kursiv.kz
Bul qurylys merzimin tórt ese qysqartýǵa múmkindik berip qana qoımaı, turǵyn úıdiń ózindik qunyn edáýir tómendetip, sapasyn arttyrady. Sondaı-aq turǵyn úıdi el azamattary úshin barynsha qoljetimdi ete otyryp, respýblıkanyń turǵyn úı salasyn túbegeıli ózgertedi.
Atalǵan kásiporyn temirbeton buıymdaryn – blok-bólmeler shyǵarady, odan LEGO konstrýktory qaǵıdaty boıynsha turǵyn úıler nemese áleýmettik ınfraqurylym nysandary salynady. Ázirge zaýyttyń birinshi kezegi engizildi. Onyń óndiristik qýaty – 200 myń sharshy metr. 2 jáne 3-kezek engizilgennen keıin qýat 1000 sharshy metrge deıin artady.
Indýstrııalyq modýldik úı qurylysynyń joǵary ekologııalyq taza bolýyna keramzıtbetonnyń qoldanylýy jáne shańdy jumystardyń zaýyt sehynda júrgizilýi septesip otyr. Jylý jáne shý oqshaýlaý qasıetteriniń sapalyq kórsetkishterine qos qabyrǵalar, edender men tóbeler esebinen qol jetkiziledi. Aıta ketetin jaıt, bul tehnologııa Germanııada az qabatty qurylys úshin jáne Sıngapýrde 30-40 qabatty turǵyn úı men kommersııalyq ǵımarattar úshin belsendi qoldanylady.
Sonymen qatar mundaı zaýytty Almatyda da salý josparlanyp otyr. «Almaty – elimizdiń iri qalasy. Modýldik tehnologııa osy óńirde zamanaýı jáne qoljetimdi turǵyn úı salýdy jańa deńgeıge kóteretinine senimdimiz. Qazir biz birqatar tájirıbelik zertteýler júrgizip jatyrmyz», deıdi Modex damý jónindegi dırektory Azat Ádilhan.
Sondaı-aq, bıyl álemdi jaılaǵan pandemııaǵa baılanysty barlyq qıyndyqtarǵa qaramastan, beton jáne gazoblok óndiretin «Barakat Invest» zaýyty sement jáne gıps negizinde qurǵaq qurylys qospalaryn óndirý sehyn ashty. Endi zaýytta gıpstyq sylaq, quımaly eden, gazoblok pen kafelge arnalǵan jelim shyǵarylady. О́ndiriste jergilikti, qazaqstandyq shıkizat paıdalanylady. Mysaly, Qabanbaı batyr aýylynan qum, Volgodonovka men Arshaly aýyldarynan qıyrshyq tas jetkizilmek. О́ndiristi keńeıtý arqyly qosymsha 10 jumys orny ashyldy. Jaqyn arada 2-shi jelini iske qosý josparlanyp otyr.
Budan bólek, polıetılen, polıpropılen qubyrlaryn, sondaı-aq penopolıýretandy oqshaýlaýda metall jylý oqshaýlaǵysh qubyrlaryn shyǵaratyn Kerim Plastic Pipes zaýyty ashyldy. Al Central Beton Company jańa kásipornynda táýligine 3 myń tekshe metr beton óndiriledi. Sondaı-aq, kompanııanyń temirjol tuıyǵynda qoımasy bar, onda bir mezgilde 3 myń tonnaǵa deıin sement saqtaýǵa bolady. Kásiporyn ónimi Nur-Sultan qalasynda jáne Aqmola oblysynyń aýmaǵynda taratylady.
«Bolashaq 2019» JShS-de medısınalyq betperdeler óndirisi iske qosyldy. Kásiporyn daıyn ónimmen elorda halqyn qamtamasyz etedi jáne elimizdiń barlyq óńirlerine jetkizedi.
