Júıe boıynsha isteletin jumystyń minsiz bolýy úshin oblystaǵy barlyq emhanalar men aýrýhanalardy ınternet jelisine qosý qajet eken. Búginde bul mindet tolyqtaı oryndaldy deýge bolady. Atap aıtqanda, oblystyq, aýdandyq deńgeıdegi mekemelerdiń ınternetpen qamtylýy 100 prosentke jetken. Al shalǵaı aýyldardaǵy emhanalardyń ǵalamtor jelisine qosylýy Astel jer serigi arqyly júzege asyp jatyr. Qazir aýyldyq aımaqtaǵy 588 medısına mekemesiniń tórt júz alpys birinde joǵary jyldamdyqty ınternet istep tur. Qalǵan mekemelerdi qamtý jaqyn kúnderi aıaqtalmaqshy.
-Oblysta mindetti áleýmettik medısınalyq saqtandyrý júıesine qosylý boıynsha aıtarlyqtaı jumys isteldi. Ásirese, tehnıkalyq daıyndyq sharasyna kóp kóńil bóldik. Bul úshin aımaqtaǵy medısına mekemelerin jańa úlgidegi keńse tehnıkasymen qamtý kún tártibine shyqty. Qazir osy mindetti tolyq atqardyq. Jergilikti bıýdjet qarajaty esebinen 952 kompıýter satyp alyndy. Oǵan 112 mln teńge qarjy jumsaldy. Sonyń arqasynda emhnalardaǵy tehnıkalyq qoldaý 100 prosentke jetti, deıdi Almaty oblystyq densaýlyq saqtaý basqarmasynyń basshysy Baýyrjan Ysqaq.
