Pavlodar polıseıleri jedel-izdestirý is-sharalary barysynda Pavlodar jáne Qaraǵandy oblystarynyń aýmaǵynda qymbat avtokólikterdi urlady degen kúdikpen qylmystyq topty anyqtap, ustady.
– Qaraǵandy oblysynyń úsh turǵynynan quralǵan qylmystyq top aldyn ala avtokólikti tańdap alyp, baǵytty josparlaǵan, negizinen túngi ýaqytta áreket etken. Urlanǵan avtokólikter agregattyq derekterdi ózgertý (VIN-kodtaryn ózgertý) arqyly satylǵan, al bir bóligi avtokólikterdi bólshekteý arqyly satylǵan. Pavlodarlyq jedel ýákilder buryn urlanǵan jeti kólikti tapty, olardyń ishinde “Toyota Avensis”, “Toyota Land Cruiser Prado 120” markaly avtokólikter bar, – dedi Pavlodar oblysy Polısııa departamentiniń bastyǵy Nurlan Másimov.
Qazirgi ýaqytta ustalǵandarǵa 10 fakt boıynsha aıyp taǵyldy. Qazaqstan Respýblıkasy QK-niń 188-baby (Urlyq) boıynsha sotqa deıingi tergeý júrgizilýde. Barlyq kúdiktiler qamaýǵa alyndy.
Budan basqa, kúdiktilerge uıymdasqan qylmystyq top nemese qylmystyq uıym qurǵany jáne oǵan qatysqany úshin Qazaqstan Respýblıkasy QK-niń 262-babynyń 1,2-bólikteri boıynsha da aıyp taǵylady.
