Aımaqtar • 09 Tamyz, 2022

Oblys ortalyǵynda jaryqsyz otyr

39 ret kórsetildi

Shalǵaıdaǵy aýylda emes, oblys ortalyǵy sanalatyn Taraz qalasynda jaǵdaı ýshyǵyp tur. Ybyraıym Súleımenov kóshesiniń aıaq tusyndaǵy tórt júzge tarta turǵyn qaı ǵasyrda ǵumyr keship jatqanyn kim bilsin? Jıyrma birinshi ǵasyrdan qalyp qoıǵany anyq... Áıteýir, jelsiz túnnen jaryq aı izdep júrgenderine jyldardyń júzi bolǵan. Jergilikti atqarýshy bıliktiń dármensizdiginen jalyqqan jurt: «Máselemiz sheshilmese, aldaǵy kúnderi joldy jabatyn bolamyz» deıdi...

Rasynda da, shalǵaıdaǵy eldi meken bolsa meıli deısiń ǵoı. Oblys ortalyǵyndaǵy kóshe turǵyndarynyń jyldar boıy elektr qýatyna qol jet­kize almaı otyrǵany tań­dan­dyrmaı qoımaıtyny ras. Búginde kóne shahar jańasha keıipke enip keledi. Eli­mizdegi eń úlken shaǵyn aýdandardyń biri dál osy Taraz qalasynda boı kóterip jatyr. О́ńir bıli­gi aldymen áleýmettik máse­leler sheshimin tabatynyn aıtýdaı-aq aıtyp júr. Alaıda aıda­ladaǵy aýyldy bylaı qoı­ǵanda, qaladaǵy orta­lyq kó­she­lerdiń birinde jaryq­syz qalǵan jurttyń bar ekenin eskersek, aýyldardyń másele­si­ne ázirge alystan zer salatyn sııaqtymyz...

«Elektr qýatyn túrlendi­re­tin qozǵaltqysh arqyly kún kórip otyrmyz. Osymen uıaly telefondy qýattandyramyz, basqa da qajettilikterimizge paı­dalanamyz. Qashanǵy osylaı jalǵasa bermek. О́zekti másele ońynan sheshimin tabatyn kez kelip jetti ǵoı», deıdi kóshe turǵyndary máseleniń ózek­tiligin meńzep.

Derekterge súıensek, jergi­lik­ti bılik halyqtyń baıba­lamyna baılam jasaý úshin ótken jyly qazynadan 223 mln teńge qarajat bólgen eken. Alaıda qarapaıym halyq atqa­rylǵan jumystyń naqty nátı­je­sin kórmegen. Qysqasy, bú­gingi tańda jergilikti jurt­shy­lyq mańaıdaǵy eldi meken­der­ge toq surap, jalynyp júr. Halyq jaǵdaıdyń osylaı bol­ǵanyna qapaly. Qashanǵy bulaı jalǵasa beretini belgisiz. О́ıtkeni másele jýyq arada sheshimin tabatynǵa uqsamaıdy.

«Jalynǵan saıyn jurt ta tanaýyn kókke kótere beredi emes pe? Keıde aspandaǵy ba­ǵa­ny aıtyp, aspandap jatatyny bar. Birde aıyna 20-30 myń tóleýge májbúr bolsaq, al jylytý maýsymy bastal­ǵan ýaqytta shyǵynymyz 60 myńǵa jetip jyǵylady», deıdi shahardaǵy Súleımenov kóshe­si­niń turǵyny Juldyzbek Temirbaev jaǵdaıdy túsin­dirip.

Kóshege elektr baǵany orna­tyl­­ǵanymen, tıisti jumys­­tardyń óz deńgeıinde atqaryl­maýyna baılanysty sym tar­tylmaǵan. Saldarynan qara­paıym turǵyndar elektr qýa­tyn tek túsinde kórýge máj­búr bolyp otyr. Jergilikti bılik osy máselege nazar aýdar­ma­ıynsha, kóshe turǵyndary talap qoıýyn jalǵastyra bermek.

