Kúrkirep ótken úsh kún

Seısenbi, 19 maýsym 2012 7:36

Eýropa chempıonatynda jumadan beri ótken úsh kún shynynda da kúrkirepótkendeı áser qaldyrdy. Bul aralyqta toptardaǵy ekinshi týrdyńoıyndary tolyq aıaqtalyp, sońǵy belestiń soqpaǵy bastaldy. Olarshırek fınalǵa shyqqan tórt júırikti aıǵaqtap, jarty jolda qalǵan taǵytórt jabyny jahanǵa jarııa etti.

Seısenbi, 19 maýsym 2012 7:36

Eýropa chempıonatynda jumadan beri ótken úsh kún shynynda da kúrkirepótkendeı áser qaldyrdy. Bul aralyqta toptardaǵy ekinshi týrdyńoıyndary tolyq aıaqtalyp, sońǵy belestiń soqpaǵy bastaldy. Olarshırek fınalǵa shyqqan tórt júırikti aıǵaqtap, jarty jolda qalǵan taǵytórt jabyny jahanǵa jarııa etti.

Ýkraına-Fransııa – 0:2.Bizde: «Qazaq yrym etedi, yrymy qyryn ketedi», degen naqyl bar. Sóıtsek, yrymǵa qadalyp qalǵan jurt jalǵyz biz emes ekenbiz, tap osy match chempıonattyń kestesine tú­ser aldynda biraz fýnksıo­ner­leri onyń kenshiler qalasynda ótýine úzildi-kesildi qarsy bolypty. Sebebi, eldiń quramasy buǵan deıin shahterler shaharynda birde-bir ret ózderin qýantatyndaı ta­bysqa jetpegen eken. Biraq toq­paǵy myqty boldy ma, kıiz qazyq­tyń qaýqaryndaı ǵana osy usynys aqyry ótip ke­tipti. Qalaı degende de, Ýkraına quramasynyń osy qa­lada Fransııa komandasymen ót­kizgen kezdesýi munyń aldyndaǵy birinshi oıynnan kósh keıin boldy. Oıynda fran­sýzdardyń kúshti ekeni barǵan saıyn aıqyn biline berdi. Aqyrynda osy basymdyq ekinshi taımnyń bas jaǵynda bir­den eki golǵa aınalyp, máseleni túbegeıli sheship ketti.

Shvesııa-Anglııa – 2:3. Aldyń­ǵyǵa qaraǵanda, bul matchta biraz teketires pen tartys oryn aldy. Aǵylshyndar oıynnyń favorıti sa­nalǵanymen, olarǵa Zlatan Ibr­a­­gımovıch bastaǵan tarlandardy aýyzdyqtaý ońaı bolǵan joq. Aqy­ry kezdesý nátıjeli shyqty. Onyń qorytyndysy Roı Hodjons jigit­terin mereıli ete tústi.

Osy eki matchpen toptardaǵy ekinshi týrdyń oıyndary támam boldy. Al senbi kúni komandalar sheshýshi úshinshi týrdyń oıyndaryn bastady. Ol ádettegideı A tobynyń jasaqtarynan órbidi. Mine, osy kúnnen bastap bir topta bir kúnde oınaıtyn quramalar alańdarǵa da bir mezgilde shyǵý tártibine kóshti. Chempıonattaǵy basty sensasııalar da osy oıyndarda kórinis tapty.

Chehııa-Polsha – 1:0. Basqa basqa, tap osy chehtardy toptan baýyr jazyp shyǵady dep, onyń ústine birinshi bolyp betegege betteıdi dep eshkim oılamaǵan shyǵar. «Altyn Praga» aýmaǵy jigitterin, ásirese, birinshi oıynda orystardan 1:4 bolyp utylyp qalǵanynan keıin anyq aýtsaıderge sanaýshylar kóp edi. Al chehtar aıdy aspanǵa bir-aq shyǵardy. Olardyń ekinshi matchta ózderinen de tómen grekterdi áýpirimdep júrip utyp ketkenin bylaıǵa jurt onshalyqty shalqyǵan kóńilmen qabyldaı qoıǵan joq. Sebebi, úshin­shi oıynda polıaktardyń aldynda «taǵalaǵan jorǵadaı» bola qalatynyna kópshilik senimdi edi. Shamasy, polıaktardyń ózderi de osyǵan qatty senip ketse kerek, olar naǵyz keskilesken kúreske onshalyqty daıyn bolmaı shyqty. Nátıjesinde chehtar degenderine jetti.

