Fotolar: Oblys ákimdigi
Premer-mınıstrdiń orynbasary Qanat Bozymbaev Túrkistan oblysynyń ákimi Nuralhan Kósherovpen birge Saýran aýdanyna baryp, jýyrda paıdalanýǵa berilgen aýmaqtyq organdar ǵımaratyn aralap kórdi. 2,1 gektar aýmaqta ornalasqan ǵımarattyń jalpy aýdany 7 300 sharshy metrdi quraıdy. Munda memlekettik qyzmetshiler men turǵyndarǵa qolaıly jaǵdaı jasalǵan. Jalpy, qurylǵanyna 4 jyl bolǵan Saýran aýdanynyń ınfraqurylymy jaqsaryp, áleýeti kóterilip keledi. О́ńirlerdi damytý baǵdarlamasy aıasynda aýdanda 5 nysan salynǵan. О́zge jobalar boıynsha da áleýmettik nysandarmen tolyǵyp jatyr.
Saýrandaǵy aýmaqtyq organdar ǵımaratynda vıse-premerge aımaqta «Aýyl – El besigi» jobasynyń oryndalý barysy tanystyryldy. Osy joba arqyly salynǵan ǵımarattar men aldaǵy josparlar baıandaldy.
Túrkistan oblysy ákiminiń baspasóz qyzmetiniń málim etýinshe «Aýyl – El besigi» jobasy sheńberinde 5 jylda 113,2 mlrd. teńge qarjy bólinip, 1 567 joba júzege asqan. 173 áleýmettik jáne 104 ınfraqurylymdyq nysan salynyp, 1 571 ishki kóshe ortasha jóndeýden ótkizilgen. Nátıjesinde 328 eldi meken qajetti ınfraqurylymmen qamtylyp, 10 myńǵa jýyq adamǵa jumys oryndary ashylǵan.
