Maqsat pen saıasat úılesimi

Jańa úlgi – barlyq azamat úshin ekono­mı­kalyq múmkindikter men nátıje­ler­de teńdikti qamtamasyz etýdiń bastamasy. Inklıýzıvtilik qaǵıdasy ekonomıkalyq damýdyń qoǵamnyń barlyq tobyna, sonyń ishinde margınaldy jáne osal toptarǵa da yqpalyn tıgizedi. Pragmatıkalyq kózqaras ekonomıkalyq saıasat pen re­formaǵa naqtylanǵan tájirıbelik jáne shynaıy tásilderdi qabyldaýdy kóz­deıdi. Jańa ekonomıkalyq úlginiń halyqtyń ál-aýqatyn arttyrýǵa baǵ­dar­lanýy el turǵyndarynyń ómir súrý sapasyn jaq­sartýǵa áser etedi.

Memleket basshysynyń Qazaqstan halqy Assambleıasynyń qyzmetin jańa gýmanıtarlyq-ıdeologııalyq doktrınamen úılestirýge erekshe mán berýi ulttyq saıasat pen maqsattardyń strategııalyq úılesimdiligin kórsetedi. Gýmanıtarlyq doktrına azamattardyń ál-aýqaty, quqyqtary men qadir-qasıetin ilgeriletýge baǵyttalǵan qaǵı­dattar men saıasatqa qatysty má­sele. Bul másele áleýmettik qyz­metterdi jaqsartý, halyqtyń osal toptaryn qorǵaý jáne barlyq azamattyń negizgi qajettilikterin qanaǵattandyrýdy qamtamasyz etý jónindegi bastamalardy qamtıdy. Assambleıany osy doktrınanyń gýmanıtarlyq qaǵı­da­sy­men sáıkestendirý gýmanı­tar­lyq máselelerdiń kún tártibinde joǵary turýyn qamtamasyz ete alady.

Ideologııalyq doktrına ádette el men qoǵamdy basqarýǵa basshylyq jasaıtyn negizgi senimder, qundylyqtar jáne qaǵıdalardy sıpattaıdy. Usy­nyl­ǵan jańa ıdeologııalyq doktrına Qazaqstannyń ulttyq qundy­lyq­tary men basymdyqtaryn jańa jaǵdaılarǵa sáıkes naqtylaýdy qajet etedi, otansúıgishtik, máde­nı mura, ekonomıkalyq damý jáne elimizdiń jańa baǵytyn qalyptastyratyn ózge de jetekshi qaǵıdalarǵa nazar aýdarýǵa shaqyrady.

Qazaqstan halqy Assambleıasy ses­sııasyndaǵy birlik, jasampazdyq pen órleý tujyrymdary alǵa qoıyl­ǵan maq­sattarǵa qol jetkizýde shyǵar­ma­­shylyq pen ınnovasııany yntalandyrý jáne progressıvti ult retinde jetistikterge jetýde ulttyq birliktiń mańyzdylyǵyn kórsetedi. Pre­zıdenttiń osy salalarǵa nazar aýdarýy elimizdiń aldynda turǵan negiz­gi máselelerin, uzaqmerzimdi damý maq­sattaryn sheshýge keshendi kóz­qarasty bildiredi. Elimizdiń turaqty, ınklıýzıvti jáne gúldengen bola­shaǵy týraly kózqarasty aıqyn­daıdy.

Murat NASIMOV,

Qyzylorda oblystyq QHA janyndaǵy ǵylymı-sarapshylyq tobynyń múshesi