Grekııa-Reseı – 1:0. Aıtatyny joq, reseılikterdiń osy jolǵy quramasy shynynda kúshti edi. Ony jankúıer qaýym birinshi oıynda da baıqady. Ekinshi matchta polıaktarǵa erik berip qoıǵany bolmasa, jalpy salmaqtylyq pen oı­lylyq orystar jaǵynda jatty. Biraq osy jolǵy samarqaýlyq bapkerler shtabyn oılandyrýy kerek edi. Oılandyrmady. Ol bylaı tursyn, Dık Advokat komandany úshinshi match qatarynan birdeı starttyq qurammen alańǵa shyǵar­dy. Sońǵy oıynda tek naýqas­tanyp qalǵan Konstantın Zyrıanov qana almastyryldy. Qalǵan ózge­ris nyspydaı. Sondyqtan ustaz birinshi oıynda 7, ekinshi kezdesýde 5 ret qaqpaǵa qaraı soqqy jasap, sonyń birde-birin sheńberdiń aý­ma­ǵyna qaraı týralap jibere almaǵan Aleksandr Kerjakov sekildi shabýylshyny alǵashqy lekpen oınatýyn da qoımady. Bul onyń quramǵa jańa lep beretin kezderdi jiberip alǵanyn kórsetti. Onyń ústine, birinshi kezdesýdegi iri je­ńis komanda jigitterin biraz adastyryp ketken sııaqty. Osydan ke­ıin ózde­rin «naǵyz chempıon» se­zine bas­ta­ǵan fýtbolshylar aqyr­ǵy aı­qasqa tastúıin bolyp shyǵa almady.

Osy chempıonattyń aldynda Dık Advokattyń aıtqan bir sózi bar edi. «Men komandanyń daıyn­dyǵynyń shyńyn birinshi oıynǵa týralaımyn», degen. Ol osy aıtqa­nynda turdy. Biraq sodan keıin tómen qaraı kúrt quldyraý bastalyp ketken tárizdendi.

Portýgalııa-Gollandııa – 2:1. Chempıonattaǵy eń úlken sensasııa, álbette, «alqyzyl qyzǵaldaqtar eli» komandasynyń toptan shyǵa almaı qalǵany bolsa kerek. Buǵan qosa, onyń úsh oıynda da túgel utylǵanyn buǵan deıingi statıstıka bilmeıdi. Al myna oıynda por­týgaldardyń bir kósh ilgeri bolǵa­nyn jurttyń bári kórdi. Golland­tyqtardyń basymdyǵy ádepki goldy soǵyp, esepti ashqanǵa deıin ǵana sozyldy. Sodan keıin «Krıshtıaný Ronaldý jáne K» jasyndaı jarqyldaı bastady. Alańnyń kez kelgen buryshynan qaqpany atqy­laı júrip, komanda kapıtanynyń ózi eki goldyń avtory atanyp úlgerdi. Taǵy eki dobyn qaqpanyń baǵany «jutty». Degenmen, osy eseptiń ózi olardy barynsha qana­ǵat­tandyrdy.

Danııa-Germanııa – 1:2. Bul «nemis máshınesi» óziniń osy chem­pıonattaǵy basty úmitkerlerdiń biri ekenin dáleldegen kezekti match boldy. Kezdesýdiń basynda biraz shapqylap baqqan dattar oıynnyń ekinshi jartysynan bastap, kúshti eseppen utylyp qalmaý jaǵyn ǵana kúıttegendeı qımyl jasady. Match sońynda Danııa quramasy­nyń bas jattyqtyrýshysy Morten Olsen aıtqan: «Biz ózimizdiń kim­nen jeńilgenimizdi bilemiz. Son­dyqtan asa qatty qaıǵyrmaımyz», degen sózi olardyń oıyn úshin bildirgen naqty túıini sııaqty.

Bul kezdesýler aldaǵy shırek fınalda Germanııa-Grekııa, Portýgalııa-Chehııa komandalary kezdese­tindigin aıqyndap berdi.

Keshe túnde S tobynda Italııa-Irlandııa, Horvatııa-Ispanııa qu­ra­malary kezdesti. Al búgin keshke toptyq oıyndar aıaqtalady. Odan ári shırek fınaldyń oıyndary bas­talady.

Oılar, pikirler, kózqarastar

Anatolıı BYShOVES,

KSRO quramasyn 1988 jylǵy Olımpıadada jeńiske jetkizgen jattyqtyrýshy:

– Bizde tabysty óner kórsetýge barlyq jaǵdaılar boldy. Reseı fýtbolshylary pleı-offqa shyǵýǵa tıisti-aq edi. Biraq maqsat oryndalmady. Men qatty qapalymyn. Endi quramaǵa úlken reforma jasaý kerek. Onyń tizginin mindetti túrde otandyq jattyqtyrýshy alýy tıis. О́ıtkeni, ol ishki jaǵdaıymyzdy, barlyq múmkin­digimizdi jaqsy biledi. Myna jattyqtyrýshylar quramy komandany jaman daıyndaǵan joq. Chempıonatqa ádemi apardy. Alaıda, bolmaıtyn jerlerden qatelikter jiberdi. Mysaly, men Kerjakovty starttyq quramda alańǵa shyǵarýǵa bolmaıtynyn talaı aıtqanmyn. Sol aıtqandarym aıdaı keldi. Ol ondaı aıqasqa beıimdelmegen. Ony tek oıynshylardy almastyrýǵa ǵana paı­dalanýǵa bolatyn edi.

