Jıyndy ýnıversıtet rektory Erlan Sydyqov júrgizdi. Prezıdent Ákimshiligi Basshysynyń birinshi orynbasary Dáýren Abaev konferensııany Prezıdent Qasym-Jomart Toqaevtyń quttyqtaý hatymen ashty. «Álıhan Bókeıhan – tól tarıhymyzda óshpes iz qaldyrǵan birtýar tulǵa. Ol HH ǵasyrdyń basynda «Alash» ult-azattyq qozǵalysynyń kóshin bastap, derbes el bolýdyń alǵysharttary men negizderin aıqyndady. Halqynyń bostandyǵy úshin búkil ǵumyryn sarp etti. Tarıhı tulǵanyń mereıtoıy Qazaqstan Táýelsizdiginiń 30 jyldyǵymen tuspa-tus kelip otyr. Munyń sımvoldyq máni bar. Shyn máninde búgingi egemendigimiz – Álıhan bastaǵan ult zııalylarynyń oryndalǵan armany» delingen Prezıdenttiń quttyqtaý hatynda.
Konferensııaǵa qatysqan Bilim jáne ǵylym mınıstri Ashat Aımaǵambetov Álıhan Bókeıhannyń bilim jáne ǵylym salasyna qatysty eńbekteri men mazmundy oılary mereıtoı aıasynda jınaqtalyp, aýqymdy isterge ózek bolatynyn jetkizdi. Iаǵnı bıyl jáne kelesi jyldary orta mektepter men kolledjderde, joǵary oqý oryndarynda tıisti is-sharalar ótkizilip, Alash murasyna qatysty ǵylymı-zertteýler qolǵa alynbaq.
Kelesi sóz kezegi tıgen Parlament Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhamed Álıhan Bókeıhannyń qazaq halqynyń óz erkimen, óz qolymen qurǵan ulttyq úkimetiniń Úkimet basshysy, jıyrmasynshy ǵasyr basyndaǵy qazaq saıası qaıratkerleriniń kóshbasshysy bolǵanyn atap ótip, onyń maqsaty qazaq halqyn eýropalyq deńgeıde damyǵan memleketterdiń qataryna qosý bolǵanyn aıtty. «Ol Alash avtonomııasy atty jańa memlekettik qurylymdy jarııalady. Saıası jumysyn qamtamasyz etý úshin jańa tıptegi «Alash» partııasyn quryp, ony úlken saıası uıymǵa aınaldyrdy. Onyń ekonomıka, saıasat, tarıh, geografııa, ádebıet, folklor salasyndaǵy eńbekteri qazaq oqyrmandarynyń ıgiligine aınaldy», degen M.Qul-Muhamed Álıhan Bókeıhan eńbekterin shırek ǵasyr buryn ǵalymdar Músilim Bazarbaev pen Sultanhan Júsiptiń tuńǵysh ret jaryqqa shyǵarǵanyn, odan beride alashtanýshy ǵalym S.Júsiptiń qurastyrýymen kórnekti tulǵanyń 15 tomdyǵy ázirlengenin, bul eńbekterdiń álıhantanýshylar úshin irgeli negiz bolatynyn baıandady.
Konferensııa barysynda Parlament Senatynyń depýtaty Altynbek Nuhuly, «Aq jol» QDP tóraǵasy Azat Perýashev, Parlament Májilisiniń depýtattary Berik Ábdiǵalı, Qazybek Isa, Berik Dúısembaevtar quttyqtaý sóz sóıledi. Al EUÝ «Alash» ǴZI dırektory S.Júsip, Qajy Baıram Velı ýnıversıtetiniń professorlary Gúljanat Qurmanǵalıeva-Erdjılasýn men Hýlııa Kasapogly Chengel, Mımar Sınan kórkem óner ýnıversıtetiniń professory Ábdiýaqap Qara, Sh.Ýálıhanov atyndaǵy Tarıh jáne etnologııa ınstıtýtynyń dırektory Zııabek Qabyldınov, L.N.Gýmılev atyndaǵy Eýrazııa ulttyq ýnıversıtetiniń prorektory Dıhan Qamzabekuly syndy Alash taqyrybyn tereń biletin otandyq jáne sheteldik tanymal ǵalymdar arnaıy baıandamalar jasady.
