Konserttik baǵdarlama aıasynda sahnada Qazaqstannyń eńbek sińirgen qaıratkerleri Aıtqalı Jaıymov pen Ramazan Stamǵazıev, «Qurmet» ordeniniń ıegeri Darhan Rahymǵalıev, Qazaqstannyń eńbek sińirgen qaıratkeri Qaraqat Ábildına, halyqaralyq baıqaýlardyń laýreattary, onyń ishinde Altynshash Muqataeva men «Vıtebsk» halyqaralyq baıqaýynyń jeńimpazy Sherhan Arystan jáne basqa da tanymal oryndaýshylar óner kórsetti.
Konsertke MKQ Prezıdenttik orkestriniń estradalyq-sımfonııalyq orkestri, Astana qalasy ákimdiginiń memlekettik akademııalyq fılarmonııasynyń qazaq orkestri, «Naz» memlekettik bı teatry, «Ádemi-aý» qazaq bı ansambli jáne elimizdiń basqa da shyǵarmashylyq ujymdary qatysty.
«Konstıtýsııa – táýelsiz Qazaqstannyń rámizderiniń biri. Sondyqtan bul kún bizdiń azamattarymyz úshin erekshe mańyzdy. Konstıtýsııa – elimizdiń egemendigin, sondaı-aq osy qujatta belgilengen qaǵıdattarǵa beriktik pen adaldyqty bildiredi. Barsha otandastarymdy osynaý merekemen quttyqtaımyn!» dedi Mádenıet jáne sport vıse-mınıstri Arman Júdebaev.
