Otyrys barysynda úzdiksiz jylý berýdi qamtamasyz etý jónindegi jedel jáne júıeli sharalar qarastyryldy.
Jıyn qorytyndysy boıynsha birneshe tapsyrma berildi.
Atap aıtqanda, úsh kún ishinde barlyq energııa nysany keshendi, sonyń ishinde tehnıkalyq jaǵdaıyna qaraı qaýiptilik turǵydan toptarǵa bólinýge tıis. Neǵurlym osal jylý elektr ortalyqtary men jylý jelileri boıynsha menshik ıeleri, ákimdikter men mınıstrlikter arasynda birinshi kezekte atqarylatyn is-áreket jospary daıyndalady. О́ńirlerde jylýmen jáne elektr qýatymen qamtamasyz etetin nysandardyń is júzinde daıyndyǵyn tekserý úshin jedel toptar qurylýy qajet.
Sonymen qatar Qarjy mınıstrligi men Qarjylyq monıtorıng agenttigine árbir zańdy tulǵanyń tarıftik smetasy men ınvestısııalyq baǵdarlamasyna taldaý júrgizip, kapıtaldy syrtqa shyǵarý yqtımaldyǵyn tekserý tapsyryldy. Buǵan qosa ýákiletti memlekettik organdardyń baqylaý-qadaǵalaý fýnksııalaryn kúsheıtip, jylýmen jáne elektrmen qamtamasyz etetin nysandardyń menshik ıeleriniń jaýapkershiligin arttyrý úshin salalyq zańdar men zańǵa táýeldi aktilerge engiziletin ózgerister ázirlenýi kerek.
