Osy reformanyń arqasynda ákimderdi tikeleı saılaý tásili engizilip, ákimshilik reforma qolǵa alyndy. «Bul rette bıýdjetaralyq qatynastardy túbegeıli ózgertý de óte ózekti másele. Jańa ekonomıkalyq úlgige kóshkende aımaqtardyń bıýdjet máselesindegi derbestigin arttyrý kerek» degen bolatyn mańyzdy qujatta Memleket basshysy. Al jaqynda Qarqaraly aýdanyndaǵy Qarqaraly qalasy, Egindibulaq, Q.Amanjolov, Balqantaý, Tomar jáne Ýgar aýyldyq okrýgterinde jańa ákimder saılandy.
Qarqaraly aýdandyq saılaý komıssııasy saılaý qorytyndysyn «Qazaqstan Respýblıkasyndaǵy saılaý týraly» Konstıtýsııalyq zańǵa sáıkes, ýchaskelik saılaý komıssııalarynyń hattamalary negizinde jarııa etti.
Q.Amanjolov aýylynyń ákimi qyzmetine Erbol Jolaman saılandy. Ol 1982 jyly týǵan. Buǵan deıin aýdannyń jer qatynastary bóliminiń mamany bolyp qyzmet atqarǵan. Qarqaraly qalasynyń turǵyny. Kandıdatty «Amanat» partııasy usynǵan.
Egindibulaq aýyldyq okrýgi ákimi qyzmetine Beıbit Aıtmaǵanbetuly saılandy. 1969 jyly týǵan. О́zi osy aýyldyń ákimshilik apparatynda bólim basqarǵan. О́zin-ózi usynǵan.
Tomar aýyldyq okrýginiń ákimi qyzmetine Nursylan Jaǵyparov qaıta saılandy. 1990 jyly týǵan, buǵan deıin de Tomar aýyldyq okrýginiń ákimi bolǵan. Tomar aýylynyń turǵyny. Qaıta saılanǵan ákimdi kandıdat retinde «Amanat» partııasy usynǵan.
Balqantaý aýyldyq okrýginiń saılanǵan ákimi – Ersaıyn Qobylandy. 1994 jyly týǵan, «Qarqaraly aýdanynyń jastar resýrstyq ortalyǵy» MM-niń dırektory. Qarqaraly qalasynyń turǵyny. Bul kandıdatty da «Amanat» partııasy usynǵan.
Ýgar aýylyna Janat Ákimov jańadan saılandy. 1967 jyly týǵan, «Rymhan» sharýa qojalyǵynyń jetekshisi. Qarqaraly aýdany Mataq aýylynyń turǵyny. О́zin-ózi usynǵan.
Qarqaraly qalasynyń ákimi bolyp saılaýshylardyń basym kópshiliginen daýys alǵan Aslan Rahımbergenov saılandy. 1985 jylǵy. Ýaqytsha jumyssyz bolyp tirkeýli. Qarqaraly aýdany, Balqantaý aýylynyń turǵyny. «Amanat» partııasy usynǵan.
Eldiń senimin enshilegen jańa ákimder ótken aptadan bastap qyzmetterine kiristi. Joldaýda júktelgen mindettiń qanshalyqty júzege asyrylyp jatqanyn halyq úmit artqan osy ákimderdiń alda atqarar naqty isinen kórýge bolady.
Qaraǵandy oblysy,
Qarqaraly aýdany
