinen jemqorlyqqa qatysty eki birdeı qylmystyq is qozǵalǵan. Bas býhgalter óziniń jáne ózine baǵynyshtylar eńbekaqysyna 10 mln. teńge kóleminde zańsyz ústeme qosý arqyly sybaılas jemqorlyqqa jol bergen. Qazirgi kezde tergeý aıaqtalyp, qylmystyq is sottyń qaraýyna jóneltilipti.
Almaty qalasy men oblysy boıynsha «Jetisý» óńiraralyq kóliktik baqylaý ınspeksııasynyń osy máselege qatysty qyzmetindegi zań buzýshylyqtar «Nur Otan» partııasynyń otyrysynda qaralyp, temir jol tasymalyna qaýip tóndiretin keleńsizdikterge jol bergen ınspeksııa bastyǵy qatań jazaǵa tartylyp, keıinnen laýazymynan bosatylypty. Tekserý barysynda Almaty kólik jáne kommýnıkasııa kolledji janyndaǵy tehnıkalyq mektepti bitirgeni týraly jasaǵan jalǵan qujatpen teplovoz mashınısiniń kómekshisi retinde jumysqa ornalasý arqyly kólik qozǵalysyndaǵy qaýipsizdikke qaıshy áreketke barǵan Berdenbekovtiń ústinen qylmystyq is qozǵalyp, jalǵan qujatpen júk jáne jolaýshy tasýǵa qatysqandyqtan jaýapqa tartyldy.
Taldyqorǵan temir jol stansasynyń bastyǵy B. Oralbaevqa qatysty qozǵalǵan qylmystyq is boıynsha sot úkimi shyǵyp, jemqor basshy jeti jylǵa bas bostandyǵynan aıyryldy.
Kúmisjan BAIJAN,
Almaty oblysy.
