Osy baǵytta júrgizilip jatqan jumystar týraly "Atameken" UKP basqarma tóraǵasy A. Myrzahmetov, "Qarapaıym zattar ekonomıkasy" baǵdarlamasy aıasynda ekinshi deńgeıli bankterdiń bıznes-úderisterin ońtaılandyrý týraly Qazaqstan qarjygerleri qaýymdastyǵy keńesiniń tóraıymy E. Bahmýtova, qurylystaǵy qazaqstandyq qamtýdy damytý týraly ındýstrııa jáne ınfraqurylymdyq damý mınıstri B. Atamqulov, retteletin satyp alýlardaǵy jergilikti qamtýdyń tıimdiligin arttyrý jónindegi sharalar týraly qarjy mınıstri E. Jamaýbaev, "Samuryq-Qazyna" UÁQ satyp alýlaryndaǵy jergilikti qamtý týraly Qordyń basqarma tóraǵasy A. Esimov baıandady.
"Qarapaıym zattar ekonomıkasy» baǵdarlamasynyń sheńberinde 491,5 mlrd teńgege 2 myńnan asa joba maquldandy. Almaty, Qaraǵandy, Qostanaı oblystary qazaqstandyq qamtý boıynsha (jekelegen salalarda 70%-dan astam) úzdik óńirler bolyp otyr. Aqmola, Atyraý, Jambyl, Mańǵystaý oblystary, Nur-Sultan, Shymkent qalalary artta qalǵan. Qurylys salasynyń qarqyndy damýynyń arqasynda sońǵy 10 jylda qurylys materıaldaryn óndirý kólemi 3,3 esege - 176 mlrd teńgeden 586 mlrd teńgege deıin artty.
Úkimet basshysy rásimdik tosqaýyldardy joıý boıynsha Qarjy naryǵyn retteý jáne damytý agenttigine Qarjygerler qaýymdastyǵymen jáne ekinshi deńgeıli banktermen birlesip "Qarapaıym zattar ekonomıkasy" baǵdarlamasy boıynsha bankterdiń bıznes prosesterin ońtaılandyrýdy - nesıe ótinimderin qaraý merzimin, qujattar tizbesin qysqartý jáne kepil saıasatyn jeńildetý múmkindigin qarastyrýdy tapsyrdy.
Qurylys salasynda da jergilikti qamtý úlesin arttyrý maqsatynda Úkimet basshysy Indýstrııa jáne ınfraqurylymdyq damý mınıstrligine barlyq taraptardyń jaýapkershiligin kúsheıtý jónindegi tıisti zańnamalyq jáne normatıvtik ózgeristerdi pysyqtaýdy júktedi.
Premer-Mınıstr Qarjy mınıstrligine "Atameken" UKP jáne múddeli memlekettik organdarmen birlesip bir apta merzimde otandyq taýar óndirýshilerdiń memlekettik jáne kvazımemlekettik sektordyń satyp alýyna qatysýyna kedergi keltiretin barlyq júıelik tosqaýyldardy joıý jónindegi is-qımyl algorıtmin daıyndaýdy tapsyrdy.
Úkimet basshysy ákimdikter úshin mysal retinde "Samuryq-Qazyna" qorynyń otandyq óndiris taýarlaryn qoldaný jáne durys eseptilik boıynsha naqty talaptaryn keltirdi, bul jergilikti qamtý úlesiniń 69% joǵary kórsetkishine qol jetkizýge múmkindik berdi.
Premer-Mınıstr Memleket basshysynyń tapsyrmasy boıynsha bıznestiń qarsy mindettemelerin sıfrlyq baqylaý jumysyn eki aı ishinde aıaqtaý qajet ekenin atap ótti. Osyǵan baılanysty Úkimet basshysy memlekettik qoldaýdyń ár sharasy boıynsha tıisti zańnamalyq túzetýler paketin daıyndaýdy tapsyrdy. Bul rette "Atameken" UKP sıfrlyq platformasynyń bazasynda bıznestiń qarsy mindettemelerine monıtorıng júrgizý jónindegi pılottyq jobany iske qosý júzege asyrylatyn bolady.
