Keshe Úkimettiń bıylǵy sońǵy selektorlyq otyrysy ótti. Onda osy jylǵy zań jobalary jumystarynyń Josparyn oryndaý qorytyndylary shyǵaryldy jáne Qazaqstan sý resýrstaryn basqarý boıynsha tásilderi maquldandy.
2013 jyl Úkimet úshin ońaıǵa soqpady deýge bolatyndaı. Atqarylar jumystyń az bolmaǵanymen qoımaı, Úkimetti syn toqpaǵynyń da aıamaı tópelegeni osy jyldyń enshisinde. Elbasy da Úkimetke qatań qarap, tapsyrmalaryn erekshe baqylaýda ustady. Úkimettik emes uıymdar men depýtattardyń ózi Úkimetti «únsiz» otyr dep aıyptap, jumysyna min taqty.
Keshe Úkimettiń bıylǵy sońǵy selektorlyq otyrysy ótti. Onda osy jylǵy zań jobalary jumystarynyń Josparyn oryndaý qorytyndylary shyǵaryldy jáne Qazaqstan sý resýrstaryn basqarý boıynsha tásilderi maquldandy.
2013 jyl Úkimet úshin ońaıǵa soqpady deýge bolatyndaı. Atqarylar jumystyń az bolmaǵanymen qoımaı, Úkimetti syn toqpaǵynyń da aıamaı tópelegeni osy jyldyń enshisinde. Elbasy da Úkimetke qatań qarap, tapsyrmalaryn erekshe baqylaýda ustady. Úkimettik emes uıymdar men depýtattardyń ózi Úkimetti «únsiz» otyr dep aıyptap, jumysyna min taqty. Tipti, Úkimet músheleriniń arasynda aýys-túıistiń de jıi oryn alǵany osy jyl shyǵar. Úkimet «birese qyzardy, birese bozardy, keıbir sát qýandy», áıteýir ne kerek, qarbalas, qyzý júrip, bul jyldyń da tarıh qoınaýyna qaraı jyljyp ketkenin baıqamaı qalyppyz.
О́ter jyldyń Úkimet úshin jeńil bolmaǵanyn keshe zań jobalary jumystarynyń Josparynyń atqarylýy barysy týraly baıandaǵan Ádilet mınıstri Berik Imashev ta rastady. Mınıstrdiń málimetinshe, jyl qortyndysy boıynsha, daıyndalǵan zań jobalarynyń jalpy sany – 81, bul kórsetkish ótken jyldardaǵydan 70 paıyzǵa joǵary eken. Sonymen qatar, mınıstr zań jobalary sany artyp qana qoımaǵanyn, zań jobalaý jumystary quramy mazmunynyń jaqsarǵanyn da atap ótti.
Mınıstr munymen qosa aǵymdaǵy jyly Memleket basshysynyń «Qazaqstan-2050» Strategııasynda aıtqan bastamalaryn júzege asyrý maqsatynda 19 zań jobalarynyń jasalǵanyn jetkizdi. Sondaı-aq, áleýmettik-ekonomıkalyq jańǵyrtý kýrsyn zańnamalyq qamtamasyz etýge memlekettik organdar daıyndaǵan 17 qujattyń 13-i baǵyttalǵan. B.Imashev depýtattyq korpýs 21 zań jobasyna bastama jasaǵanyn, ol ótken jyldardaǵydan 2 esege artyq kórsetkish ekenin de eskertip ótti. 2013 jyly Parlamentke Qylmystyq, Qylmystyq-prosessýaldyq, Qylmystyq-atqarý jáne ákimshilik quqyq buzýshylyqtar týraly sııaqty 4 kodeks engizilgen.
Úkimet basshysy Serik Ahmetov óz kezeginde zań shyǵarý qyzmetin úılestirý máselesine tıisti kóńil bólinbegenin jáne boljaý-taldaý jumystary deńgeıiniń tómendigin ataı otyryp, zań jobalaryn daıyndaý barysynda onyń sapasy men merzimin qatań saqtaý kerektigine toqtaldy. Osyǵan oraı, S.Ahmetov Ádilet mınıstrligine 2014 jylǵa arnalǵan Úkimettiń zań jobalary jumystarynyń josparyn merziminde jáne sapaly oryndaýdy qamtamasyz etýdi, sondaı-aq memlekettik organdardyń zań shyǵarý qyzmetin úılestirýdi kúsheıtýdi tapsyrdy. Al, mınıstrlikter men vedmostvolardyń birinshi basshylaryna kemshilikterdi joıýdy jeke baqylaýlaryna alýdy jáne Úkimettiń zań jobalary jumystary Josparyna sáıkes zań jobalaryn ýaqytynda engizýdi mindettedi.
