Ulttyq Medısınalyq Holdıng quramyndaǵy respýblıkalyq Jedel medısınalyq járdem ǵylymı ortalyǵynda Pıtsbýrg ýnıversıteti Italııalyq onkologııa ortalyǵynyń torakaldi hırýrgtary laparoskopııalyq tásilmen ota jasap, qazaqstandyq áriptesterimen tájirıbe bólisti.
Ulttyq Medısınalyq Holdıng quramyndaǵy respýblıkalyq Jedel medısınalyq járdem ǵylymı ortalyǵynda Pıtsbýrg ýnıversıteti Italııalyq onkologııa ortalyǵynyń torakaldi hırýrgtary laparoskopııalyq tásilmen ota jasap, qazaqstandyq áriptesterimen tájirıbe bólisti.
Italııalyq dárigerler ortalyqta úsh kún boıy tuńǵysh ret qaterli isikterdi tilik jasamaı, shaǵyn tesik arqyly sylyp alý tásilin qoldanyp otalar jasady. Pıtsbýrg ýnıversıteti Italııalyq onkologııa ortalyǵynyń torakaldi onkohırýrgi Alesandro Bertanı jýrnalısterge bergen suhbatynda mundaı is-sharany uıymdastyrý úshin úlken bazanyń kerek ekenin, al ondaı baza elimizde qalyptasqanyn baıandady. «Ota jasaý barysynda bizge osynda jumys isteıtin dárigerler kómektesti. Otalardyń laparoskopııalyq túrinen naýqasqa keletin zııan kóp bolmaıdy. Mundaı otalardy jasaýdyń shyńyna shyǵý úshin sheberlik synyptaryn jıi ótkizip turý kerek. Máselen, AQSh-ta, Italııada bul tásilmen ota jasaýdyń on jyldyq tarıhy bar. Dárigerler belgili bir jetistikke jetken», deıdi Bertanı.
Italııalyq dárigerlerdiń bul sapary Astana qalasynda onkologııalyq ortalyq qurý jobasynyń aıasynda iske asty. Bul jobanyń negizgi seriktesi – Pıtsbýrg ýnıversıtetiniń Medısınalyq ortalyǵy.
«Egemen-aqparat».
