Atyraýda "Bekire" jedel-profılaktıkalyq aldyn-alý sharasy ótip jatyr. Polısııa qyzmetkerleri atalǵan sharany ótkizý kezinde "Atyraý-Oral" tas jolynda tasymaldaýǵa, zańsyz satýǵa tıym salynǵan bekire balyǵy tıelgen "Toyota Land Cruiser" kóligin toqtatty.
"Kólikten 345 dana bekire tuqymdas balyq pen salmaǵy 200 gramm qaraýyldyryq tabyldy. Osyǵan baılanysty kólikte bolǵan Batys Qazaqstan oblysynyń 28 jáne 29 jastaǵy eki turǵyny ustaldy. Olar baǵaly bekire tuqymdas balyqty zańsyz jolmen Atyraýdan Oral qalasyna jetkizbekshi bolǵan. Tárkilengen bekire balyqtarynyń jalpy salmaǵy 1 tonnadan asady", dep habarlady oblystyq polısııa departamentiniń baspasóz qyzmeti.
Sotqa deıingi tergep-tekserý Qylmystyq Kodekstiń 339-babymen (О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) júrgizilip jatyr.
Baǵaly balyq qoryna zańsyz qol suqqan BQO-nyń eki turǵyny qamaýǵa alyndy.
