Jaraısyń, Arshat!
Senbi, 7 shilde 2012 7:29
Jaqynda ǵana dúbirlep ótken Eýro – 2012 chempıonatynda osy sharany barynsha nasıhattaý úshin arnaıy konkýrs ótkizilgen edi. Ol bloggerler men jýrnalısterge arnalǵan bolatyn. Mine, sonda bizdiń áriptesimiz Arshat bloggerler ishinen jeńimpaz atansa, jýrnalıster ishinen «Pro sport» gazetiniń bas redaktory Evgenıı Gaıdamakın birinshi orynǵa ıe boldy. Sóıtip, baıqaýǵa qatysqandardyń arasynan sýrylyp shyqqan qos áriptesimiz 2 kún boıy Ýkraına astanasynda bolyp, tórt jylda bir keletin jarysty tamashalaýǵa múmkindik aldy.
Senbi, 7 shilde 2012 7:29
Jaqynda ǵana dúbirlep ótken Eýro – 2012 chempıonatynda osy sharany barynsha nasıhattaý úshin arnaıy konkýrs ótkizilgen edi. Ol bloggerler men jýrnalısterge arnalǵan bolatyn. Mine, sonda bizdiń áriptesimiz Arshat bloggerler ishinen jeńimpaz atansa, jýrnalıster ishinen «Pro sport» gazetiniń bas redaktory Evgenıı Gaıdamakın birinshi orynǵa ıe boldy. Sóıtip, baıqaýǵa qatysqandardyń arasynan sýrylyp shyqqan qos áriptesimiz 2 kún boıy Ýkraına astanasynda bolyp, tórt jylda bir keletin jarysty tamashalaýǵa múmkindik aldy.
Biz Arshat ekeýmiz bir ujymda jumys isteıtindikten onyń Eýro-2012-degi komandalardyń daıyndyǵy, onda qaı eldiń quramalarynyń jaqsy óner kórsetetinine boljam jasap júrgenin biletinmin. Sol kezde onyń ózi jasaǵan Kerekınfo saıtynda Eýro-2012 týraly kóptegen qyzyqty jáne tartymdy materıaldary shyqty. Osy saraptamalyq materıaldar men boljamdarǵa kóptegen oqyrmandardyń nazar aýdarǵanyn bilemiz. Al Arshattyń ózi sol dúnıelerin jınap, konkýrsta bloggerler arasynda jeńimpaz atanǵanda áriptesimizdiń barlyq áleýmettik jelidegi dostarynyń shyn júregimen tilektestigin bildirip, qýanbaǵany joq dese bolady. Arshat Kıevke barǵanda da sol jaqtan ınternetke óziniń kórgen-bilgenderin, sýretke túsirgenderin jarııalap otyrdy. Bul materıaldary da ınternetti paıdalanýshylar tarapynan joǵary baǵaǵa ıe boldy.
Áriptesimizdiń sol jazǵandarynyń ishinde Eýro-2012-niń Ýkraına úshin qanshalyqty mańyzdy bolǵany týraly pikiri nazar aýdartady. «Qonaqjaı Ýkraınanyń Eýro-2012-den túsken tabysy 500 mıllıon eýroǵa jetti. Alǵashqy kezde kópshilik bul eldiń chempıonatty laıyqty ótkize almaıdy, oǵan mundaǵy saıası jaǵdaı men keıbir jaǵdaılardyń áreketi keri áser etedi degen edi. Joq, olaı bolmaıdy», – dedi Arshat. Taǵy bir jerde áriptesimiz: «Ýkraına utylmady. Sporttyq kórsetkishi boıynsha bul el óz tobynda 3-shi bolyp, shırek fınalǵa da shyǵa almaǵanymen, ekonomıkalyq turǵydan da, qoǵamdyq turǵydan da utty. Qanshama týrıst kelip, Ýkraınanyń qandaı el ekenin tanyp ketti emes pe. Osy chempıonat úshin jańa sport keshenderi salyndy, halyqtyń sportqa degen áýestigi ósti. Ulttyq quramanyń arqasynda el birtutas bola aldy, patrıotızmi kúsheıe tústi», degen pikirin bildirgen.
Jalpy aıtqanda, áriptesimizdiń myńdaǵan adamdardyń ishinen sýyrylyp alǵa shyǵyp, konkýrsta jeńimpaz atanǵany danyshpan Abaı atamyzdyń: «О́zińe sen, ózińdi alyp shyǵar, aqylyń men qaıratyn eki jaqtap», degen ósıetine baılanystyryp aıtýǵa bolady.
Dastan KENJALIN, «Egemen Qazaqstan».
