Osy tusta memleket qol ushyn sozyp, áleýmetti qoldaý qadamyna bardy. Nátıjesinde Úkimet bıýdjet qarjysyna qashyqtan oqýǵa qajetti jabdyqtardy satyp alyp, muqtaj otbasylardyń oqý jasyndaǵy balalaryna paıdalanýǵa berdi. Dál osy baǵytta Almaty oblysyna 12,3 mlrd teńge qarjy bólingen eken. Bul qomaqty qarajattyń 4 mlrd teńgesi jergilikti bıýdjetten bólinse, 8,3 mlrd teńge qarjy respýblıkalyq qazynadan berilgen. Iаǵnı, jetisýlyq oqýshylardyń tolyqqandy bilim alýy úshin barlyq jaǵdaı jasalǵan. Muqtaj oqýshylarǵa 80 000 dana kompıýter satyp alynyp, ýaqytsha paıdalýǵa berilgen. Qazir 23,7 myń tehnıkalyq jabdyq oqýshlardyń qolynda júr. Bul iske erikti demeýshiler de jumylǵan.
- Oqýshylar men kolledj stýdentteriniń qashyqtan bilim alýyna barlyq jaǵdaı jasadyq. 80 myń kompıýter satyp alý úshin 12,3 mlrd teńge qarjy bólindi. Barlyǵy 23, 7 oqýshyǵa kompıýter ýaqytsha qoldanýǵa taratyldy. Al demeýshiler kómegimen 2110 tehnıka berildi, - deıdi bul jaıynda oblys ákimi Amandyq Batalov.
Jalpy búginde 426 myńnan astam jetisýlyq bala mektep qabyrǵasynda bilim alýda. Oqýmen qamtýdaǵy kedergilerdi joıý maqsatynda shalǵaı aýyldarda turatyn oqýshylardy mektepke tasymaldap, oqytý úshin 70 jańa avtobýs kóligi de alynǵan eken. Buǵan 1 mlrd teńge qarjy jumsalypty.
О́kinishke qaraı, óńirde bilim berýge bólingen qyrýar qarajatqa qol suqqan sheneýnikter de anyqtalǵan bolatyn. Jaqynda Jemqorlyqqa qarsy kúres qyzmeti Almaty oblystyq bilim basqarmasynyń basshysy Maıgúl Omarova men oblystyq bilim berý salasyndaǵy ǵylymı-tájirıbelik aqparattyq tehnologııalar ortalyǵynyń dırektory Arapbı Menlybaevty ustady. Sonymen qatar, bul iste Almaty oblystyq bilim basqarmasynyń kúrdeli jóndeý jáne memlekettik satyp alý bóliminiń mamany Baqyt Abdoldanovanyń esimi ataldy. Olar qashyqtan oqytýǵa qajetti 2 522 noýtbýkty memlekettik satyp alý kezinde qyfzmzmettik ókilettigin paıdalanyp, jeke paıda kórýdý kózdegeni úshin aıyptalýda. Sybaılasqan top ymyralasý arqyly birneshe jeke kásipkermen kelisim jasap, jalpy somasy 406 mln teńge bıýdjet qarjysyn ıgergen. Bul qyzmeti úshin laýazymdy tulǵa 37 650 000 teńge para alý kezinde tutylǵan bolatyn.
