Batys Qazaqstan oblystyq saılaý komıssııasynyń tóraǵasy Ǵaısa Qapaqov 20 qarasha kúni tańǵy 7-den túski 12 saǵatqa deıin barlyq baǵyttaǵy avtobýstar jáne arnaıy daıyndalǵan «Invotaksı» qyzmetiniń 35 kóligi jolaýshylardy barar jerine tegin jetkizeip jatqanyn aıtady.
Sondaı-aq Oral qalasynda Yqsanov jáne Jáńgir han kóshelerinde aýyl sharýashylyǵy ónimderiniń kórmesi uıymdastyrylǵan.
О́ńir basshysy Ǵalı Esqalıev №450 saılaý ýchaskesinde alǵashqylardyń biri bolyp daýys berdi.
«Búgin bizdiń otbasynyń úsh býyny el bolashaǵy úshin daýys berip, óz tańdaýyn jasady. El úshin tańdaý jasaý qashan da mańyzdy. Sondyqtan barlyq jerlesterimdi saıası mádenıetin kórsetip, daýys berýge shaqyramyn», dedi oblys ákimi.
Jalpy Batys Qazaqstan oblysynda 447 myńnan asa saılaýshy tirkelgen. Oral qalasynyń ózinde 123 saılaý ýchaskesi bar. Barlyq saılaý ýchaskesi jumysyn óz ýaqytynda bastady, daýys berý qalypty júrýde.
Oblystyq kópbeıindi perınataldyq ortalyǵy saılaý kúni egiz sábı dúnıege kelgenin habarlady. Osyndaı aıtýly kúni shańyraǵyna qýanysh ala kelgen nárestelerdiń ata-anasy erekshe qýanyshty. Qazirgi tańda perınataldyq ortalyq ujymynyń dárigerleri náresteler men anasynyń densaýlyǵyn baqylaýda.
