Keshke deıin jalǵasqan proseste Bıshimbaevqa sóz berilip, eks-mınıstr Núkenovamen ótken bir jyldyq otbasylyq ómirindegi barlyq jaısyz oqıǵaǵa marqum áıelin kinálap, ózin «sol qorlyqqa shydaǵan qurban» retinde kórsetýge tyrysqan.
Sot otyrysynan keıin áleýmettik jelilerde Bıshimbaevtyń qoǵamǵa, sot otyrysyndaǵy alqabılerge manıpýlıasııa jasalyp jatqany týraly kóptegen jazbalar tarady. Bıshimbaevtyń burynǵy áıeli de bul taqyryptan shet qalmady.
«Kelisemin, ol (Bıshimbaev – red.) manıpýlıasııa sheberi. Taǵy da (sot zalynda – red.) toqtamaı balalar týraly aıta beredi. Nege ekenin, men týraly da «Saltanatqa jazdy» dep aıtyp jatyr. Munyń bári ótirik», dep jazdy Nazym Qaharman.
