Qazaqstan Qorǵanys mınıstrligi Qazaqstan Qarýly Kúshteriniń tarıhynda tuńǵysh ret jas ofıserler arasyndaǵy kadrlar saıasatyn jetildirý jónindegi qanatqaqty jobany iske qosty. Almatyda Qurlyq áskerleri áskerı ınstıtýtynyń bazasynda oqý ornyn 2011 jyly bitirgen úzdik jas komandırlerge qurmet kórsetý rásimi ótkizildi. Úzdik jumysy úshin jas ofıserlerdi Qorǵanys mınıstri Ádilbek Jaqsybekovtiń ózi nagradtady.
Qazaqstan Qorǵanys mınıstrligi Qazaqstan Qarýly Kúshteriniń tarıhynda tuńǵysh ret jas ofıserler arasyndaǵy kadrlar saıasatyn jetildirý jónindegi qanatqaqty jobany iske qosty. Almatyda Qurlyq áskerleri áskerı ınstıtýtynyń bazasynda oqý ornyn 2011 jyly bitirgen úzdik jas komandırlerge qurmet kórsetý rásimi ótkizildi. Úzdik jumysy úshin jas ofıserlerdi Qorǵanys mınıstri Ádilbek Jaqsybekovtiń ózi nagradtady.
QR QK Qurlyq áskerleriniń áskerı ınstıtýtyn bitirýshiler áskerı qyzmet baspaldaǵyn Qorǵanys mınıstrligi qanatqaqty jobasy – kadrlar saıasatyn jetildirý baǵdarlamasy aıasynda bastaǵan bolatyn. Jobany iske asyrý QR QK Qurlyq áskerleriniń bas qolbasshysy general-leıtenant Murat Maıkeevtiń basshylyǵymen júrgizildi. Baǵdarlama boıynsha oqytýshylar joǵary kýrstardyń ózinde kýrsanttardyń kóshbasshylyq qarym-qabiletteriniń qanshalyqty damyǵandyǵyn anyqtap, olardyń áleýetine sáıkes ári qaraıǵy qyzmet jolyna baǵyttaıdy.
Eksperımentke alǵashqy bolyp 2011 jyly bitirip shyqqan ofıserler qatystyryldy. Olar bitirý kýrsynda birneshe topqa bólindi. Birinshi topqa kásiptik, moraldyq jáne psıhıkalyq deńgeıi joǵary kýrsanttar endi. Osy toptan shyqqan jas ofıserler keıingi qyzmet jolynda basqalardan jyldamyraq ósti.
Joǵary oqý ornyn bitirgen jas ofıserler QR QK Qurlyq áskerlerinde vzvod komandıri laýazymdaryna taǵaıyndalǵan bolatyn. Eki jyl ishinde osy leıtenanttardyń barlyǵy derlik rota komandıri laýazymdaryna kóterildi. Olardyń tájirıbesi men joǵary nátıjesi osy baǵyttyń durystyǵyn dáleldedi.
– Jańa júıesiniń jumys isteıtinin ýaqyt kórsetti. Ol obektıvti ári transparentti jáne elimizdiń Qarýly Kúshterinde engiziletin bolady. Muny sizder qyzmettegi tabystaryńyzben rastap kelesizder. Árıne, bul sizderdiń aldaryńyzda turǵan joldyń shaǵyn ǵana bóligi. Sizderdiń árqaısylaryńyz budan ári kásiptik jáne arnaýly daǵdylaryńyzdy arttyrý úshin jumysty jalǵastyrýlaryńyz qajet. Sizder osy jerdegi kýrsanttar úshin qalaı qyzmet etip, nege umtylý qajettigi jóninde úlgi kórsetesizder. Jáne de Elbasymyz – Qarýly Kúshterdiń Joǵarǵy Bas qolbasshysy Nursultan Ábishuly Nazarbaev respýblıkamyz táýelsizdiginiń kúzetinde turǵan jas ofıserlerdiń róline erekshe mán beretinin atap ótkim keledi, – dedi jas ofıserler men QR QK Qurlyq áskerleri áskerı ınstıtýty kýrsanttary aldynda sóılegen Qorǵanys mınıstri Ádilbek Jaqsybekov.
Qorǵanys mınıstrligi ári qaraı da olardyń qyzmetin baqylap otyratyn bolady. Qazaqstan Qorǵanys mınıstrligi óziniń kadrlyq saıasatynda armııany biliktiligi joǵary mamandarmen jasaqtaýǵa basa nazar aýdaryp otyr.
«Egemen-aqparat».
