Oblystyq polısııanyń málimetinshe, oqıǵa 20 qazanda oryn alǵan.
«Taraz polısııasyna Abaı dańǵylyndaǵy medısınalyq klınıkanyń janynda kámeletke tolmaǵan balaǵa dene jaraqatyn salǵan belgisiz er adamǵa qatysty aryz tústi. Atalǵan fakti boıynsha QR QK 293-baby 1-bóligi boıynsha sotqa deıingi tergeý bastaldy», dep naqtylady PD.
Polısııa qyzmetkerleri Jambyl aýdanynyń turǵynyn anyqtap, polısııaǵa jetkizdi.
«Tergeý barysynda kúdiktiniń psıhıkalyq aýrýǵa shaldyqqany anyqtaldy. Ol 2018 jyldan bastap oblystyq psıhıatrııalyq aýrýhanada esepte tur. Ekinshi toptaǵy múgedek. Kámeletke tolmaǵan balaǵa qatysty sot-medısınalyq saraptama taǵaıyndaldy», dep atap ótti baspasóz qyzmeti.
Kúdikti sot-psıhıatrııalyq saraptama taǵaıyndaý úshin psıhıatrııalyq aýrýhanaǵa jatqyzyldy.