Otyrysta sondaı-aq, Qazaqstannyń sý resýrstaryn basqarý Memlekettik baǵdarlamasynyń jobasy qaraldy. Sý resýrstaryn basqarýdyń negizgi tásilderi týraly Qorshaǵan ortany jáne sý resýrstaryn qorǵaý mınıstri Nurlan Qapparov baıandady. 2040 jylǵa qaraı sý resýrstaryna qoljetimdilik boljamy týraly habarlaǵan, mınıstr sý tapshylyǵyn kemitý, uzaq merzimdi jospardaǵy sý sharýashylyǵy ınfraqurylymyn basqarý boıynsha usynysyn ortaǵa saldy. Onyń ishinde atap aıtqanda, «jasyl» ylǵal saqtaǵysh tehnologııalar, sýarý júıesin, kommýnaldyq ınfraqurylymdardy jańǵyrtý, aýyz sýdy tazartý, sý kózderin tazalaý men qalpyna keltirý, tarıf júıesin qaıta qaraý, bilikti mamandar daıyndaý sııaqty tásilder bar.
«Aýyl sharýashylyǵynda sýarý júıesin jańǵyrtý esebinen sý shyǵynyn 66 paıyzdan 27 paıyzǵa deıin qysqartyp jylyna 11,2 mlrd. tekshe metr sý únemdeýge, al ónerkásipte shyǵyndy negizinen qaıtarmaly sýmen jabdyqtaý júıesin engizý esebinen 40 tan 19 paıyzǵa deıin qysqartyp, jylyna 900 mln. tekshe metr sý únemdeýge múmkindik beredi. TKSh sektory boıynsha ınfraqurylymdy jáne tazartý júıesin jańǵyrtý arqasynda ysyrapty 58 paıyzdan 19 paıyzǵa deıin azaıtyp, jylyna 300 mln. tekshe metr sý únemdeýge múmkindik týady», dedi N.Qapparov.
Qaralǵan máseleni qortyndylaǵan, Premer-Mınıstr Memleket basshysynyń tapsyrmasyna sáıkes sýmen jabdyqtaý jáne sý resýrstaryn basqarý boıynsha strategııalyq mańyzdy baǵdarlama jasalǵanyn atap kórsetti. S.Ahmetov «osy baǵdarlamany júzege asyrý sheńberinde Úkimet úshin, ákimder úshin, barlyq sharýashylyq júrgizýshi sýbektiler úshin, shaǵyn jáne orta bıznes úshin, jeke bastamalardy damytý, ınvestısııalar tartý úshin úlken múmkindikter ashylady» dep esepteıdi. Talqylaý nátıjesinde Sý resýrstaryn basqarý jónindegi memlekettik baǵdarlamanyń jobasy qabyldandy.
Úkimettiń sońǵy otyrysyn qortyndylaı kelip, Premer-Mınıstr aldaǵy mereke kúnderi halyq negizinen tutynatyn azyq-túlik ónimderi baǵasyna qatysty máselelerdi baqylaýda ustaý qajettigin óńir ákimderi men Úkimet músheleriniń qaperine saldy. S.Ahmetov oblys ákimderine barlyq qyzmetterdiń jumysyn, atap aıtqanda, áleýmettik nysandar, turǵyn úılerdi turaqty baqylaýǵa alyp, jylytý maýsymyn únemi qadaǵalaýdy tapsyrdy. Quqyq qorǵaý organdaryna, Ishki ister mınıstrligine qoǵamdyq qaýipsizdikti qamtamasyz etý júkteldi.
Úkimet otyrysynan keıin Aýyl sharýashylyǵy mınıstri Asyljan Mamytbekov óziniń orynbasary Músilim О́mirıaevtiń para alý kúdigine ilinýine baılanysty pikirin jýrnalıstermen bólisti. Esterińizge sala ketsek, aǵymdaǵy jylǵy 21 jeltoqsanda jedel-izdestirý sharalarynyń nátıjesinde Qarjy polısııasy agenttiginiń qyzmetkerleri memlekettik satyp alý konkýrstarynda jeńiske jetýge kómekteskeni úshin 100 myń AQSh dollary kóleminde para aldy degen kúdikpen Aýyl sharýashylyǵy vıse-mınıstri M.О́mirııaevti ustaǵan bolatyn. Mınıstr muny jańsaqtyq nemese qatelik dep sanaıdy.
«Árıne, bul men úshin tosyn jaıt boldy. Men ony demalys kúni ǵalamtordan veterınarlyq dári-dármekterdi memlekettik satyp alý baıqaýynda kómek kórsetý úshin para aldy degen kúdikpen ustalǵanyn estidim. Degenmen, men birinshiden, О́mirıaevtiń eshqashanda da veterınarııa máselesimen aınalyspaǵandyǵyn, eshqashan atalǵan memlekettik satyp alýlar boıynsha baıqaýdy ótkizgen Veterınarııa komıtetine jetekshilik jasamaǵandyǵyn atap ótkim keledi. Iаǵnı, bul onyń qyzmettik ókilettigine kirmeıdi. Ekinshiden, men О́mirıaevti baısaldy, adal, ustamdy adam retinde bilemin. Sondyqtan meniń oıymsha, bul qandaı da bir jańsaqtyq nemese qatelik», dedi A.Mamytbekov. Sonymen qatar mınıstr orynbasaryna qatysty máseleni tergeý amaldary anyqtaıtyndyǵyn basa aıtty. Ol jýrnalısterge bergen suhbatynda orynbasarynyń sybaılas jemqorlyq faktisi boıynsha kinási dáleldense, óz qyzmetimnen ketýge daıyn ekenin málimdedi.
Dınara BITIKOVA,
«Egemen Qazaqstan».
