Ýaqyt talaby turǵysynda

Jetisý jerinde ýaqyt talabyna saı jańasha jumys isteý birtindep qarqyn alýda. Elbasynyń baǵyt-baǵdaryn uǵynyp qana qoımaı naqty ómirde júzege asyrýda batyl qadamdar ár salada órken jaıýda. «Sheteldik jáne otandyq ınves­tısııa tartyp, ózimizde óndirister ashýǵa daıyn ınvestorlardy qoldaýdamyz», dep bastalǵan oblys ákimi Ańsar Musahanovtyń esepti baıandamasy odan ári bylaı jalǵasty. О́nerkásip óniminiń kólemin 3 paıyzǵa ósirý, óńirlik ındýstrııalandyrý kartasy aıasynda iske qosylǵan nysandardyń tolyq qýattylyǵyn arttyrady. «Jumyspen qamtýdyń jol kartasy-2020» baǵdarlamasy aıasynda, «QazAgro», «Damý» AQ-tar usynǵan jeńildikterdi paıdalana otyryp, kásipkerlikpen aınalysatyn azamattar suranystaryna oraı nesıe berilýde. Elbasy tapsyrmasyna sáıkes 2016 jylǵa qaraı 10 myń tonna et eksportyn qamtamasyz etý úshin asyl tuqymdy mal basynyń úles salmaǵyn arttyryp, mal bordaqylaý alańdaryn qurý jumysyn jandandyrýdamyz. «Agrobıznes -2020» baǵdarlamasynyń tetikterin qoldaný arqyly mal jaıylymdaryn sýlandyrý úshin qudyqtar qalpyna keltirilýde. Bilim salasynyń bıýdjeti 2013 jyly 89,3 mlrd. teńgege ósti. О́tken jyly barlyǵy 47 nysan salynyp, qaıta jańartyldy jáne seısmıkalyq kúsheıtýden ótti, onyń 28-i paıdalanýǵa berildi, sonyń ishinde 4120 orynǵa arnalǵan 18 mektep, 1570 oryndyq 8 balabaqsha bar. 53 bilim berý nysany kúrdeli jóndeýden ótti. Oblystyń densaýlyq saqtaý salasynyń bıýdjeti 60,8 mlrd. teńgege jetip esepti kezeńde eki esege artty. Dárigerlermen qamtamasyz etý deńgeıi 10 myń turǵynǵa shaqqanda –24,1, orta medısınalyq qyzmetkerler – 63,6. О́tken jyly 11 dárigerlik ambýlatorııa, 2 aýrýhana jáne 4 basqa da densaýlyq saqtaý nysandary salynyp, 21 nysanǵa kúrdeli jóndeý jumystary júr­gizildi. Nátıjesinde, oblystyń medı­sınalyq mekemeleriniń sanı­tarlyq avtokólikpen qamty­lýy orta eseppen 97, medısı­nalyq qural-jabdyqpen jáne medısınaǵa arnalǵan buıym­dar­men jabdyqtalý deńgeıi 76 paıyzdy qurady. Mádenıet jáne muraǵattar salasynyń bıýdjeti 5,5 mlrd. teńgeni qurap, 21 mádenıet nysany kúrdeli jóndeýden ótti. Jalpy, 21 týrıstik ınfraqurylymyn salý úshin 1,7 mlrd. teńge jeke ınvestısııa tartyldy. «О́ńirlerdi damytý» baǵdarlamasy aıasynda 28 mektep janyndaǵy sport alańdary jasalyp, oǵan jattyqtyrýshylar bólindi. Eki ıakorlyq joba: «Elek­trolızdik metaldy marganes óndirý», «Innovasııalyq tehnologııa boıynsha temir kenin shyǵarý jáne óńdeý arqyly shoıyn alý» júzege asyrylýda. Qosalqy jáne qyzmet kórsetýshi 3 óndiristi ornalastyrý jumystary júrgizilýde. Kásipkerlikti jáne jańa óndiristerdi damytý úshin 7 jobaǵa grant bólingen, tórt joba sýbsıdııalandy. Bıylǵy jyly Tekeli qalasyn damytýdyń keshendik jos­pary aıasynda barlyǵy 13 joba júzege asyrylady. Memlekettik jastar saıasatyn júzege asyrý úshin 2013 jyly oblys bıýdjetinen 209 mln.teńge bólindi. «Dıplommen – aýylǵa» baǵdarlamasy aıasynda 377 jas mamanǵa turǵyn úı satyp alý úshin jalpy somasy 958 mln.teńgege jeńildetilgen nesıeler berilip, 695 maman kóterme járdemaqy aldy. Oblys aýmaǵynda azyq-túlik baǵasy men tarıfterdiń negizsiz ósýine jol bermeýge baǵyttalǵan jumystar jalǵastyrylady», dedi Ańsar Musahanov. Kelesi kezekte turǵyndar tarapynan jazbasha jáne aýyzsha suraqtar qoıylyp, oblys ákimi jaýap qaıtardy. Taldyqorǵan – Almaty qalalarynyń ortasynda jolaýshylar tasymaldaý úshin júrgizilgen tirkeme vagondar tıimdiligi, Almaty-Taldyqorǵan arasynda qurylysy 2016 jyly aıaqtalady dep josparlanǵan avtokólik joly, oblys ortalyǵynan talapqa saı keletin jańa teatr ǵımaratyn salý máselesi dep tizbelengen suraqtarmen qatar, alystaǵy eldi mekenderdegi apattyq jaǵdaıdaǵy mektepter jáne oqýshylardyń úsh aýysymmen oqıtyndyǵy sekildi ózekti máseleler de ótkir qoıyldy. Tutastaı alǵanda, Ańsar Musahanovtyń oblysta osyǵan deıin qordalanyp qalǵan problemalardy durys rettep júrgendigin el ashyq aıtyp, jumysyna qana­ǵattanarlyq, tipti jaqsy, óte jaqsy degen baǵalaryn da berdi. Nurbol ÁLDIBAEV, «Egemen Qazaqstan». Almaty oblysy.