«Qalanyń saıabaqtary men qoǵamdyq keńistikterine revızııa júrgizemiz. Synǵan oryndar, qýraǵan aǵashtar bar, sol sııaqty sýarý júıesi barlyq jerde durys jumys istemeıdi.
Áriptesterimmen birge birqatar saıabaqtar men qoǵamdyq keńistikterdi, onyń ishinde Kóktal eldi mekenindegi saıabaqty, ortalyq saıabaqty, ýanyshbaev atyndaǵy mýzykalyq-drama teatrynyń irgeles aýmaǵyn aralap shyqtyq. Sondaı-aq Aqbulaq ózenin tazartý boıynsha jumys jospary talqylandy.
Qalany kógaldandyrý boıynsha aýqymdy jumys júrgizip jatyrmyz, máselen kórikti oryndar men mádenı nysandarǵa irgeles aýmaqtardy da kógaldandyramyz. Alaıda merdigerlerdiń bári birdeı jaýapkershiligin sezine bermeıdi. Q.Qýanyshbaev atyndaǵy mýzykalyq drama teatrynyń janynda qoǵamdyq keńistik salyp jatyrmyz. Qazir aǵash otyrǵyzý jumysynda kemshilikter bar. Bul problemany jaqyn arada retke keltirýdi tapsyrdym», dep jazdy elorda ákimi.
Onyń aıtýynsha, qoldanysta bar saıabaqtar men qoǵamdyq keńistikterdiń jaı-kúıine kóńil bólip qana qoımaı, jańa aýlalar men qoǵamdyq keńistikter (gúlzarlar, jelekjoldar) salynady.
