О́tken senbide Premer-Mınıstr Serik Ahmetov Memleket basshysynyń ústimizdegi jyldyń 20 jeltoqsanyndaǵy Indýstrııalandyrý kúnin ótkizý barysynda bergen tapsyrmalaryn júzege asyrý máselesi boıynsha keńes ótkizdi. Keńeske ortalyq atqarý organdary men ulttyq kompanııalardyń basshylary, salalyq assosıasııalardyń jetekshileri qatysty.
О́tken senbide Premer-Mınıstr Serik Ahmetov Memleket basshysynyń ústimizdegi jyldyń 20 jeltoqsanyndaǵy Indýstrııalandyrý kúnin ótkizý barysynda bergen tapsyrmalaryn júzege asyrý máselesi boıynsha keńes ótkizdi. Keńeske ortalyq atqarý organdary men ulttyq kompanııalardyń basshylary, salalyq assosıasııalardyń jetekshileri qatysty.
Indýstrııalandyrý, shaǵyn jáne orta bıznesti damytý máseleleri boıynsha Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev, О́ńirlik damý vıse-mınıstri Serik Jumanǵarın, «Atameken odaǵy» Qazaqstannyń ulttyq ekonomıkalyq palatasynyń» basqarma tóraǵasy Abylaı Myrzahmetov baıandamalar jasady.
Prezıdent tapsyrmalaryn júzege asyrý máselelerine qatysty Serik Ahmetov mınıstrlikter men vedomstvolar qyzmetiniń basym baǵyttaryn atap kórsetti.
«2014 jyldyń birinshi jarty jyldyǵynyń sońyna deıin biz ındýstrııalandyrýdyń ekinshi besjyldyq baǵdarlamasyn ázirlep, oǵan munaı-gaz ónerkásibi, taý-ken, metallýrgııa, agroónerkásip sekildi ekonomıkanyń bazalyq salalaryn keshendi damytý josparyn ushtastyrýymyz qajet», degen Premer-Mınıstr osyǵan baılanysty elimizdiń ónerkásiptik damýy jónindegi komıssııa qurýdy jedeldetýdi tapsyrdy.
«Onyń ústine ındýstrııalandyrýdyń ekinshi besjyldyq baǵdarlamasyn ázirleý kezinde bizdiń ónerkásiptik saıasatymyzdyń ıkemdi bolýyn, ol álemdik aǵymdardyń ózgeristerine jedel beıimdelýge qabiletti bolyp shyǵýyn eskerýimiz kerek», dedi Serik Ahmetov.
Munymen qosa, Úkimet basshysy barlyq múddeli memlekettik organdarǵa shaǵyn jáne orta bıznestiń damýyna kedergi keltirip otyrǵan normalardy anyqtap, olardyń kúshin joıý baǵytynda qoldanystaǵy zańdylyqtarǵa tekserý júrgizýdi tapsyrdy. Jekemenshik ınstıtýtyn odan ári nyǵaıtý, óz isin jańa bastaǵan kásipkerlerge qyzmetteriniń perspektıvalyq baǵyttaryn aıqyndaý úshin qoldaý kórsetý máselelerine qatysty strategııalyq ádis-tásilderdi aıqyndaıtyndaı usynystardy ázirleý qajettigin de basa kórsetti.
«Bıznesti qoldaýdyń ádis-tásilderi men tetikteri jónindegi aqparattardy árbir kásipkerge deıin jetkizýimiz qajet. Osy baǵytta isin jańa bastaǵan kásipkerlerge arnalǵan jolbasshylyq keńes berý anyqtamalyqtary halyq arasynda keńinen nasıhattalatyn bolsyn. Kásipkerlerge qyzmet kórsetetin ortalyqtardyń jumysyn osy máselelerde barynsha tıimdi etýimiz jáne paıdalanýymyz kerek», dedi Premer-Mınıstr.
Sonymen qatar, Úkimet basshysy kásipkerlik sýbektilerin negizsiz jáne jospardan tys tekserýlerdi toqtatý týraly barlyq mınıstrlikter men vedomstvolarǵa tapsyrmalar berdi.
Keńesti qorytyndylaı kele, Prezıdenttiń barlyq tapsyrmalary naqty jáne týra belgilengen merziminde oryndalýy qajettigin qatań eskertti.
Suńǵat ÁLIPBAI,
«Egemen Qazaqstan».
