Uıym nesıeler boıynsha kepildik beredi. Nátıjesinde talapkerler men stýdentter negizgi qaryz somasyn tóleý merzimin 10 jylǵa deıin uzartyp, nesıe ala alady.
Baǵdarlama memlekettik bilim grantyn utyp almaǵan talapkerler men stýdentterdi qoldaýǵa arnalǵan.
Esterińizge sala keteıik, bıyl grant sany 5 myńǵa artyp, bakalavrıatqa – 56 myń, magıstratýraǵa – 13 myńnan astam jáne doktorantýraǵa túsý úshin 1800-den asty.
Memlekettik bilim grantyn utyp almaǵan talapkerler memleket kepildigimen nesıe rásimdeý arqyly oqý aqysyn tóleı alady. Bilim alý úshin qarajatty qazaqstandyq joǵary oqý oryndarynyń kez kelgenine jiberýge bolady.
«Bilim nesıesin alǵan stýdent oqýyn aıaqtaǵannan keıin 6 aıdan soń negizgi qaryz somasyn óteı bastaıdy. Nesıe somasy shektelmegen, eń bastysy, ol oqý qunynan aspaýy tıis. Sondaı-aq túlek aıyppul sanksııasynsyz qaryzdy merziminen buryn tóleı alady», dep habarlady Bilim jáne ǵylym mınıstrligi.
Nesıeni ekinshi deńgeıli bankter arqyly rásimdeýge bolady. Talapker bilim nesıesin alý úshin seriktes qaryz alýshyny usynýy qajet.
Ol bankke jumys ornynan sońǵy 6 aıdaǵy kirisi men zeınetaqy aýdarymy týraly anyqtama tapsyrýy tıis. Sonymen qatar seriktes bankterdiń árqaısysy qaryz alýshyǵa qoıylatyn talaptar men oqý aqysyn tóleýge nesıe berý sharttary kórsetilgen jeke baǵdarlama ázirlegen.
Banktiń oń sheshiminen keıin bank qaryz shartyn jasap, kredıt somasy oqý ornynyń shotyna aýdarylady.