Darıo SRNA,

Horvatııa quramasynyń jartylaı qorǵaýshysy:

– Biz – kishkentaı ǵana eldiń ókilimiz. Biraq bizdiń erik-jigerimiz kúshti. Kishkentaı ekenbiz dep buǵyp qala almaımyz. Bizdiń qatarymyzda 23 arystan bar. Olar – Horvatııanyń qazirgi tańdaǵy eń kúshti oıynshylary. Mine, osy kúshti oıynshylar qoldarynan kelgeninshe kishkentaı elderin úlken qýanyshqa bóleýge umtylady.

Oleg BLOHIN,

Ýkraına quramasynyń bas jattyqtyrýshysy:

– Aǵylshyndar komandasyna Ýeın Rýnıdiń oralýy jaǵdaıdy eshqandaı da ózgerte almaıdy. Biz burynǵy oıynymyzdan tanbaımyz. Roı Hodjonstyń komandasy chempıonatta eki oıynǵa qatysyp, ekeýin eki túrli etip ótkizdi. Biz budan da sabaq alamyz. Bárin túgel taldap shyǵýymyz kerek. Al sońǵy oıynǵa tek jeńis úshin shyǵamyz. Oǵan qol jetkizý úshin barymyzdy salamyz. Men mundaıda jigitterimniń jigersiz oınaýyna tıtteı de jol bermeımin.

Match mınıatıýralary

* О́tken jumadan beri (15-17 maýsym) chempıonatta 6 oıyn oınaldy. Olarda 15 gol soǵyldy.

* Bul 6 matchty stadıondarda 280 169 kórermen kórdi.

Al chempıonat bastalǵaly sport arenalaryna 879 284 adam jınaldy.

* Chempıonat basynan beri oınalǵan 20 oıynda 54 gol soǵyldy. Ortasha esep­pen ár oıynda qaqpaǵa 2,7 doptan salyndy.

* О́tken 6 oıynda 1 dýbl tirkeldi. Ony Portýgalııa quramasynyń shabýylshysy Krıshtıaný Ronaldý jasady. Ázirge mergender kóshinde ózgeris joq. Olardyń aldy 3 golmen keledi.

* Esepti kezeńde chempıonattyń birinshi avtogoly da soǵyldy. Ony aǵylshyn Glen Djonson shvedtermen oıynda óz qaqpasyna túsirip aldy.

* О́tken 6 oıynda oıynshylarǵa 26 eskertý jasaldy. Tek Gollandııa-Germanııa matchynda ǵana eshkim tártiptik jaza alǵan joq. Bul – chempıonat bastalǵaly oryn alyp otyrǵan ekinshi derek. Jalpy, birinshilik bastalǵaly 76 fýt­bol­shyǵa «sary qa­ǵaz» kórsetildi.

* Úzdik oıynshy ataǵyna Ioan Kabaı (Fransııa), Teo Ýolkett (Anglııa), Vaslav Pılarj (Chehııa), Gıorgos Karagýnıs (Grekııa), Krıshtıaný Ronaldý (Portýgalııa), Lars Bender (Ang­lııa) ıe boldy. Bul joly Vaslav Pılarj mundaı ataqqa ekinshi ret qol jetkizdi.

Aıtpaqshy…

Advokat pen Fýrsenko quramadan eki bólek ketti. Reseı Fýtbolfe­derasııasynyń basshysy men qurama jetekshisi komanda masqara bolypjeńilis tapqannan keıin elderine fýtbolshylardan bólek qaıtty. MundaFýrsenko Máskeýge oralsa, Advokat Gollandııaǵa attandy. Onyńkelisim-sharty osy birinshilikpen birge bitýge tıis bolatyn. Aloıynshylar jek­senbi kúni Máskeýge ushyp keldi. Olardy, álbette,áýejaıda eshkim qarsy alǵan joq.

Tomash Rosıskı oıyndy jal­ǵastyra almaıtyn boldy. Chehııa qu­ramasynyń jartylaı qorǵaý­shysy komanda qaraýynan ketti, dep habarlady AR aqparat agenttigi. Ol grektermen oıynda sińirin sozyp alǵan eken. Sondyqtan polıaktarǵa qarsy oıynǵa qatysa almady.

Andreı Shevchenkonyń Anglııamen oıynǵa qatysý-qatyspaýy 50 pa­ıyzdyq shamada. Bul týraly Ýkraına quramasynyń dárigeri Leonıd Mıronov málimdedi. Onyń aıtýyna qara­ǵanda, jeksenbi kúni for­vard­tyń jaǵdaıy birshama táýir bola bas­taǵan. «Meniń oıymsha, An­dreıdiń ózi oıynǵa qatysýǵa asa qatty qushtar bolyp otyr, – dedi dáriger. – Sebebi, ol – naǵyz kásibı maman. Osyndaı sát­te aıaǵynyń aýyrǵanyna qaramas­tan, komandasyna járdem bergendi ol óziniń boryshy sanaıdy».