«Bul máseleni oblys ákimi bilýi kerek qoı. Olaı bolmaǵan jaǵdaıda biz bir apta ǵana kútemiz. Talabymyz orynda­lyp, oń nátıje shyqpasa, Talas, Sarysý sekildi qalaǵa úsh aýdan­nan kólik qatynaıtyn kúre joldy jabýǵa májbúr bolamyz. Bálkim, sonda ǵana biz kútken nátıje shyǵatyn shyǵar. Sondaı qadamǵa barmasaq bolmaıtyn sekildi», deıdi kóshe turǵyny Ádilhan Ordabekov ashynyp.

Jabyqqan jurttyń qamyq­qan kóńili jaqyn kúnderi kóterile qoımaıtyn syńaı­ly. Sharshaǵan shahar turǵyn­da­­rynyń muńyn tyńdaýǵa kel­gen Taraz qalasy ákimi oryn­­­ba­sarynyń áńgimesinen osy­ny túsindik. Onyń aıtýyn­sha, jaýapty merdiger kom­pa­nııa jumysty bastaýyn bas­taǵanymen, orta jolda tas­taǵan kórinedi.

«Elektr qýatyna arnalǵan jobanyń smetalyq quny 223 mln teńgege jeteqabyl. Ja­ýap­ty kompanııa 170 mln teń­ge­ni ıgerdi. Alaıda atqa­ryl­ǵan jumys sol qarajatqa saı oryndalmaǵan. Endi sot­tyń sheshimi bolmaıynsha, biz eshteńe isteı almaımyz. Qys­qasy, qolymyz baılanyp tur», deıdi Taraz qalasy áki­mi­niń orynbasary Nurbol Qaldybaev máseleniń mánisine úńilip.

Shahar basshysy oryn­basa­rynyń sózinen baıqaǵanymyz, qazirgi tańda jaýapty merdi­ger kompanııa ókilderi isti bolyp jatqan kórinedi. Soǵan qaraǵanda kósheni jaryq­tan­dy­rý jumystary tergeý amaldary aıaqtalǵannan keıin ǵana jalǵasyn tabýy yqtımal.

Baıqaýymyzsha, amaly taý­syl­ǵan turǵyndardyń talaby jaqyn arada oryndala qoı­maıtyn tárizdi. Alaıda ashýǵa býlyqqan halyq «sharýa­myz sheshilmeı toqtamaımyz» dep otyr. Árıne, jaýapty merdiger kompanııanyń jaýap­ker­shilikten jaltara almasy anyq. Alaıda jergilikti bılik atqarylmaǵan jumysqa ne­lik­ten artyǵymen aqsha aýdardy eken? Osyny túsine almaı-aq qoıdyq.

 

TARAZ

Sońǵy jańalyqtar

El birinshiligi bastaldy

Boks • Búgin, 07:42

Dýbaıda daıyndalady

Tennıs • Búgin, 07:40

«Barys» taǵy jeńildi

Hokkeı • Búgin, 07:39

Kishkentaı qutqarýshy

Qoǵam • Búgin, 07:38

Jasandy júrek te ómirdi uzartady

Medısına • Búgin, 07:37

Kardıologter engizgen tehnologııa

Medısına • Búgin, 07:35

Kásiptik oqytýdyń tıimdiligi

Qoǵam • Búgin, 07:33

Jylý qubyryndaǵy apat

Aımaqtar • Búgin, 07:32

Muz qursanǵan Ekibastuz

Aımaqtar • Keshe

Úmit sáýlesi

Saıasat • Keshe

Ult saýlyǵy – uly baılyq

Saıasat • Keshe

Sańlaqtyń sońǵy samǵaýy

Qazaqstan • Keshe

Kitap kókjıegi keńeıip keledi

Rýhanııat • Keshe

«Kúmbirle kúıim, elimde!»

Aımaqtar • Keshe

Uqsas jańalyqtar