Oqýshylardy tegin tamaqtandyrady

Máselen, 2023 jylǵa arnal­ǵan respýblıkalyq bıýdjetke túze­tý engizý kezeńinde ınternat­ta tur­maıtyn 1-4 synyp oqýshylaryn ta­maq­tandyrýǵa 84 mln teńgeden astam qarajat qarastyryldy. Máde­nıet jáne sport mı­nıstrligine baǵy­nysty eki mektepke 37 mln teńge bólinedi. Atap aıtqanda, K.Baı­seıi­tova atyndaǵy daryndy bala­larǵa arnalǵan RMMOMI (23,2 mln teńge) jáne A.Jubanov atyn­daǵy daryndy bala­lar­ǵa arnal­ǵan RQMMMI-ge (13,8 mln teńge).

Qazirgi ýaqytta ınternatta tu­ratyn osy mektepterdiń 340 oqý­shysy bes mezgil tegin tamaqpen qam­tamasyz etiledi: A.Jubanov atyn­daǵy daryndy balalarǵa arnal­ǵan RQMMMI - 230 bala jáne K.Baı­seıitova atyndaǵy daryndy balalarǵa arnalǵan RMMOMI – 110 bala.

1-4 synyptardaǵy balalardyń ystyq tamaǵyna 47,2 mln teńgeni eki joǵary jáne joǵary oqý or­nynan keıingi bilim berý uıymdary janyndaǵy mektepter de alady. Bul Qazaq ulttyq horeografııa akademııa­sy janyndaǵy daryndy balalarǵa arnalǵan mamandandyrylǵan mektep (20,2 mln teńge) jáne Qazaq ulttyq óner ýnıversıteti janyndaǵy daryndy balalarǵa arnalǵan maman­dandyrylǵan mektep-ınternat (27 mln teńge).

«Jas daryndardy qoldaý – bizdiń mınıstrlik úshin mańyzdy jumys baǵyty. Árıne, mektepterdi qoldaý balalarǵa tegin tamaq berý arqyly ǵana emes, sonymen qatar jańa qu­raldardy satyp alý, muǵalimderge qosymsha tólemder jáne basqa da sharalar arqyly júzege asyrylady. Kóktemde mınıstr Ashat Oralov Almatynyń birqatar shyǵarmashylyq oqý oryndaryna baryp, nátıjesinde olarǵa 258 mln teńge bólý týraly, sheshim qabyldandy. K.Baıseıitova jáne A.Jubanov atyn­daǵy daryndy balalarǵa arnalǵan mektep-ınternattaryna 161 mln teńge bólindi. Onyń ishinde oqýshy­lardy ystyq tamaqpen qamtý da qaras­ty­ryldy», dedi Mádenıet jáne sport vıse-mınıstri Arman Júdebaev.