Qazaq kúresiniń qarymy

Seısenbi, 10 sáýir 2012 7:07

4-5 sáýir kúnderi Shveısarııanyń Veleı qala­synda ótken Halyqaralyq kúres túrleri qaý­ymdastyǵynyń otyrysynda qazaq kúresi 2013 jyly Dúnıejúzilik stýdentter oıyndarynyń baǵdarlamasyna kiretin bolyp sheshildi.

Bul jańalyqty keshe FILA-nyń osy otyrysyna arnaıy qatysý úshin barǵan Dúnıejúzilik qazaq kúresi fe­de­rasııasynyń prezıdenti Serik Tókeev aıtty. «Bizdiń tól kúresimiz Dúnıejúzilik stýdentter oıyndarynyń baǵ­darlamasyna tuńǵysh ret endi. Bul – buryn-sońdy bol­maǵan jańalyq. Osydan keıin biz kúresimizdi Azııa oıyndaryna, odan keıin Olımpıada baǵdarlamasyna engizýge kúsh salatyn bolamyz. Al 2013 jylǵy oıyndar Tatar­stan­­­nyń Qazan qalasynda ótedi.

Seısenbi, 10 sáýir 2012 7:07

4-5 sáýir kúnderi Shveısarııanyń Veleı qala­synda ótken Halyqaralyq kúres túrleri qaý­ymdastyǵynyń otyrysynda qazaq kúresi 2013 jyly Dúnıejúzilik stýdentter oıyndarynyń baǵdarlamasyna kiretin bolyp sheshildi.

Bul jańalyqty keshe FILA-nyń osy otyrysyna arnaıy qatysý úshin barǵan Dúnıejúzilik qazaq kúresi fe­de­rasııasynyń prezıdenti Serik Tókeev aıtty. «Bizdiń tól kúresimiz Dúnıejúzilik stýdentter oıyndarynyń baǵ­darlamasyna tuńǵysh ret endi. Bul – buryn-sońdy bol­maǵan jańalyq. Osydan keıin biz kúresimizdi Azııa oıyndaryna, odan keıin Olımpıada baǵdarlamasyna engizýge kúsh salatyn bolamyz. Al 2013 jylǵy oıyndar Tatar­stan­­­nyń Qazan qalasynda ótedi. Osy oıyndarda 70, 80, 90 jáne 90 kılodan joǵary salmaqtarda beldesýler ótkizemiz. Bul dodaǵa joldama tórt qurlyqtan beriletin bolady. Iаǵnı, qazaq kúresinen Azııa, Eýropa, Afrıka men Amerıka chempıonattarynda 1-4 oryn alǵan balýandar men tól kúresi­mizden ótetin álem chempıonatynda 1-8 oryndy ıelengen sportshylar oıyndarǵa joldama alady. Sonymen birge, bes memleketke bonýs retinde joldama beriledi. Bonýs degenimiz – tegin joldama», – deıdi S.Tókeev.

S.Tókeev qazaq kúresinen beldesýlerdiń kelesi jyly Reseıdiń Sankt-Peterbýrg qalasynda ótetin Sport akkord jarystarynyń baǵdarlamasynda da bolatynyn aıtty. Bul tórt jylda bir keletin sport dodasy qazirgi kezde álemde kóptegen elderdiń qyzyǵýshylyǵyn týǵyzyp otyrǵan jarys bolyp sanalady.

Esterińizge sala ketsek, bıyl budan basqa qazaq kúre­sinen eki úlken jarystyń ótetini belgili. Birinshisi – ja­qyn arada Brazılııanyń San-Paolo qala­syn­­­da tól kúre­si­mizden jasóspirimder arasynda álem chempıonaty ótse, ekinshisi – shilde aıynda Lıtvanyń Shıaýlıaı qala­synda tafı oıyndarynda qazaq kúresinen jarystar ótedi.

Taǵy bir jańalyq, Brazılııada ótetin álem chempıonaty kezinde Amerıkada tól kúresimizden 10 federasııa ashý jos­parlanýda.

Dastan KENJALIN.