Táýlik boıy úıge oralmaǵan turǵynnyń týystary 6 qarasha kúni Batys Qazaqstan oblysynyń Tótenshe jaǵdaılar departamentine júginedi.
Egde jastaǵy adamdy izdeýge «Qazavıaqutqarý» AQ tikushaǵy jumyldyrylǵan. Qazir jalpy aýdany 56 km2 orman jáne 25 km sý aýmaǵy zerttelipti. Dese de nátıje joq.
Sondaı-aq, qutqarý-izdestirý jumystaryna 6 qarashadan beri qutqarýshylar, polıseıler men eriktiler, jergilikti turǵyndar, ormanshylar jáne áskerı qyzmetkerler atsalysyp jatyr. Jalpy 325 adam jáne 41 birlik tehnıka jumyldyrylǵan.
Týystarynyń aıtýynsha, joǵalǵan adam este saqtaý qabiletinen aıyrylmaǵan, alkogol sýsyndaryna áýestigi joq. Sonymen qatar, joǵalǵan turǵyn ózimen uıaly telefon almaǵany da belgili boldy.
Qutqarýshylar joǵalǵan azamatqa qatysty qandaı da bir aqparat bolǵan jaǵdaıda «112» nemese 51-42-22 (BQO TJD kezekshi bólimi) nómirleri boıynsha habarlaýdy suraıdy.
