Birlesken jumys jaǵdaıy talqylandy

Keshe Premer-Mınıstr Kárim Másimov Qazaqstannyń Eýropalyq bıznes assosıasııasy dırektorlar keńesiniń múshesi jáne Eýropalyq odaqtyń Qazaqstandaǵy ókildiginiń basshysy Aýrelııa Býshezben kezdesti. Kezdesý Qazaqstan Respýblıkasynyń ınvestısııalyq ahýalyn jaqsartý jónindegi múmkin degen sharalardy talqylaýǵa arnaldy. Assosıasııa ókilderi Premer-Mınıstrmen ınnovasııalyq, joǵary tehnologııalyq jáne strategııalyq jobalardy júzege asyrýda ınves­torlar jolyǵatyn problemalardy,  vızalyq jáne kóshi-qon máselelerin, eńbek zańnamasy men sheteldik jumys kúshin tartý máselelerin, ekonomıkany  ártaraptandyrý  jáne kásipkerlik qyzmetti memlekettik retteý máselelerin tal­qylady. Kezdesý barysynda Úkimet pen Qazaq­stannyń Eýropalyq bıznes assosıasııasy arasyndaǵy odan arǵy is-qımyldar jospary kelisildi. Nátıjesinde ákimshilik kedergilerdi joıý jóninen zańnamalardy odan ári jetildirý jáne naqty usynystar qalyptastyrý úshin múddeli taraptardy keńinen shaqyra otyryp, birlesken dóńgelek ústelder ótkizý jáne jumys toptaryn qurý jóninde ýaǵdalastyqqa qol jetkizildi.