Kezdesý barysynda taraptar Memleket basshysynyń tapsyrmalary aıasynda sybaılas jemqorlyqqa qarsy saıasatty damytý jáne ortaq jobalardy iske asyrýdaǵy ekijaqty ózara árekettesý máselelerin talqylady.
Agenttik tóraǵasy «Protecting Business and Investments» jobasy aıasynda kásipkerler men ınvestısııalardy qorǵaý sharalaryna erekshe nazar aýdara otyryp, jemqorlyqqa qarsy is-qımyl salasyndaǵy bastamalardyń nátıjelerimen bólisti. Vedomstvo basshysy Agenttik ınvestorlarǵa sybaılas jemqorlyqqa qarsy qoldaý kórsetýdi jalǵastyrady dep senim bildirdi.
Karstens myrza gollandııalyq ınvestorlardyń Qazaqstanda jumys jasaýǵa degen qyzyǵýshylyǵynyń joǵary ekenin atap ótti. Elshi Aqtóbe oblysyndaǵy aýyl sharýashylyǵy salasyndaǵy «Green Capital» JShS jobasynyń iske asyrylý barysy týraly habardar etti.
Taraptar «Qazaqstanda parlamentarızmdi damytý qory» QQ-men birlesip, «Ashyq bıýdjetterdiń ınteraktıvti kartasyn» damytý týraly da kelisti.
Qazirgi tańda naqty ýaqyt rejıminde kartada 7,7 trln teńgeden astam somaǵa el boıynsha áleýmettik nysandardy salýǵa, jóndeýge jáne kútip ustaýǵa bólingen bıýdjet qarajaty týraly jan-jaqty málimetter kórsetilgen.
Kez-kelgen azamat belgili bir memlekettik mekemeniń shyǵyndaryn zerttep, saıtta ornalastyrylǵan bıýdjet pen onyń naqty oryndalýy arasyndaǵy sáıkessizdik týraly habarlaı alady.
Memlekettik apparattyń eseptiligin kúsheıtýdiń tıimdi quraldarynyń biri bola otyryp, onlaın-karta qoǵamdyq baqylaýdy keńeıtýge múmkindik beredi. Bolashaqta karta qyzmetti jetkizýshiler men merdigerlerdiń barlyq tizbeginiń memlekettik qarajatty ıgerýin egjeı-tegjeıli kórsete otyryp, bıýdjettik shyǵystar men satyp alýlar týraly tolyq aqparatty qamtıtyn tolyqqandy «ashyqtyq portalyna» aınalýy tıis.
Kezdesý qorytyndysy boıynsha taraptar odan ári syndarly yntymaqtasý men ortaq bastamalardy birlesip iske asyrýǵa ózara senim bildirdi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
