Izraıl tarapy Hamas kóshbasshysy Muhammed Dıefti birneshe ret óltirmek bolǵanyn moıyndady. Úkimet basshysy Bınıamın Netanıahý «Biz toqtap qalmadyq. Operasııanyń nysanyn baqylaýda ustap otyrmyz», dedi. Al Hamas basshysy bolsa, qarsy taraptyń shabýyly joıqyn ári jıi ekenin habarlady. Biraq palestınalyqtardyń talaby oryndalý kerek degen shartynan bas tartpady.
Sońǵy derekke nazar salsaq, Gazadaǵy qaqtyǵys 219 adamnyń ómirin qıǵan. Onyń 100-i – áıelder men balalar. Izraıl qaıtys bolǵandardyń 150-i áskerıler degen habar aıtty. Al Hamas bolsa, adam qazasyna qatysty aqparat bermedi. Aımaqta jalpy sany 3 750 zymyran qulaǵan.
Izraıl qorǵanys áskeri basshysy Brıg Hıdaı Hamas basshysyn birneshe ret nysanaǵa alǵanyn málimdedi. Degenmen, onyń únemi tasada júretini jáne ol týraly aqparattyń azdyǵy osy kúnge deıin birneshe operasııadan aman shyǵýyna sep bolǵan desedi.
Izraıl qorǵanys áskeri Hamastyń 12 myńǵa jýyq zymyrany bar degen boljam aıtady. Alaıda sarapshylar bul shıelenis Hamasty birneshe jylǵa artqa tastaǵandaı áser berdi desedi.
«Qandaı jaǵdaı bolsyn aldaǵy kúnderi Hamas shıeleniste jeńiske jetkenin habarlamaq. Bul ne bolsa da barlyǵymyz úshin jaqsy bolmas», deıdi premer-mınıstr.
Eń aýyry – qaqtyǵysqa tek áskerıler emes, qarapaıym halyq ta qatysyp jatyr. Máselen, seısenbide myńdaǵan palestınalyq «qasıetti mekendi qorǵaımyz» degen uranmen kóshege shyqty. Olardyń arasynda kishkentaı balalar da bar.
