Adamdarǵa sileýsin shabýyl jasady

Qostanaı oblysynyń Qarasý aýdanyndaǵy Qaramyrza aýy­lyna kádimgi sileýsin kirip ketip, turǵyndardyń záre-qutyn qashyrǵan. Abyroı bolǵanda, eshkim zardap shekken joq. Túz taǵysy eldi mekenge kirgen kezde aldymen aýla ıtine, sodan keıin osyndaǵy «Ramazan-Qarasý» JShS kólik aýlasynyń kúzetshisine shabýyl jasamaq bolypty. Azýly jyrtqyshty jaqyn jerden kóre­min dep oılamaǵan kúzetshi jalma-jan basqalardy kómekke shaqyrady. Adamdar jınalyp qalǵan soń, sileýsin seskenip, aýladaǵy júk kólikteriniń birine baryp jasy­rynǵan. Keıin oqıǵa ornyna ańshylar keledi. Jyrtqysh olarǵa da azýyn aqsıtyp, aıbat shegedi. Seriktestiktiń aýlasyna jınalǵan turǵyndar shapshań qımyldy sileýsin kútpegen jerden shabýyl jasasa, bireýmizdi jazym etýi múmkin dep, janýardy atyp alýdy uıǵarady. Osylaısha óltirilgen janýardyń denesi aýdan ortalyǵyna jiberilgen. Aýdandyq murajaıǵa qoıý úshin ol taksıdermııa úrdisinen ótkizilýi múmkin. Aıta keteıik, oqıǵa kýágerleri bul jabaıy ań qazaq dalasyna Reseımen shekaralas orman aıma­ǵynan kelip, adasyp qalǵan soń aýylǵa kirip, ózine azyq izdegen bolar dep joramaldap otyr. Joldybaı BAZAR, «Egemen Qazaqstan».