Aımaqtar • 28 Sáýir, 2022

Investısııa ıgiligin kórý úshin tıimdi jobalar kerek

22 ret kórsetildi

Qarapaıym halyqtyń jaǵdaıyn kóterip, tabysyn arttyrý búginniń talaby. Osy oraıda, memleket tarapynan tıisti qoldaýlar da kórsetilýde. Al ony tıimdi paıdalaný kópshilikke de kóp kómek bolatyny sózsiz. Búginde Jambyl oblysynda turǵyndardyń tabysyn arttyrý boıynsha birqatar jumys atqarylýda. Halyqtyń tabysyn arttyrý úshin aýyl sharýashylyǵy salasyndaǵy jobalarmen qatar, ınvestısııa tartýdyń da mańyzy zor bolyp tur.

О́ńirde aýyl sharýashylyǵy salasyna arnalǵan qanatqaqty joba nátıjesinde 589 jańa jumys orny ashylǵan. Al jumyssyzdar sany 194 adamǵa, ataýly áleýmettik kómek alýshy otbasylar sany 1 058-ge qysqarǵan. Sonymen qatar qaty­sýshylardyń ortasha aı­lyq tabysy 44 myń teńgeden 73 myń teńgege deıin ósken. Jobanyń bes baǵyty boıynsha jumys jalǵasady. Taǵy bir aıta keterligi, atalǵan joba aıasynda qaıtarylatyn nesıe qarajaty esebinen taǵy 3 aýyldyq okrýg­­tiń turǵyndaryna nesıe berý jumystary júrgizilýde. Premer-Mınıstrdiń orynbasary Eraly Toǵjanov ta jýyrda Jambyl oblysyndaǵy aýyl turǵyn­darynyń tabysyn arttyrý boıynsha júrgizilip jat­qan jumystardy joǵary baǵalap, óńir tájirıbesi ózgelerge úlgi bolýy kerektigin aıtqan.

Jalpy, bul oraıda Jambyl óńirine júktelgen jaýapkershilik úlken. Aýyl turǵyndarynyń tabysyn arttyrýǵa salynǵan árbir qarajat – ınvestısııa. Eldegi qarapaıym kópshilik ózin-ózi jumyspen qamtyp otyrsa, mol ónim túsip tursa, aımaqtaǵy ekonomıkalyq jaǵdaı da jaman bolmas edi. Bul rette «Taraz» áleýmettik-kásipkerlik korporasııasyna úlken mindetter júktelip otyr. Munda da ınvestısııalyq jobalarǵa basymdyq berý basty maqsat. Jambyl oblysynyń ákimi Nurjan Nurjigitov atalǵan mekeme basshysyna shetelden ınvestor tartýdy nátıjeli júzege asyrý úshin mamandardyń biliktiligine jiti mán bergen durys ekenin aıtqan. Sondaı-aq, birneshe tildi meńgergen ári isine tııanaqty maman­darmen jumys isteý kerek­tigin, pılottyq joba aıasynda mal sharýashylyǵyn bastaǵan kásipkerlerdiń qatary kóbeıip otyrǵanyn, sút tapshylyǵy týyn­daǵan óńirdegi óńdeý zaýyttaryna jaqyn aýdandardan sút jetkizý máselelerin de qarastyrý qa­jettigin, eń bastysy, Úkimet tara­pynan berilgen múmkindikti ba­rynsha paıdalaný kerektigin tapsyrǵan edi. Búginde bul másele óńir úshin ózekti bolyp tur. Bul rette «Taraz» ÁKK» AQ dırektorlar keńesiniń múshesi Dáýlet Ábilqaıyrovtyń aıtýynsha, korporasııany damytýdyń 2022-2026 jyldarǵa arnalǵan jumys strategııasy bekitilgen. Ol negizgi alty baǵyttan turady. Sonyń negizgisi – óńirde ınvestısııalyq jobalardy tıimdi júzege asyrý. Búginde aımaqta ınvestısııalyq jobaǵa basymdyq berý máselesi qoldaý taýyp otyr. Al «Jambyl oblysy turǵyndarynyń turmystyq tabysyn arttyrý» pılottyq jo­ba­synyń tıimdiligi mol ekeni eskerilip, aldaǵy ýaqytta atal­ǵan joba óz jalǵasyn tabady. Sondaı-aq, atalǵan joba aıasynda qurylǵan óńirdegi 14 kooperatıvke agronom mamandaryn tartý máselesi de kóterilýde. Ol úshin birinshi kezekte tıimdi jobalar qajet. Obly­­s ákimi de jaqsy jobalar bolsa, qarajat bólý máselesiniń oń sheshimin tabatynyn málimdedi. Tek ınvestısııa ıgiligin kórý úshin júıeli jobalar kerek.

Búginge deıin Jambyl oblysyna talaı ınvestısııa tartyldy. Qazir de jalǵasyn tabýda. Máselen, óńirge «Great Production LTD» (Goknur Gida) túrik kompanııasy ınvestısııa tartýǵa nıetti. Oǵan oblys basshylyǵy da qoldaý kórsetýde. Aldaǵy ýaqytta óńir aýmaǵynda údemeli baý-baqsha sha­rýashylyǵyn damytý jáne je­mis-jıdek ónimderin qaıta óńdeý jónindegi joba iske asyrylady dep josparlanýda. Joba aıasyn­da 1 100 gektar baqsha salý men qaıta óńdeý zaýytyn salý da josparlanǵan. Joba 2024 jylǵa deıin birneshe kezeńmen júzege asyrylady. In­vestorlar óńirde óndirilgen ónimdi ishki naryqqa jáne shetelge satýdy josparlaýda. Jobanyń quny 98,4 mln dollardy quraıdy. Bul boıynsha 1 myń jumys orny ashylady. Kompanııa basshylyǵy jumysqa jergilikti turǵyndar tartylatynyn aıtty. Mundaı jobalar da óńirdiń damyp, áleýe­tiniń artýyna oń áser etedi.

 

Jambyl oblysy

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar