Ulttyq sport qauymdastygy baspasóz qyzmetiniń málimetinshe erler – «asyq atýdan» jarysyp, qyzdar – «bes asyqtan» saıysatyn dúbirli dodada Astana, Shymkent, Aqtóbe qalalary jáne Qostanaı, Pavlodar, Ulytaý, Jambyl, Mańǵystaý, Soltústik Qazaqstan, Batys Qazaqstan oblystary boıynsha barlyǵy 100-den astam sportshy sheberlik baıqasady.
Qazaqstan kýbogi jeńimpaz komandalary aqshalaı syıaqy alady jáne jeńimpazdar men júldegerler vedomstvoǵa qarasty Sport jáne dene shynyqtyrý isteri Komıtetiniń kýbogimen, dıplomdarymen, medaldarymen marapattalady.
Ashylý saltanaty Asyq atý federasııasynyń prezıdenti Aslan Sultanov pen Asyq atý federasııasynyń atqarýshy dırektory Jomart Sabyrjanovtyń qatysýymen ótti.
«Federasııa ulttyq sportty damytýǵa kúsh salyp keledi. Jeke óz basym jańadan saılanǵan basshy retinde osy isti zerttep-zerdelep, jan-jaqty jumys júrgizýge kirisip kettim. Bıylǵy jyldyń sońyna deıin jáne kelesi jyly júzege asyratyn naqty jobalarymyz bar. Al búgingi jarysqa qatysýshylarǵa sáttilik tileımin», dedi Aslan Sultanov.
«Asyq atý» respýblıkalyq federasııasynyń prezıdenti - otandyq kásipker Aslan Sultanov federasııa jetekshiligi qyzmetine osy jyldyń tamyz aıynda saılandy.
Atalǵan federasııa Ulttyq sport qaýymdastyǵyna múshe. Ulttyq sport qaýymdastyǵynyń quramyna «Báıge», «Kókpar», «Aýdaryspaq», «Jamby atý», «Dástúrli sadaq atý», «Toǵyzqumalaq», «Teńge ilý», «Qusbegilik», «Asyq atý», federasııalary kiredi.
Aıta ketsek, Ulttyq sport qaýymdastyǵynyń prezıdenti – belgili kásipker, mesenat Islambek Saljanov.
