Bul týraly Pavlodar oblysy ákiminiń baspasóz qyzmeti málimdedi.
Ekonomıka jáne bıýdjettik josparlaý basqarmasynyń basshysy Irına Nazarchýktyń aıtýynsha, 2020 jyldyń bes aıynyń qorytyndysy boıynsha óńirde ónerkásip salasyndaǵy ósim ótken jylǵy kórsetkishpen salystyrǵanda 4,2%-dy qurady. Aýyl sharýashylyǵynda óndiris shamamen 2%-ǵa, al qurylys salasynda 2,7%-ǵa artty.
"Jyldyń basynan beri negizgi kapıtalǵa tartylǵan ınvestısııa kólemi 97,2 mıllıard teńgeni qurady", - dedi ekonomıka vedomstvosynyń basshysy. Serpinniń tómendeýi eki sektorda - ishki saýda men kólikte jáne qoımalaýda baıqalady. Jalpy, oblysta qysqa merzimdi ekonomıkalyq ındıkator 99,4%-dy qurap otyr.
Kelesi tórt makroekonomıkalyq kórsetkish táýekel aımaǵyna tap bolyp otyr: qurylys jumystarynyń kólemi, ınvestısııalar kólemi, ishki saýda, kólik jáne qoımalaý sektory. Qurylysta olqylyqtyń oryn alýyna jol bermeý úshin Pavlodar oblysynyń ákimi jumys kestesin ár aýdan men jekelegen nysandar turǵysynan anyqtap, qadaǵalap otyrýdy tapsyrdy. Jaǵdaıǵa oń áser etetin taǵy bir faktor - óńirdegi kásiporyndarǵa barynsha júkteme berý.
"Arnaıy komıssııa jergilikti óndiris oryndaryn júkteýdiń naqty tártibin ázirleýi kerek. Sonymen qatar, oblystaǵy jáne respýblıka ishindegi kásiporyndarmen baılanys ornatý kerek", - dedi Ábilqaıyr Sqaqov.
Sondaı-aq "Samuryq-Qazyna", "Qazaqstan temir joly" jáne basqa da kvazımemlekettik sektordyń kompanııalarymen baılanys ornatý qajet. Ishki naryq óziniń paıdasyn barynsha arttyrýy kerek, al basty nazardy qazaqstandyq qamtýǵa aýdarý kerek. Qarjylyq tártipke keler bolsaq, 2020 jyldyń bes aıynda jospar 17,1 mlrd teńgeni qurasa, oblystyq bıýdjettiń kirisi 17,2 mlrd teńgeni qurady. Qarjy basqarmasynyń basshysy Maqsat Turlybaevtyń aıtýynsha, jospardyń asyra oryndalýy jeke jáne korporatıvtik tabys salyǵy, aksızder jáne múlik salyǵy esebinen qamtamasyz etildi.
"Negizgi faktorlar – eńbekaqyny arttyrý, beresimen, salyq salynatyn bazany ulǵaıtýmen jáne salyqtardy merziminen buryn tóleýmen jumys isteý", - dep málimdedi vedomstvo basshysy.
Jalpy alǵanda, 57 kiris kózinen 78,2 mıllıon teńge somasyna altaýy ǵana qamtamasyz etilmegen. Oblystyq qazynanyń shyǵys bóligi týraly aıtar bolsaq, jospar boıynsha 123,1 mlrd teńgeniń 119,9 mlrd teńgesi ıgerildi.
Ábilqaıyr Sqaqov bıýdjet qarajatyn ıgerýdegi eń bastysy - olardy utymdy jáne tıimdi paıdalaný ekenin atap ótti.
О́ńir basshysynyń aıtýynsha, Pavlodar oblysynyń turǵyndary áleýmettik saladaǵy ózgeristerdi kórip, tirshilikti qamtamasyz etý ınfraqurylymynyń jaqsarǵanyn sezinýleri kerek.
