Jalaqyny ósirýdi talap etti

Jalpy, jurt avtoban atap ketken avtojoldyń boıynda tynbaı ju­mys isteıtin qyzmetkerler shaı­lyq­qa jetpeıtin aılyq másele­sin kóterip, tipti birneshe kún jumysqa shyǵý­dan da bas tart­qan. Olardyń sózine sensek, zeınet­aqy qory men medı­sı­nalyq saqtandyrý shotyna tıisti qarajat aýdarylmaǵan kórinedi. Keıingi birneshe aıdyń bederinde arnaıy kıim kıgen qyzmetkerlerdiń bas kóterýi óńirde turaqty jaǵdaıǵa aınala bastaǵan sekildi. Olardyń barlyǵy da jalaqynyń mardymsyz ekenin alǵa tartyp, janaıqaıyn jetkizip jatady. Jaǵdaıy jaqsy bolsa, qarapaıym azamattar bas kóterip qaıtsin? Áleýmettik teń­sizdikten ábden qajyǵannan keıin azamattar amalsyz aılyq másele­sin alǵa tartyp júr ǵoı. Áýlıe­atalyqtardyń ashynǵan daýsyn estıtin adam bar ma?

«Qoqystan bólek, ólgen ıt pen qusty da tazalap jatamyz. Jol boıyndaǵy belgilerdi qalypqa keltiremiz. Qystyń kózi qyraýda joldaǵy qardy tazalaımyz. Kúnniń sýyǵyna da qaramaımyz. Aılyǵymyz soǵan saı bolsa degen tile­gimiz bar», deıdi jumysshylardyń biri Danııar Sultanqulov jaǵdaıdy túsindirip.

Rasynda da, kúre joldyń boıyndaǵy qoqysty qysy-jazy tazalap júrgen azamattardyń eńbegi adal ekeni aqı­qat. Qaı kezde de qyzmetin laıyq­ty atqaratyn qarapaıym halyqtyń maq­saty aıqyn. Qymbatshylyq qos búıirden qysqan shaqta jalaqynyń kóterilgenin qalaıdy. Olarda basqa oı da, arman da joq. Sol úshin de shyryldap bas kóte­rip júr. Tipti, keıde bul áreketteri bas­shylarǵa jaqpaı qalady.

Jaýapty seriktestiktiń jetek­shi­­leri jumysshylar aıtqan aryzdy joq­qa shyǵara almaı otyr. Ju­mystyń qalypty yrǵaqpen júrýine jaǵdaı jasaı almaǵan mamandy jazalaǵan da eken. Alaıda másele munymen sheshile salsa meıli ǵoı...

«Biz ózimizge tıesili kólemdi ten­der arqyly utyp alǵan edik. Bas­shy­lar men zańger bar, esepshi bar, barlyǵy otyryp qarjylyq jaǵ­daıdy talqylaıdy. О́ıtkeni kórse­tilgen merzimge, ıaǵnı eki jyl­ǵa jet­kizý kerek. Al qazir jumys­shylar surap otyrǵandaı jala­q­yny 30 paıyz­ǵa arttyrsaq, alǵan kólemimizdi jyl aıaǵyna deıin jetkize almaımyz. Osyny eskergen jón shyǵar», deıdi «ShymkentSpesStroı» JShS dırektorynyń orynbasary Rýslan Bektursynov.

Jaǵdaıdy muqııat zerdelegen «Qa­zavtojol» kompanııasynyń ókil­deri taraptardyń daýyna túbegeıli aralasa almaıdy. О́ıtke­ni merdigerge kelisim­shart negizindegi qarjyny ýaq­ty­ly aýda­ryp otyrady. Al qalǵan máseleni serik­testik basshylary ózderi sheshedi. Qys­qasy, jumysshylar men seriktestik bas­shylary ózara kelisimge kelmese, jaǵ­daıdyń jedel rettele qoıýy ekitalaı sekildi.

Avtobandaǵy aıqaıǵa núkte qoıa alatyn adam bar-joǵyn kim bil­sin? Qalaı alyp qarasaq ta, mer­diger kompanııa kórshi óńirde tir­kelgen. Olardyń basshylaryna biz­diń jergilikti atqarýshy bı­lik­tiń pármeni óte me, ótpeı me, ol ja­ǵyn bilmedik. Alaıda jergi­lik­ti tu­rǵyndardyń talaby bılik basyn­daǵylardyń nazarynan tys qalmasa deısiń.

«Arqa jaıly bolsa, arqar aýyp nesi bar» degen sóz osyndaıda oıǵa orala beretini ras. Jaǵdaıy jaqsy bolsa, Jambyldyń jaısań halqy da bas kótermes edi ǵoı. Aı­lyq­tyń azdyǵy olardy osyndaı qadamǵa barýǵa ıtermelep otyr­ǵany sózsiz. Seriktestik basshylary jumysshylarmen kelisimge kelip, jaǵdaıdy retteýge kúsh salsa degen tilek bar. О́ıtkeni qara ju­mysqa jegilgen jurttyń adal eńbegi laıyqty baǵalanýǵa tıis.

Jambyl oblysy