Qazaqstan Respýblıkasy Úkimetiniń qaýlysy №176

 2014 jylǵy 4 naýryz,  Astana, Úkimet Úıi Reseı Federasııasynan munaı jáne munaı ónimderin jetkizýdiń keıbir máseleleri týraly 2010 jylǵy 9 jeltoqsandaǵy Qazaqstan Respýb­lıkasynyń Úkimeti men Reseı Federasııasynyń Úkimeti arasyndaǵy Qazaqstan Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimge sáıkes Qazaqstan Respýblıkasynyń Úkimeti qaýly etedi: 1. «QazMunaıGaz – qaıta óńdeý jáne marketıng» aksıonerlik qoǵamy Reseı Federasııasyna munaıdy qarsy jetkizý jónindegi operator-kompanııa bolyp belgilensin. 2. Qazaqstan Respýblıkasy Munaı jáne gaz mınıstrligi: 1) Qazaqstan Respýblıkasy Kólik jáne kommýnıkasııa mınıstrligimen birlesip munaı ónimderiniń 2014 jylǵa arnalǵan ındıkatıvtik teńgerimi negizinde munaı ónimderiniń kólemin, jetkizý merzim­derin belgileı otyryp, olardy jetkizý keste­lerin bekitsin; 2) «QazMunaıGaz» ulttyq kompanııasy» aksıo­nerlik qoǵamymen (kelisim boıynsha) birlesip, munaı ónimderin jetkizý kestelerine sáıkes munaı ónimderiniń 2014 jylǵa arnalǵan ındıkatıvtik teńgeriminde kózdelgen kólemde munaı ónimderin Reseı Federasııasynan Qazaqstan Respýblıkasyna ákelý boıynsha qajetti sharalardy qabyldasyn; 3) Qazaqstan Respýblıkasy Kólik jáne kommýnıkasııa mınıstrligimen, Qazaqstan Respýblıkasy Statıstıka agenttigimen jáne «Qazaqstan temir joly» ulttyq kompanııasy» aksıonerlik qoǵamymen (kelisim boıynsha) birlesip, munaı ónimderin jetkizý kestelerine sáıkes munaı ónimderin jetkizýge baqylaý men monıtorıng jasaýdy qamtamasyz etsin; 4) osy qaýlydan týyndaıtyn ózge de sharalardy qabyldasyn. 3. Osy qaýly alǵashqy resmı jarııalanǵan kúninen bastap qol­danysqa engiziledi jáne 2015 jylǵy 1 qańtarǵa deıin qoldanylady. Qazaqstan Respýblıkasynyń Premer-Mınıstri S.AHMETOV.