Jazany oryndaıtyn mekemelerdiń mindetteriniń biri densaýlyq saqtaýdy qamtamasyz etý, bas bostandyǵy shektelgen azamattarǵa, sondaı-aq sot úkimi boıynsha bas bostandyǵynan aıyrý oryndarynda jazasyn ótep júrgen adamdarǵa medısınalyq kómek kórsetý bolyp tabylady.
Osylaısha, sottalǵandardyń densaýlyǵyn qorǵaý GM-172/10 mekemesi ákimshiligi qyzmetiniń mańyzdy mindetteriniń biri retinde anyqtalady.
Aqtaý qalalyq №2 emhanasy, kezekti ret, arnaıy kontıngentter arasynda medısınalyq profılaktıkalyq qaraý júrgizýge kómek kórsetti. Aǵymdaǵy jyldyń 01 aqpany men 25 aqpany aralyǵynda sottalǵandarǵa terapevt, hırýrg, nevrolog, okýlıst, otolarıngolog, stomatolog, dermatovenerolog, psıhıatr, ftızıatr jáne gınekolog sııaqty mamandardyń tekserilý múmkindigi usynyldy.
– Aǵymdaǵy jyly 260 adam tekserilip, №2 AQE bas dárigeri emdeý jumysy jónindegi orynbasarynyń m.a. Q.K.Asanova GM-172/10 mekemeniń medısınalyq bóliminiń jumysy, medısınalyq ujymnyń jumysqa qabilettiligi týraly oń pikir bildirdi, sondaı-aq eki jaq ta ıgi istegi jemisti yntymaqtastyqqa, óz kinásin túsingen jáne túzetý jolyna túsken deni saý adamdardyń bizdiń qoǵamymyzǵa oralýyna senim bildirdi.
Kóp jyldar boıy bizdiń mekememen tyǵyz baılanysta qyzmet etip kele jatqan Aqtaý qalalyq №2 emhanasynyń dárigerlerine alǵys aıtamyz, – deıdi GM-172/10 mekemesiniń medısınalyq bóliminiń bastyǵy, ádilet podpolkovnıgi Marına Grıgorevna Stesenko.
