Baǵdarymyz – tıimdi syrtqy saıasat

Elimizdiń syrtqy saıasatynyń mańyzdy qaǵıdattarynyń biri – kópvektorlylyq, bul Reseı, Qytaı, AQSh, Eýropalyq odaq jáne basqa da ártúrli jahan­dyq oıynshylardyń múddesi arasyndaǵy teńgerimdi tabýǵa, táýekelderdi barynsha azaıtýǵa, tıimdilikti barynsha artty­rý­ǵa múmkindik beredi. Bizdiń stra­tegııalyq áriptesterimizben qarym-qatynasty tereńdetý – turaq­tylyq kepili.

Elimizdiń strategııalyq múd­desi – aımaqty turaqtandyrý, ekonomıkalyq baılanys pen qaýipsizdikti nyǵaıtý. Qazaqstan túrli platforma arqyly aımaq­tyq yntymaqtastyq ıdeıalaryn belsendi túrde alǵa jyljytyp keledi. Syrtqy saıasat pen turaqty damý ekonomıkalyq, áleýmettik jáne ekologııalyq turaqtylyqty saqtaýǵa baǵyttalǵan strategııalar arqyly ózara baılanysty. Bul ishki jáne halyqaralyq deńgeıde mańyzdy ekenin atap ótken jón. Turaqty damýǵa umtylatyn elder osy salalardaǵy uzaq merzimdi maqsattarǵa qol jetkizý úshin syrt­qy saıasatynyń ártúrli aspektisin biriktiredi.

Ekologııa, klımattyń ózgerýi, energetıkalyq qaýipsizdik jáne sıfrlyq transformasııa má­seleleri de mańyzdy sala bolyp qala bermek. Qazaqstan orta derjava jáne pragmatıkalyq syrtqy saıasaty bar memleket retinde turaqty damýǵa múddeli jáne halyqaralyq uıymdar aıasynda seriktestermen belsendi yntymaqtasady. Sondaı-aq klımattyń ózgerýimen kúresýge, bıoártúrlilikti saqtaýǵa, azyq-túlik qaýipsizdigine qol jetkizýge baǵyttalǵan taǵy basqa jahandyq bastamalarǵa qatysady. Halyq­­aralyq alańdarǵa atsalysý elge sý resýrstary, ekologııa jáne kóshi-qonǵa qatysty máse­lelerdi sheshýge, sondaı-aq óńir­lik qaýipsizdikti nyǵaıtýǵa jol ashady.

Jyldam ózgermeli halyq­aralyq tártipte birqatar elmen, halyqaralyq uıym­darmen tıimdi seriktestik ornatýǵa umtylyp, teńgerimdi, prag­ma­tıkalyq jáne kópvektorly syrtqy saıa­sat­ty jalǵastyryp kelemiz. Biz­diń kópvektorly syrtqy saıasa­tymyz­dyń taǵy bir mańyzdy tusy men paıdasy – taza tehnologııalardy paıdalanýǵa, jańartylǵan energııa kózderin damytýǵa, ın­fra­qurylymdy jańǵyrtýǵa baǵyt­talǵan jobalarǵa sheteldik ınves­tısııalardy tartý úshin jaǵdaı jasaý. Bul ınvestısııalar turaqty ekonomıkaǵa kóshýdi jeteldetýge kómektesedi.

Halyqaralyq arenadaǵy prag­matıkalyq áreketterdiń ar­qasynda elimiz 15,7 mlrd dollar tarta aldy. Bul Soltústik jáne Ortalyq Azııa aımaǵyndaǵy eń joǵarǵy nátıjeni kórsetti. Osylaısha, elimiz óziniń syrtqy saıasatyn júzege asyrýda qalyp­tasqan kózqarasty ustana otyryp, ornyqty damýǵa tikeleı áser etetin saıası turaqtylyqty qamtamasyz etýdi jalǵastyryp keledi.

Bekjan SADYQOV,

Prezıdent janyndaǵy QSZI Eýropa jáne amerıkalyq zertteýler bóliminiń basshysy